သမ္မာပရိဗ္ဗာဇနီယသုတ် ပါဌ်-နိဿယ
သမ္မာပရိဗ္ဗာဇနီယသုတ် ပါဌ်-နိဿယ
▬▬▬▬ஜ۩۞۩ஜ▬▬▬▬
နိမ္မိတရုပ်ပွားတော်ဘုရား၏ အမေး ဂါထာ
၁။ ပုစ္ဆာမိ မုနိံ ပဟူတပညံ၊
တိဏ္ဏံ ပါရင်္ဂတံ ပရိနိဗ္ဗုတံ ဌိတတ္တံ။
နိက္ခမ္မ ဃရာ ပနုဇ္ဇ ကာမေ၊
ကထံ ဘိက္ခု သမ္မာ သော လောကေ ပရိဗ္ဗဇေယျ။
ပဟူတပညံ - ကြီးမားကျယ်ပြန့်သည့် ဉာဏ်ပညာနှင့် ပြည့်စုံတော်မူသော၊
မုနိံ - ရှင်တော်မြတ်ဘုရားကို၊
ပုစ္ဆာမိ - မေးမြန်းပါသည်။
တိဏ္ဏံ ပါရင်္ဂတံ - တစ်ဖက်ကမ်း ရောက် ကူးမြောက်တော် မူပြီးသော၊
ပရိနိဗ္ဗုတံ ဌိတတ္တံ - ကိလေသာမီး ငြိမ်းအေးပြီး၍ တည်ငြိမ်သည့် စိတ်နှလုံး ရှိတော် မူသော၊
မုနိံ - ရှင်တော်မြတ်ဘုရားကို၊
ပုစ္ဆာမိ - မေးမြန်းပါသည်။
ကာမေ ပနုဇ္ဇ - ကာမဂုဏ်တို့ကို ပယ်စွန့်၍၊
ဃရာ နိက္ခမ္မ - (အိမ်ရာတည်ထောင် လူ့ဘောင်မှ) ထွက်ခွါခဲ့ပြီးလျှင်၊
သော ဘိက္ခု - ထိုသို့ တောထွက်လာသောရဟန်းသည်၊
လောကေ - လောက၌၊
ကထံ - အဘယ်သို့လျှင်၊
သမ္မာ ပရိဗ္ဗဇေယျ - ကောင်းစွာ ကျင့်သုံးနေရာပါသနည်း။
မြတ်စွာဘုရား၏ အဖြေ ပထမ ဂါထာ
၂။ ယဿ မင်္ဂလာ သမူဟတာ၊
ဥပ္ပတာ သုပိနာ စ လက္ခဏာ စ။
သော မင်္ဂလဒေါသဝိပ္ပဟီနော၊
သမ္မာ သော လောကေ ပရိဗ္ဗဇေယျ။
မုနိ - နိမ္မိတရုပ်ပွားရှင်တော်ဘုရား၊
ယဿ - အကြင်ရဟန်းသည်၊
မင်္ဂလာ - ကောင်းကျိုးရကြောင်း နိမိတ်ကောင်းဖြစ်သည် စွဲယုံကြည်သည့် လောကီ ဆိုင်ရာ မင်္ဂလာတို့ကို၊
သမူဟတာ - အရိယမဂ်ဖြင့် ကောင်းစွာ ပယ်အပ်ပြီး ဖြစ်လေကုန်ပြီ။
ဥပ္ပတာ စ - မိုးကြိုးပစ်ခြင်း လောင်မီးကျခြင်း စသော ဘေးဥပါဒ်ဆိုင်ရာ အယူအစွဲ တို့ကိုလည်းကောင်း၊
သုပိနာ စ - အိပ်မက်ဆိုင်ရာ အယူအစွဲ တို့ကိုလည်းကောင်း၊
လက္ခဏာ စ - သက်ရှိသက်မဲ့ အသုံးအဆောင်တို့၏ လက္ခဏာဆိုင်ရာ အယူအစွဲ တို့ကို လည်းကောင်း၊
သမူဟတာ - အရိယမဂ်ဖြင့် ကောင်းစွာ ပယ်အပ်ပြီး ဖြစ်လေကုန်ပြီ။
သော - ထိုရဟန်းသည်၊
မင်္ဂလဒေါသဝိပ္ပဟီနော - မင်္ဂလာနှင့်စပ်သော အပြစ်ဒေါသ ဟူသမျှကို ပယ်ပြီးဖြစ်လေ တော့သည်။
သော - ထိုသို့သော ရဟန်း သည်၊
လောကေ - လောက၌၊
သမ္မာ ပရိဗ္ဗဇေယျ - ကောင်းစွာ ကျင့်သုံးနေနိုင် ပါပေသည်။
မြတ်စွာဘုရား၏အဖြေ ဒုတိယ ဂါထာ
၃။ ရာဂံ ဝိနယေထ မာနုသေသု၊
ဒိဗ္ဗေသု ကာမေသု စာပိ ဘိက္ခု။
အတိက္ကမ္မ ဘဝံ သမေစ္စ ဓမ္မံ၊
သမ္မာ သော လောကေ ပရိဗ္ဗဇေယျ။
ဘိက္ခု - ကာမဂုဏ်ပယ်ခွါ တောထွက်လာသော ရဟန်းသည်၊
မာနုသေသု ကာမေသု စ - လူ့လောက ကာမဂုဏ်တို့၌လည်း၊
ရာဂံ - တပ်မက်သာယာ တဏှာရာဂကို၊
ဝိနယေထ - ပယ်ဖျောက်ရာ၏။
စ - ထို့ပြင်လည်း၊
ဒိဗ္ဗေသု ကာမေသု အပိ - နတ်လောက ကာမဂုဏ်တို့၌လည်း၊
ရာဂံ - တပ်မက်သာယာ တဏှာရာဂကို၊
ဝိနယေထ - ပယ်ဖျောက်ရာ၏။
ဓမ္မံ - သစ္စာလေးတန် တရားမှန်ကို၊
သမေစ္စ - အရဟတ္တမဂ်ဉာဏ်ဖြင့် မှန်စွာသိပြီး၍
ဘဝံ - သုံးပါးသော ဘဝကို၊
အတိက္ကမ္မ - ကျော်လွန်၍၊
ဌိတော အဿ - တည်သည် ဖြစ်ရာ၏။
သော - ဘဝသုံးပါးကို ကျော်လွန်၍တည်သော ထိုရဟန်းသည်၊
လောကေ - လောက၌၊
သမ္မာ - ကောင်းစွာ၊
ပရိဗ္ဗဇေယျ - ကျင့်သုံးနေနိုင် ပါပေသည်။
မြတ်စွာဘုရား၏အဖြေ တတိယ ဂါထာ
၄။ ဝိပိဋ္ဌိကတွာန ပေသုဏာနိ၊
ကောဓံ ကဒရီယံ ဇဟေယျ ဘိက္ခု။
အနုရောဓဝိရောဓ ဝိပ္ပဟီနော၊
သမ္မာ သော လောကေ ပရိဗ္ဗဇေယျ။
ဘိက္ခု - ရဟန်းသည်၊
ပေသုဏာနိ - တစ်ဖက်လူ၏ အပြစ်ပြောသည့် ကုန်းချောစကားတို့ကို၊
ဝိပိဋ္ဌိကတွာန - ကျောပေးသည့်အလား စွန့်ပယ်ရှား၍၊
ကောဓံ - အမျက်ထွက်ခြင်းကိုလည်းကောင်း၊
ကဒရီယံ - ဝန်တို နှမျောခြင်းကို လည်းကောင်း၊
ဇဟေယျ - ပယ်ရှားရာ၏။
အနုရောဓဝိရောဓ ဝိပ္ပဟီနော - လိုက်လျော နှစ်သက်ခြင်း ဆန့်ကျင် မုန်းထားခြင်း ကိုလည်း ပယ်ပြီးဖြစ်ရာ၏။
သော - ထိုသို့သော ထိုရဟန်းသည်၊
လောကေ - လောက၌၊
သမ္မာ - ကောင်းစွာ၊
ပရိဗ္ဗဇေယျ - ကျင့်သုံး နေနိုင်ပါပေသည်။
မြတ်စွာဘုရား၏အဖြေ စတုတ္ထ ဂါထာ
၅။ ဟိတွာန ပိယဉ္စ အပ္ပိယဉ္စ၊
အနုပါဒါယ အနိဿိတော ကုဟိဉ္စ။
သံယောဇနိယေဟိ ဝိပ္ပမုတ္တော၊
သမ္မာ သော လောကေ ပရိဗ္ဗဇေယျ။
ဘိက္ခု - ရဟန်းသည်၊
ဝါ - သံသရာဘေးကို ရှုမြင်၍ သံသရာ ဝဋ်ဆင်းရဲမှ လွတ်မြောက်ရန် ကျင့်သုံး အားထုတ်နေသော ပုဂ္ဂိုလ်သည်၊
ပိယဉ္စ - ချစ်အပ်သော သတ္တဝါနှင့် သင်္ခါရဝတ္ထုကို လည်းကောင်း၊
အပ္ပိယဉ္စ - မုန်းအပ်သော သတ္တဝါနှင့် သင်္ခါရဝတ္ထုကို လည်းကောင်း၊
ဟိတွာန - စွန့်ပယ်၍၊
အနုပါဒါယ - တစ်စုံတစ်ခုကိုမျှ မစွဲလမ်းမူ၍၊
ကုဟိဉ္စ - တစ်စုံတစ်ရာ၌မျှ၊
အနိဿိတော - မမှီသည် အမှီအတွယ် ကင်းသည်၊
အဿ - ဖြစ်ရာ၏။
သံယောဇနိယေဟိ - သံယောဇဉ်၏ အာရုံဖြစ်သော သက်ရှိသက်မဲ့ အာရုံတည်းဟူ သော ချည်တိုင်တို့မှ၊
ဝိပ္ပမုတ္တော - ကောင်းစွာ လွတ်ပြီးသည်လည်း၊
အဿ - ဖြစ်ရာ ၏။
သော - ထိုသို့သော ထိုရဟန်းသည်၊
လောကေ - လောက၌၊
သမ္မာ - ကောင်းစွာ၊
ပရိဗ္ဗဇေယျ - ကျင့်သုံး နေနိုင်ပါ တော့သည်။
မြတ်စွာဘုရား၏အဖြေ ပဉ္စမ ဂါထာ
၆။ န သော ဥပဓီသု သာရမေတိ၊
အာဒါနေသု ဝိနေယျ ဆန္ဒရာဂံ။
သော အနိဿိတော အနညနေယျော၊
သမ္မာ သော လောကေ ပရိဗ္ဗဇေယျ။
ဘိက္ခု - ရဟန်းသည်၊
ဘိက္ခု - သံသရာဘေးကို ရှုမြင်၍ သံသရာမှ လွတ်မြောက်ရန် ကျင့်ကြံအားထုတ် နေသော ပုဂ္ဂိုလ်သည်၊
ဥပဓီသု - ဆင်းရဲ၏ ကပ်မှီ၍တည်ရာ ခန္ဓာငါးပါးတို့၌၊
ဝါ - ဆင်းရဲချမ်းသာတို့၏ ကပ်မှီ၍တည်ရာ ခန္ဓာငါးပါးတို့၌၊
သာရံ - အနှစ်သာရသို့၊
ဝါ - အနှစ်သာရ ရှီသည်ဟု ထင်မှတ်ခြင်းသို့၊
န ဧတိ - မရောက်တော့ပေ။
သော - ခန္ဓာတို့၌ အနှစ်မထင်သော ထိုရဟန်းသည်၊
အာဒါနေသု - ပကတိလူတို့က ငါ ငါ့ဥစ္စာအနေဖြင့် စွဲလမ်းအပ်သော ရုပ်နာမ်ခန္ဓာ တို့၌၊
ဆန္ဒရာဂံ - လိုလားခြင်း တပ်မက်ခြင်းကို၊
ဝိနေယျ - ပယ်ဖျောက်၍၊
ဌိတော ဟောတိ - တည်နေတော့၏။
သော - ထိုရဟန်းသည်၊
အနိဿိတော - မမှီမတွယ်သည်ဖြစ်၍၊
အနညနေယျော - သူတပါးက မသိစေအပ်ဘဲ ကိုယ်တိုင်ပင်သိသည်၊
ဟောတိ - ဖြစ်၏။
သော - ထိုသို့သော ရဟန်းသည်၊
လောကေ - လောက၌၊
သမ္မာ - မည်သည့် အရာ မည်သူနှင့်မှ မငြိတွယ်ပဲ ကောင်းစွာ၊
ပရိဗ္ဗဇေယျ - နေနိုင်ပါသည်။
မြတ်စွာဘုရား၏အဖြေ ဆဋ္ဌမ ဂါထာ
၇။ ဝစသာ မနသာ စ ကမ္မုနာ စ၊
အဝိရုဒ္ဓေါ သမ္မာ ဝိဒိတွာ ဓမ္မံ။
နိဗ္ဗာနပဒါဘိပတ္ထယာနော၊
သမ္မာ သော လောကေ ပရိဗ္ဗဇေယျ။
ဘိက္ခု - ရဟန်းသည်၊
ဘိက္ခု - သံသရာဘေးကို ရှုမြင်၍ သံသရာ ဝဋ်ဆင်းရဲမှ လွတ်မြောက်ရန် ကျင့်ကြံအားထုတ် နေသော ပုဂ္ဂိုလ်သည်၊
ဝစသာ - နှုတ်ဖြင့်၎င်း၊
မနသာ စ - စိတ်ဖြင့်၎င်း၊
ကမ္မုနာ စ - ကိုယ်ဖြင့်၎င်း၊
အဝိရုဒ္ဓေါ - မဆန့်ကျင်ဘဲ သင့်လျော်စွာ ကျင့်သည်ဖြစ်၍၊
ဘိက္ခု - ရဟန်းသည်၊
ဝိဒိတွာ - သိပြီး၍၊
နိဗ္ဗာနပဒါဘိ ပတ္ထယာနော - ဆင်းရဲငြိမ်းရာ နိဗ္ဗာန်ကိုသာလျှင် လိုလားတောင့်တသည်၊
ဟောတိ - ဖြစ်၏။
သော - ထိုသို့သော ရဟန်းသည်၊
လောကေ - လောက၌၊
သမ္မာ - ဘာနှင့်မျှ မကပ်မငြိပဲ ကောင်းမွန် ကြည်လင်စွာ၊
ပရိဗ္ဗဇေယျ - နေနိုင်ပါသည်။
မြတ်စွာဘုရား၏အဖြေ သတ္တမ ဂါထာ
၈။ ယော ဝန္ဒတိ မန္တိ နုန္နမေယျ၊
အက္ကုဋ္ဌောပိ န သန္ဓိယေထ ဘိက္ခု။
လဒ္ဓါ ရဘောဇနံ န မဇ္ဇေ၊
သမ္မာ သော လောကေ ပရိဗ္ဗဇေယျ။
ယော ဘိက္ခု - အကြင် ရဟန်းသည်၊
ဝန္ဒတိ မန္တိ - ငါ့ကို သူများက ရှိခိုးသည်ဟု၊
န ဥန္နမေယျ - မာန်မတက်ကြွ အထင်မကြီးရာ၊
အက္ကုဋ္ဌောပိ - သူတပါးက ဆဲရေး စွပ်စွဲ သော်လည်း၊
န သန္ဓိယေထ - ဒေါသစိတ်ဖြင့် မဆက်စပ်ရာ၊
ပရဘောဇနံ - သူတပါးတို့က လှူသောစားဖွယ် သုံးဆောင်ဖွယ် ပစ္စည်းကို၊
လဒ္ဓါ - အလိုရှိတိုင်း အလွယ်တကူ ရ၍၊
ဝါ - အလွယ်တကူ ရသောကြောင့်၊
န မဇ္ဇေ - မာန်တက်ကြွကာ မယစ်ရာ၊
သော - ထိုသို့သော ရဟန်းသည်၊
လောကေ - လောက၌၊
သမ္မာ - ဘာနှင့်မျှ မကပ်မငြိပဲ ကောင်းမွန် ကြည်လင်စွာ၊
ပရိဗ္ဗဇေယျ - နေနိုင်ပါသည်။
မြတ်စွာဘုရား၏အဖြေ အဋ္ဌမ ဂါထာ
၉။ လောဘဉ္စ ဘဝဉ္စ ဝိပ္ပဟာယ၊
ဝိရတော ဆေဒနဗန္ဓနာ စ ဘိက္ခု။
သော တိဏ္ဏကထံကထော ဝိသလေက္ခာ၊
သမ္မာ သော လောကေ ပရိဗ္ဗဇေယျ။
ယော ဘိက္ခု - အကြင် ရဟန်းသည်၊
လောဘဉ္စ - လိုချင်မှု လောဘကို လည်းကောင်း၊
ဘဝဉ္စ - ဘဝသစ်ဖြစ်ကြောင်း ကံကိုလည်းကောင်း၊
ဝိပ္ပဟာယ - အကြွင်းမဲ့ ပယ်ပြီးဖြစ်၍၊
ဆေဒနဗန္ဓနာ စ - လက်, စသည်ကို ဖြတ်၍ နှိပ်စက်ခြင်း၊ ချည်နှောင်၍ နှိပ်စက်ခြင်း မှလည်း၊
ဝိရတော - ရှောင်ကြဉ်သည်၊
အဿ - ဖြစ်ရာ၏။
သော - ထိုရဟန်းသည်၊
တိဏ္ဏကထံကထော - ကျော်လွန်ပြီးသော ယုံမှားခြင်း ရှိသည်ဖြစ်၍၊
ဝါ - ယုံမှားကို ကျော်လွန်ပြီးသည်ဖြစ်၍၊< ဝိသလေက္ခာ - ကိလေသာ ငြောင့် ကင်းသည်လည်း၊
အဿ - ဖြစ်ရာ၏။
သော - ထိုသို့သော ရဟန်းသည်၊
လောကေ - လောက၌၊
သမ္မာ - ဘာနှင့်မျှ မကပ်မငြိပဲ ကောင်းမွန် ကြည်လင်စွာ၊
ပရိဗ္ဗဇေယျ - နေနိုင်ပါသည်။
မြတ်စွာဘုရား၏အဖြေ နဝမ ဂါထာ
၁၀။ သာရုပ္ပံ အတ္တနော ဝိဒိတွာ၊
နော စ ဘိက္ခု ဟိံသေယျ ကဉ္စိ လောကေ။
ယထာတထိယံ ဝိဒိတွာ ဓမ္မံ၊
သမ္မာ သော လောကေ ပရိဗ္ဗဇေယျ။
ဘိက္ခု - ရဟန်းသည်၊
အတ္တနော - မိမိအား၊
သာရုပ္ပံ - သင့်လျော် လျောက်ပတ်သည်ကို၊
ဝိဒိတွာ - သိပြီးဖြစ်၍၊
ဌိတော - တည်သည်၊
အဿ - ဖြစ်ရာ၏။
လောကေ - လောက၌၊
ကဉ္စိ - တစ်စုံတစ်ယောက်ကိုမျှ၊
နော စ ဟိံသေယျ - မညှဉ်းဆဲ ပါနှင့်၊
ယထာတထိယံ - ဧကန်စင်စစ် အမှန်ဖြစ်သော၊
ဓမ္မံ - သစ္စာလေးပါး တရားကို၊
ဝိဒိတွာ - သိပြီးဖြစ်၍၊
ဌိတော - တည်သည်၊
အဿ - ဖြစ်ရာ၏။
သော - ထိုသို့သော ရဟန်းသည်၊
လောကေ - လောက၌၊
သမ္မာ - ဘာနှင့်မျှ မကပ်မငြိပဲ ကောင်းမွန် ကြည်လင်စွာ၊
ပရိဗ္ဗဇေယျ - နေနိုင်ပါသည်။
မြတ်စွာဘုရား၏အဖြေ ဒသမ ဂါထာ
၁၁။ ယဿာ နုသယာ န သန္တိ ကေစိ၊
မူလာ စ အကုသလာ သမူဟတာသေ။
သော နိရာသော အနာသိသာနော၊
သမ္မာ သော လောကေ ပရိဗ္ဗဇေယျ။
ယဿ ဘိက္ခုနော - အကြင်ရဟန်းအား၊
ကေစိ အနုသယာ - အချို့သော အနုသယတို့သည်၊
န သန္တိ - မရှိတော့ကုန်။
အကုသလာ မူလာ စ - အကုသိုလ် မူလအရင်းအမြစ်တို့ကိုလည်း၊
သမူဟတာ - အကြွင်းမဲ့ နှုတ်ပယ် အပ်ကုန်ပြီ။
သော - အနုသယနှင့် အကုသိုလ် အရင်းအမြစ်တို့ကို အကြွင်းမဲ့ ပယ်ပြီးသော ရဟန်း သည်၊
နိရာသော-နိအာသော - လိုချင်မှု အာသာ ကင်းသည်ဖြစ်၍၊
အနာသိသာနော-န အာသိသာနော - တောင့်တမှု အာသီသလည်း မရှိတော့ပြီ။
သော - ထိုသို့သော ရဟန်းသည်၊
လောကေ - လောက၌၊
သမ္မာ - ဘာနှင့်မျှ မကပ်မငြိပဲ ကောင်းမွန် ကြည်လင်စွာ၊
ပရိဗ္ဗဇေယျ - နေနိုင်ပါသည်။
မြတ်စွာဘုရား၏အဖြေ ဧကာဒသမ ဂါထာ
၁၂။ အာသဝခီဏော ပဟီနမာနော၊
သဗ္ဗံ ရာဂပထံ ဥပါတိဝတ္တော။
ဒန္တော ပရိနိဗ္ဗုတော ဌိတတ္တော၊
သမ္မာ သော လောကေ ပရိဗ္ဗဇေယျ။
ယော ဘိက္ခု - အကြင် ရဟန်းသည်၊
အာသဝခီဏော -အာသဝေါ ခပ်သိမ်း ကုန်ငြိမ်းပြီးသည်၊
ပဟီနမာနော - မာန ၉-ပါးကို ပယ်ရှားပြီးသည်၊
သဗ္ဗံ - အလုံးစုံ သော၊
ရာဂပထံ - တပ်မက်တရား ပွားများဖို့ရာ လမ်းပမာ တူလှသည့် သင်္ခါရတရား အပေါင်းကို၊
ဥပါတိဝတ္တော - ဉာဏ်ဖြင့် ချဉ်းကပ် ရှုမှတ် ပိုင်းခြား သိသောအားဖြင့်၊
အဿ - ဖြစ်ရာ၏။
ဒန္တော - ယဉ်ကျေးပြီးသည်၊
ပရိနိဗ္ဗုတော - ကိလေသာခပ်သိမ်း ကုန်ငြိမ်းပြီးသည်၊
ဌိတတ္တော - တည်တံ့သော စိတ်ရှိသည်၊
အဿ - ဖြစ်ရာ၏။
သော - ထိုသို့သော ရဟန်းသည်၊
လောကေ - လောက၌၊
သမ္မာ - ဘာနှင့်မျှ မကပ်မငြိပဲ ကောင်းမွန် ကြည်လင်စွာ၊
ပရိဗ္ဗဇေယျ - နေနိုင်ပါသည်။
မြတ်စွာဘုရား၏အဖြေ ဒွါဒသမ ဂါထာ
၁၃။ သဒ္ဓေါ သုတဝါ နိယာမဒဿီ၊
ဝဂ္ဂဂတေသု န ဝဂ္ဂသာရိ ဓီရော။
လောဘံ ဒေါသံ ဝိနေယျ ပဋိဃံ၊
သမ္မာ သော လောကေ ပရိဗ္ဗဇေယျ။
ယော ဓီရော - အကြင် ပညာရှိရဟန်းသည်၊
သဒ္ဓေါ - ယုံကြည်မှု သဒ္ဓါတရားနှင့် ပြည့်စုံသည် လည်းကောင်း၊
သုတဝါ - အကြားအမြင် ဗဟုသုတနှင့် ပြည့်စုံသည် လည်းကောင်း၊
နိယာမဒဿီ - အရိယမဂ်ဟူသော ကိန်းသေတရားကို တွေ့မြင်သည် လည်းကောင်း၊
အဿ - ဖြစ်ရာ၏။
ဝဂ္ဂဂတေသု - ကွဲပြားကြောင်းဖြစ်သော အယူများ သို့ ရောက်နေသော လူတို့၌၊
န ဝဂ္ဂသာရိ - ကွဲပြားကြောင်းဖြစ်သော အယူသို့ မလျှောက်မသွားသည်၊
အဿ - ဖြစ်ရာ၏။
လောဘံ - လောဘကို လည်းကောင်း၊
ဒေါသံ - ဒေါသကို လည်းကောင်း၊
ပဋိဃ - ပဋိဃကိုလည်း၊
ဝိနေယျ - ပယ်ဖျောက် ရာ၏။
(တနည်း) ဝိနေယျ - ပယ်ဖျောက်၍၊
ဌိတော - တည်သည်၊
အဿ - ဖြစ်ရာ၏။
သော - ထိုသို့သော ရဟန်းသည်၊
လောကေ - လောက၌၊
သမ္မာ - ဘာနှင့်မျှ မကပ် မငြိပဲ ကောင်းမွန် ကြည်လင်စွာ၊
ပရိဗ္ဗဇေယျ - နေနိုင်ပါသည်။
မြတ်စွာဘုရား၏အဖြေ တေရသမ ဂါထာ
၁၄။ သံသုဒ္ဓဇိနော ဝိဝဋ္ဋဆဒ္ဒေါ၊
ဓမ္မေသု ဝသီ ပါရဂူ အနေဇော။
သင်္ခါရနိရောဓ ဉာဏကုသလော၊
သမ္မာ သော လောကေ ပရိဗ္ဗဇေယျ။
ဘိက္ခု - ရဟန်းသည်၊
သံသုဒ္ဓဇိနော - အစင်ကြယ်ဆုံး အရဟတ္တမဂ်ဖြင့် ကိလေသာရန်ကို အောင်နိုင်ပြီးသည် လည်းကောင်း၊
ဝိဝဋ္ဋဆဒ္ဒေါ - ဝဋ်သုံးပါးနှင့် အဖုံးအကွယ် ကင်းပြီးသည် လည်းကောင်း၊
အဿ - ဖြစ်ရာ၏။
ဓမ္မေသု - တရားတို့၌၊
ဝသီ - မိမိအလိုအတိုင်း နိုင်နင်းသည်၊
အဿ - ဖြစ်ရာ၏။
ပါရဂူ - တစ်ဘက်ကမ်းသို့ ရောက်သည်လည်းကောင်း၊
အနေဇော - တုန်လှုပ်တတ်သော တဏှာကင်းသည် လည်းကောင်း၊
အဿ - ဖြစ်ရာ၏။
သင်္ခါရနိရောဓ ဉာဏကုသလော - သင်္ခါရချုပ်ရာ နိဗ္ဗာန်ကို သိသောဉာဏ်၌ ကျွမ်းကျင် လိမ္မာသည်၊
အဿ - ဖြစ်ရာ၏။
သော - ထိုသို့ သော ရဟန်းသည်၊
လောကေ - လောက၌၊
သမ္မာ - ဘာနှင့်မျှ မကပ်မငြိပဲ ကောင်းမွန် ကြည်လင်စွာ၊
ပရိဗ္ဗဇေယျ - နေနိုင်ပါသည်။
မြတ်စွာဘုရား၏အဖြေ စုဒ္ဒသမ ဂါထာ
၁၅။ အတီတေသု အနာဂတေသု စာပိ၊
ကပ္ပါတီတော အတိစ္စ သုဒ္ဓိပညော။
သဗ္ဗာယတနေဟိ ဝိပ္ပမုတ္တော၊
သမ္မာ သော လောကေ ပရိဗ္ဗဇေယျ။
ဘိက္ခု - ရဟန်းသည်၊
အတီတေသု စာပိ - အတိတ်တရားတို့၌ လည်း ကောင်း၊
အနာဂတေသု စာပိ - အနာဂတ် တရားတို့၌ လည်းကောင်း၊
ကပ္ပါတီတော - ကြံတွေးခြင်းကို လွန်မြောက်သည်၊
အဿ - ဖြစ်ရာ၏။
အတိစ္စ သုဒ္ဓိပညော - အလွန်စင်ကြယ်သော ဉာဏ်ပညာနှင့် ပြည့်စုံသည်လည်း၊
အဿ - ဖြစ်ရာ၏။
သဗ္ဗာယတနေဟိ - မျက်စိနှင့် အဆင်း၊ နားနှင့် အသံ အစရှိသော အလုံးစုံသော အာယတန ၁၂-ပါးတို့မှ၊
ဝိပ္ပမုတ္တော - လွတ်မြောက်ပြီးသည်လည်း၊
အဿ - ဖြစ်ရာ ၏။
သော - ထိုသို့သော ရဟန်းသည်၊
လောကေ - လောက၌၊
သမ္မာ - ဘာနှင့်မျှ မကပ်မငြိပဲ ကောင်းမွန် ကြည်လင်စွာ၊
ပရိဗ္ဗဇေယျ - နေနိုင်ပါသည်။
မြတ်စွာဘုရား၏အဖြေ ပန္နရသမ ဂါထာ
၁၆။ အညာယ ပဒံ သမေစ္စ ဓမ္မံ၊
ဝိဝဋံ ဒိသွာန ပဟာနမာသဝါနံ။
သဗ္ဗုပဓီနံ ပရိက္ခယာနော၊
သမ္မာ သော လောကေ ပရိဗ္ဗဇေယျ။
ယော ဘိက္ခု - အကြင် ရဟန်းသည်၊
ပဒံ - ရောက်အပ်သိအပ်သောတရားကို၊
အညာယ - အရိယမဂ်သို့ မရောက်သေးမီ ရှေးအဖို့က အသီးသီး သိပြီး၍၊
ဓမ္မံ - သစ္စာလေးပါးတရားတို့ကို၊
သမေစ္စ - အရိယမဂ်ခဏ၌ တစ်ပြိုင်နက် သိပြီ။
အာသဝါနံ ပဟာနံ - အာသဝေါတရားတို့ကို ပယ်ကြောင်းဖြစ်သော နိဗ္ဗာန်ကို၊
ဝိဝဋံ ဒိသွာန - ပွင့်ပွင့်လင်းလင်း အထင်အရှား ဆင်ခြင်လျက် သိမြင်လေပြီ။
သဗ္ဗုပဓီနံ -အလုံးစုံသော ဥပဓိတို့၏၊
ပရိက္ခယာ - ကုန်ခြင်းကြောင့်၊
နော သဇ္ဇတိ - ဘယ်အရာ၌မျှ မငြိကပ် မတွယ်တာတော့ပေ။
သော - ထိုသို့သော ရဟန်းသည်၊
လောကေ - လောက၌၊
သမ္မာ - ဘာနှင့်မျှ မကပ်မငြိပဲ ကောင်းမွန် ကြည်လင်စွာ၊
ပရိဗ္ဗဇေယျ - နေနိုင်ပါသည်။
နိမ္မိတဘုရားက ချီးကျူးအနုမောဒနာပြုပုံ
၁၇။ အဒ္ဓါ ဟိ ဘဂဝါ တထေ၀ ဧတံ၊
ယော သော ဧဝံဝိဟာရီ ဒန္တော ဘိက္ခု။
သဗ္ဗသံယောဇနယောဂဝီတိဝတ္တော၊
သမ္မာ သော လောကေ ပရိဗ္ဗဇေယျ။
ဘဂဝါ - ဘုန်းတော်ကြီးသော မြတ်စွာဘုရား၊
ဧတံ - အရှင်ဘုရား ဖြေကြား တော်မူသော ဤစကားလုံး အားလုံးသည်၊
အဒ္ဓါ - မချွတ်ဧကန်၊
တထေ၀ - ထို ဖြေကြား ဟောပြသည့်အတိုင်းပင် မှန်လှပါပေသည်။
ယော သော ဘိက္ခု - အကြင် ရဟန်းသည်၊
ဧဝံဝိဟာရီ - လောကီမင်္ဂလာ ဟူသမျှကို ပယ်ပြီးဖြစ်ရမည် စသည်ဖြင့် အရှင်မြတ် ဘုရား ဟောကြား ဖြေဆိုတော် မူသည့်အတိုင်း ကျင့်သုံးနေလေ့ရှိ၏။
ဝါ - ကျင့်သုံးနေလေ့ရှိသော၊
ယော သော ဘိက္ခု - အကြင်ရဟန်းသည်၊
ဒန္တော - ကိလေသာ ဟူသော ရိုင်းစိုင်းခြင်း ကင်းလျက် ယဉ်ကျေးပြီးသည်၊
ဟောတိ - ဖြစ်ပါပေ၏။
သဗ္ဗသံယောဇနယောဂဝီတိဝတ္တော - အလုံးစုံသော သံယောဇဉ်တို့နှင့် အလုံးစုံသော ယောဂတို့ကို ကျော်လွန်ပြီးသည်လည်း၊
ဟောတိ - ဖြစ်ပေ၏။
သော - အကြင် ရဟန်း သည်၊
လောကေ - လောက၌၊
သမ္မာ - ဘာနှင့်မျှ မကပ်မငြိပဲ ကောင်းမွန် ကြည်လင်စွာ၊
ပရိဗ္ဗဇေယျ - နေနိုင်ပါသည်။
သမ္မာပရိဗ္ဗာဇနီယသုတ္တံ နိဋ္ဌိတံ။
သမ္မာပရိဗ္ဗာဇနီယသုတ် ပြီး၏။