ပုဂံမြို့ မင်းနန်သူရွာ ဝိနည်းဓိုရ်ဘုရားစု၌ ဘုရားနံပါတ် ၃၃၈ အတွင်းရှိ မင်စာများ
ပုဂံမြို့ မင်းနန်သူရွာ ဝိနည်းဓိုရ်ဘုရားစု၌ ဘုရားနံပါတ် ၃၃၈ အတွင်းရှိ မင်စာများ
[ပြင်ဆင်ရန်]အနောက်မုခ်၊ မြောက်နံရံ
[ပြင်ဆင်ရန်]- ၁“။ အမ္လျိုဝ်သ္မီသည် သ္ခိင်ရဟ(န်)ကိုဝ် ကြညိုဝ်ရုယ် ပျ(န်)ထက် ပုဆိုဝ်ခ(င်ရု)ယ်ပိယ်ရသောအက္လုဝ်ဖ္လင် တာဝတိံသာနှိုက် ၁၂ယူဇနာသော ရှုယ်ပိမန္တွ(င်) စည္စိံ (ခံ)စာဧ။”
[အမျိုးသမီးသည် သခင်ရဟန်းကို ကြည်ညို၍ ပျဉ် ထက် ပုဆိုးခင်း၍ပေးရသောအကျိုးဖြင့် တာဝတိံသာ ၌ ၁၂ ယူဇနာသော ရွှေဗိမာန်တွင် စည်းစိမ်ခံစား၏။]
- ၂“။အမ္လျိုဝ်သ္မီသည် သ္ခိင်သာရိပုတြာကိုဝ် (ပ)န်လင် လှုရသော (အ)က္လိုဝ်ဖ္လင် တာဝတိံသာနှိုက် အစောက်အယူဇနာ (၁၂၀)သော ရှုယ်ပိမန္တွင် စည္စိံမ်ခံစာဧအ်။”
[အမျိုးသမီးသည် သခင်သာရိပုတ္တရာကို ပလ္လင်လှူရ သောအကျိုးဖြင့် တာဝတိံသာ၌ အစောက် အယူဇနာ (၁၂ဝ)သော ရွှေဗိမာန်တွင် စည်းစိမ်ခံစား၏။]
တောင်နံရံ
[ပြင်ဆင်ရန်]- ၄“အမ္လျိုသ္မီသည် သ္ခိင်ရဟန်ဆွံပိယ်သော ယပ်ယပ်ရုယ် က္လွည်ရသောအက္လိုဝ်ဖ္လင် တာဝတိံသာနှိုက် သကြာမယာ ဖ္လစ်ရု(ယ် အရံ) ၁ဝဝနှင်ခြံရံလျက် ရှုယ်ပိမန္တွင် စည္စိံ ခံစာဧအ်။”
[အမျိုးသမီးသည် သခင်ရဟန်းဆွမ်းပေးသော် ယပ်ယပ် ၍ ကျွေးရသောအကျိုးဖြင့် တာဝတိံသာ၌ သိကြား မယားဖြစ်၍ အရံ ၁ဝဝ နှင့်ခြံရံလျက် ရွှေဗိမာန်တွင် စည်းစိမ်ခံစား၏။]
- ၅“။မိယ္မတစ်ယောက်သောသည် သ္ခိင်ရဟန်ကိုဝ် ခါပန်လှူ ရသောအက္လိုဝ်ဖ္လင် တာဝတိံသာနှိုက် သကြာမယာဖ္လစ်ရုယ် အရံ ၁ဝဝဝနှင်ခြံရံလျက် ရှုယ်ပိမန်တွင် စိည်စိမ်ခံစာဧ။”
[မိန်းမတစ်ယောက်သောသည် သခင်ရဟန်းကို ခါးပန်း လှူရသောအကျိုးဖြင့် တာဝတိံသာ၌ သိကြားမယား ဖြစ်၍ အရံ ၁ဝဝဝနှင့်ခြံရံလျက် ရွှေဗိမာန်တွင် စည်းစိမ် ခံစား၏။]
- ၆“။အမ္လျိုဝ်သ္မီသည် သ္ခိင်ရဟန်ကိုဝ်အာ မီဖုန်ပိယ်ရသော အက္လိုဝ်ဖ္လင် တာဝတိံသာနှိုက် သကြာမယာဖ္လစ်ရုယ် အရံ ၁ဝဝဝနှင်ခြံရံလျက် ရှုယ်ပိမန်တွင် စည်စိမ်ခမ်စာဧ။”
[အမျိုးသမီးသည် သခင်ရဟန်းကိုအား မီးဖုန်းပေးရသော အကျိုးဖြင့် တာဝတိံသာ၌ သိကြားမယားဖြစ်၍ အရံ ၁ဝဝဝနှင့်ခြံရံလျက် ရွှေဗိမာန်တွင် စည်းစိမ်ခံစား၏။]
- ၈“။သဌိ(ယ်)သ္မီသည် မိယ္မအ(ဖ္လစ်)ကာ ယုတ်စွာဟုရုယ် ပစ္စေကဗုဒ္ဓါကိုဝ် ဆွမ်နှင်ကြာစည်(လှူ)ရုယ် ယောကျာ အဖ္လစ်လိုဝ်ဟူ ဆုတောင်ရကာ တာဝတိံသာနှိုက် နဿာ ဖ္လစ်ရုယ် ရှုယ်ပိမန်တွင် စည္စိံခါစာဧ”
[သူဌေးသမီးသည် မိန်းမအဖြစ်ကား ယုတ်စွာဟူ၍ ပစ္စေကဗုဒ္ဓါကို ဆွမ်းနှင့်ကြာစည်းလှူ၍ ယောက်ျား အဖြစ်လိုဟု ဆုတောင်းရကား တာဝတိံသာ၌ နတ်သား ဖြစ်၍ ရွှေဗိမာန်တွင် စည်းစိမ်ခံစား၏။]
- ၉“။အမ္လျိဝ်သာ သ္ခိင်သင်္ဃာအာ ရိယ္သိဖန်အတိုင်မူရုယ် နိယ်စိယ်အက္လိုဝ်ဖ္လင် တာဝတိံသာနှိုက် ၁၂ယူဇနာသော ရှုယ်ပိမန်တွင် အရံ၁ဝဝဝနှင် စည္စိံ(ခံစာဧ)။”
[အမျိုးသား သခင်သံဃာအား ရေသဖန်းအတိုင်းမူ၍ နေစေအကျိုးဖြင့် တာဝတိံသာ၌ ၁၂ယူဇနာသော ရွှေဗိမာန်တွင် အရံ ၁ဝဝဝနှင့် စည်းစိမ်ခံစား၏။]
- ၁၀“။သူဆငြယ်တ(ယော)က်သောသည် နှစ္လုံကြည်ညိုဝ်စွာ နှစ္လုံ
သဖ္လင် မီမီဇာဖိုဝ်မုန်ကိုဝ် ပုရှာအာလှူရသောအက္လိုဝ်ဖ္လင် ၉၂ကမ္ဘာ ဆိုဝ်ငြာယ်မသိ စည္စိမ်ခံစာဧ။” [သူဆင်းရဲတစ်ယောက်သောသည် နှလုံးကြည်ညိုစွာသဖြင့် မိမိစားဖို့မုန့်ကို ဘုရားအားလှူရသော အကျိုးဖြင့် ၉၂ကမ္ဘာ ဆင်းရဲမသိ စည်းစိမ်ခံစား၏။]
- ၁၁“။ဆိုဝ်ငြယ်စွာသော ယောကျာတယောက်သောသည် ပုရှာကိုဝ်ကြညိုဝ်သဖ္လင် မီမီဝေဿာ ပုဆိုဝ်ထက်ဝက်သောကိုဝ် လှူသောအက္လိုဝ်ဖ္လင် ၉၂ကမ္ဘာ ဆိုဝ်ငြယ္မသိ စည္စိမ်ခံဧ။”
[ဆင်းရဲစွာသော ယောက်ျားတစ်ယောက်သောသည် ဘုရားကိုကြည်ညိုသဖြင့် မိမိဝတ်သော ပုဆိုးထက်ဝက် သောကို လှူသောအကျိုးဖြင့် ၉၂ကမ္ဘာ ဆင်းရဲမသိ စည်းစိမ်ခံ၏။]
- ၁၂“။မင်ဥယန်စောင်သည် အခာမဟုတ်သော သီသော သိရျက်မှည် ၄လုံသောကိုဝ် သ္ခိင်မောဂ္ဂလန်ကိုဝ် လှူရသော အက္လိုဝ်ဖ္လင် တာဝတိံသာနှိုက် ၁၆ယူဇနာ ရှုယ်ပိမန်တွင် စည်စိမ်ခံစာရဧအ်။”
[မင်းဥယျာဉ်စောင့်သည် အခါမဟုတ်သော သီးသော သရက်မှည့် ၄လုံးသောကို သခင်မောဂ္ဂလ္လာန်ကို လှူရသောအကျိုးဖြင့် တာဝတိံသာ၌ ၁၆ယူဇနာ ရွှေဗိမာန် တွင် စည်းစိမ်ခံစားရ၏။]
- ၁၃“။ သဒ္ဓါစွာသော သ္တင်သည်သည် တောင်ထက် ဂန္ဓကုဋိယ် ပ္လူရုယ် ပုရှာသ္ခိင်ကိုဝ် က္လွည်ရသောအက္လိုဝ်ဖ္လင် တာဝတိင်္သာနှိုက် အထူထူသော ရတနာရောင်ခြည်ဖ္လင် တောင်[၁]ထသော ရှုယ်တောင်အထိပ်နှိုက်ဟိသော ပိမန္တွင် စည္စိံခံစာဧ”
[သဒ္ဓါစွာသော သီတင်းသည်သည် တောင်ထက် ဂန္ဓကုဋီပြု၍ ဘုရားသခင်ကို ကျွေးရသော အကျိုး ဖြင့် တာဝတိံသာ၌ အထူးထူးသော ရတနာရောင်ခြည် ဖြင့် တောက်ထသော ရွှေတောင်အထိပ်၌ရှိသော ဗိမာန် တွင် စည်းစိမ်ခံစား၏။]
- ၁၅“။ သ္တင်သည်တယောက်သောသည် အရံနှင်အကွသွောသော သ္ခိင်သာရိပုတြာ မောဂ္ဂလန်ကိုဝ်မြင်ရုယ် ခြိယ်ဆိယ်ရိယ် ခြိယ်ဆီကိုဝ် လှူရသောအက္လိုဝ်ဖ္လင် တာဝတိံသာနှိုက် ၁၂ယူဇနာသော ရှုယ်ပိမန္တွင် စည္စိံခံစာဧအ်။”
[သီတင်းသည်တစ်ယောက်သောသည် အရံနှင့်အကွ သွား သော သခင်သာရိပုတ္တရာ၊ မောဂ္ဂလ္လာန်ကိုမြင်၍ ခြေဆေးရေ ခြေဆီကို လှူရသောအကျိုးဖြင့် တာဝတိံသာ၌ ၁၂ ယူဇနာသော ရွှေဗိမာန်တွင် စည်းစိမ်ခံစား၏။]
ခုံးအတွင်းမျက်နှာ
[ပြင်ဆင်ရန်]- ၁၆“။ ပန်ဖယ်တယောက်သောသည် ပုရှာ(ကိုဝ်) ကြညိုဝ် သဖ္လင် အပ်လှူရသောအက္လိုဝ်ဖ္လင် ၉၂ကမ္ဘာ ဆိုဝ်ငြာယ် (အ)မှန်မသိ ပူဖန်သောမသိ ပြည်ညာနှင်ပ္လည်စုံ(လျက်) စည်စိမ်ခမ်စာဧအ်။”
[ပန်းပဲတစ်ယောက်သောသည် ဘုရားကိုကြည်ညိုသဖြင့် အပ်လှူရသောအကျိုးဖြင့် ၉၂ ကမ္ဘာ ဆင်းရဲအမှန်းမသိ၊ ပူပန်သောမသိ၊ ပညာနှင့်ပြည့်စုံလျက် စည်းစိမ်ခံစား ၏။]
- ၁၇“။ သ္တင်သည်တယောက်(သောသည်) သင်္ဃာတိုဝ် ဆွံခံသော ခရီနှိုက် မ္လိ(ယ်)ငှိသ ဆူပယ်သကစသော ခရပ္လူရုယ် တတ်အာသောတိုင် အလှူပိယ်(သော)သ္တင်သုံသောအက္လိုဝ်ဖ္လင် တာဝတိင်္သာနှိုက် ပတ္တမြာအထွတ်မူသော (၁၂) ယူစနာသောပိမန်တွင် စည်စိံမ်ခံစာရသော ဟုတ်တာ”
[သီတင်းသည်တစ်ယောက်သောသည် သံဃာတို့ ဆွမ်းခံ သောခရီး၌ မြေညှိသော၊ ဆူးပယ်သောကစသော ခရီး ပြု၍ တတ်အားသောတိုင်း အလှူပေးသော၊ သီတင်း သုံးသောအကျိုးဖြင့် တာဝတိံသာ၌ ပတ္တမြားအထွတ်မူ သော (၁၂)ယူဇနာသောဗိမာန်တွင် စည်းစိမ်ခံစားရသော ဟုတ်တာ။]
- ၁၈“။ ဆိုဝ်ငြာယ်စွာသော သူတစ်ထူအာခစရုယ် အသက် မွိယ်သော သ္တင်သည်သည် အိမ်မထောင်မူရုယ် အမိအဖ ကိုဝ်မွိယ်ရုယ် သ္တင်သုံသော အလှူပိယ်သောအက္လိုဝ်ဖ္လင် တာဝတိံသာနှိုက် ၁၂ယူဇနာသော ရှုယ်ပိမန်တွင် စည်စိမ် ချမ်သာ မီမီအသက်တအတိုင် စာည်စိံမ်ခံစာဧ။”
[ဆင်းရဲစွာသော၊ သူတစ်ထူးအားခစား၍ အသက်မွေးသော သီတင်းသည်သည် အိမ်မထောင်မူ၍ အမိ အဖကိုမွေး၍ သီတင်းသုံးသော၊ အလှူပေးသောအကျိုး ဖြင့် တာဝတိံသာ၌ ၁၂ယူဇနာသော ရွှေဗိမာန်တွင် စည်းစိမ်ချမ်းသာ မိမိအသက်တာအတိုင်း စည်းစိမ် ခံစား၏။]
တောင်စမုတ်၊ ခုံးအောက်မျက်နှာ
[ပြင်ဆင်ရန်]- ၂၄“။ ခုနှစ်နှစ်ဟိသော သတိုဝ်သာသည် ပုရှာပွိင်သော ပျာတောက်ဗောဓိကိုဝ်စိုက်ရုယ် လုပ်က္လည်ပုဇဝ်ရကာ ၉၂ ကမ္ဘာ ဆိုဝ်ငြာယ္မသိ စည္စိံခံဧ။”
[ခုနစ်နှစ်ရှိသော သတို့သားသည် ဘုရားပွင့်သော ပိတောက်ဗောဓိကိုစိုက်၍ လုပ်ကျွေးပူဇော်ရကား ၉၂ ကမ္ဘာ ဆင်းရဲမသိ စည်းစိမ်ခံ၏။]
- ၂၈“။ အမ္လျိုဝ်သာသည် စေတီတန္လင်နှိုက် တန္လင်လှည်သော မ္လိယ်က္လျံသကစသော ကောင်မှူကိုဝ်မူရုယ် သ္တင်သုံသ တြျာနာသအက္လိုဝ်ဖ္လင် တာဝတိံသာနှိုက်ဖ္လစ်ဧ၊”
[အမျိုးသားသည် စေတီတန်လင်း၌ တန်လင်းလှည်း သော၊ မြေကျံသောကစသော ကောင်းမှုကိုမူ၍ သီတင်း သုံးသော၊ တရားနာသောအကျိုးဖြင့် တာဝတိံသာ၌ ဖြစ်၏။]
- ၂၉“။ သ္တင်သည်တယောက်သည် စေတီနှိုက် သူတိုဝ်ပူဇဝ် သောပန်ကိုဝ် လှမစောက်စီရသောအက္လိုဝ်ဖ္လင် တာဝတိံသာ နှိုက် ၁၂ယူဇနာသော ရှုယ်ပိမန္တွင် ဖ္လစ်လိယ်ဧအ်။”
[သီတင်းသည်တစ်ယောက်သည် စေတီ၌ သူတို့ပူဇော်သော ပန်းကို လှမစောက်စီရသောအကျိုးဖြင့် တာဝတိံသာ ၌ ၁၂ယူဇနာသော ရွှေဗိမာန်တွင် ဖြစ်လေ၏။]
- ၃၀“မိစ္ဆာဒိဌိဧ ကြံရျာစောင်သည် သ္ခိင်ရဟန်ကိုဝ် ကြံပင် ထက္ကနာပ္လူရုယ္ကိန်စိယ်ရသောအက္လိုဝ်ဖ္လင် တာဝတိံသာနှိုက် ရှုယ်ပိမန္တွင် စည္စိံခံစာဧအ်။”
[မိစ္ဆာဒိဋ္ဌိ၏ ကြံယာစောင့်သည် သခင်ရဟန်းကို ကြံပင် ထက်ကနားပြု၍ ကိန်းစေရသောအကျိုးဖြင့် တာဝတိံသာ ၌ ရွှေဗိမာန်တွင် စည်းစိမ်ခံစား၏။]
- ၃၂“။ ဘါစိမ်တခုသောသည် ပုရ္ဟာ တရျာဟဝ်ရာနှိုက် ပရိသတ်အစွန်ဝပ်ရုယ် တြျာအသံသာနာသောတေ နွာထိန် လှည်တန္ထောက်မိရုယ္သိယ်ရကာ နတြွာ ၁၂ယူဇနာ ဟိသော ပိမန္တွင် စည္စိံခံစာဧ။”
[ဖားစိမ်းတစ်ခုသောသည် ဘုရား တရားဟောရာ၌ ပရိသတ်အစွန်ဝပ်၍ တရားအသံသာနာသောတည်း နွားထိန်း လှည်းတံထောက်မိ၍ သေရကား နတ်ရွာ ၁၂ ယူဇနာရှိသော ဗိမာန်တွင် စည်းစိမ်ခံစား၏။]
- ၃၃“။ လယ်စောင်သည် နာကြင်သော သ္ခိင်ရဟန်အာလဲတွင် ပုစွန်အရသာနှင်ထ္မင်လှူရသောဖ္လင် တာဝတိံသာနှိုက် ၁၂ယူဇနာသော ပတ္တမြာအသည်မူသော ရှုယ်ပိမန္တွင်္စည္စိံ ခံစာဧ။”
[လယ်စောင့်သည် ... နာကျင်သော သခင်ရဟန်းအား လယ်တွင် ပုစွန်အရသာနှင့်ထမင်းလှူရသောဖြင့် တာဝတိံသာ၌ ၁၂ယူဇနာသော ပတ္တမြားအသည်မူသော ရွှေဗိမာန်တွင် စည်းစိမ်ခံစား၏။]
- ၃၅“။ နွာက္လောင်သာတယောက်သောသည် နံနက်စာငှါ မူယဝ် ထ္မင်လုပ်ယူခရုယ် နွာက္လောင်ရာနှိုက် သ္ခိင် မောဂ္ဂလန်ကိုဝ် ကြညိုဝ်သဖ္လင် မူယဝ်ထ္မင်ပိရရုယ် မြုယ်ဆွတ်ရုယ်သိယ်ခရုယ် တာဝတိံသာနှိုက် ၁၂ ယူစနာသော ရှုယ်ပိမန္တွင် စည္စိံခံစာဧ။”
[နွားကျောင်းသားတစ်ယောက်သောသည် နံနက်စာငှာ မုယောထမင်းလုပ်ယူခ၍ နွားကျောင်းရာ၌ သခင် မောဂ္ဂလ္လာန်ကို ကြည်ညိုသဖြင့် မုယောထမင်းပေးရ၍ ဆွပ်၍သေခ၍ တာဝတိံသာ၌ ၁၂ ယူဇနာသော ရွှေဗိမာန်တွင် စည်းစိမ်ခံစား၏။]
- ၃၉“။ မူဆိုဝ် မူဆိုဝ်တယောက်သောသည် ပုရှာသ္ခိင်ကိုဝ် ကြည်ညိုဝ် သဖ္လင် ကြာစွယ်လက်စွယ်ရုယ် (ပိယ်)ရသောအက္လိုဝ်ဖ္လင် ... ဆိုဝ်ငြယ္မသိ စည္စိံခံစာဧ။”
[မုဆိုးတစ်ယောက်သောသည် ဘုရားသခင်ကို ကြည်ညို သဖြင့် ကြာစွယ်လက်စွဲ၍ ပေးရသောအကျိုးဖြင့် ဆင်းရဲမသိ စည်းစိမ်ခံစား၏။]
- ၄၀“(။ တဝ်တွင်) နိယ်သော မုဆိုဝ်တယောက်သောသည် ပုန်ညက်ပွင်သောကိုဝ်မြင်ရုယ် ပုံ ပုထိုဝ်ပ္လုရုယ် ပုရှာသ္ခိင် ကြညိုဝ်ရုယ် ပုဇဝ်ရသောအက္လိုဝ်ဖ္လင် ၉၂ ကမ္ဘာ ဆငြယ် (မ)သိ စည်စိမ်ခံဧအ်။”
[တောတွင် နေသော မုဆိုးတစ်ယောက်သောသည် ပုန်းညက်ပွင့်သောကိုမြင်၍ ပုံပုထိုးပြု၍ ဘုရားသခင် ကြည်ညို၍ ပူဇော်ရသောအကျိုးဖြင့် ၉၂ ကမ္ဘာ ဆင်းရဲ မသိ စည်းစိမ်ခံ၏။]
- ၄၁“။ ဗေတင်တေဿာပုံနာသည် ပဒုမဒ္ဒိုရ်ပုရှာသ္ခိင်ကိုဝ် ကံကဝ်သနိုဝ်ဖ္လင် ပုဇဝ်ရသောအက္လိုဝ်ဖ္လင် ၃၂ကမ္ဘာ ဆငြာယ်မသီ စည်စိံမ်ခံစာရဧအ်။”
[ဗေဒင်တတ်သောပုဏ္ဏားသည် ပဒုမုတ္တရဘုရားသခင် ကို ကံ့ကော်သာနိုးဖြင့် ပူဇော်ရသောအကျိုးဖြင့် ၃၂ကမ္ဘာ ဆင်းရဲမသိ စည်းစိမ်ခံစားရ၏။]
မြောက်နံရံ၊ အခန်းအနောက်မြောက်ထောင့်
[ပြင်ဆင်ရန်]- “။ ပုဿသိသျာပင်အာ ပွင်ဧ။”
[ဖုဿ သျှိသျှားပင်အား ပွင့်၏။]
အနောက်နံရံ၊ အခန်းအရှေ့မြောက်ထောင့်
[ပြင်ဆင်ရန်]- “။ ကဿပ ပြည်ညောင်ပွင်ဧ။”
[ကဿပ ပညောင်ပွင့်၏။]
- “။ ဂေါတမ ညောင်ဗုတ္တဟိယ်ပွင်။”
[ဂေါတမ ညောင်ဗုဒ္ဓဟေပွင့်။]
တောင်နံရံ၊ အခန်းအနောက်တောင်ထောင့်
[ပြင်ဆင်ရန်]- “။ အပ္ပမာနသုဘာဗြဟ္မာအသက္ကာ ၃၂ ကံဘာ။ ယာမာ နတ် အသက္ကာ ၂၀၀၀ လူဖ္လင်မူကာ အကုဋိယ် ၄၄၀၀၀၀၀၀ ဟိလိယ်ဧအ်။
- ။ တုဿိတာနတ် အသက္ကာ ၄၀၀၀ ဟိဧ လူဖ္လင်မူကာ အကုဋိယ် ၅၇၆၀၀၀၀၀၀ ဟိလိယ်ဧ”
[အပ္ပမာဏသုဘာဗြဟ္မာ အသက်ကား ၃၂ကမ္ဘာ၊ ယာမာ နတ်အသက်ကား ၂ဝဝဝ၊ လူဖြင့်မူကား အကုဋေ (၁)၄၄ဝဝဝဝဝဝ ရှိလေ၏။ တုသိတာနတ် အသက်ကား ၄ဝဝဝ ရှိ၏။ လူဖြင့်မူကား အကုဋေ ၅၇၆ဝဝဝဝဝဝ ရှိလေ၏။]
|
ဤလုပ်ဆောင်မှုသည် ဇန်နဝါရီ ၁၊ ၁၉၂၉ မတိုင်မီ ဖြန့်ချိခဲ့ပြီး ဖြစ်ပြီး ဖန်တီးသူ ကွယ်လွန်ခဲ့သည်မှာ အနည်းဆုံး နှစ် ၁၀၀ ရှိခဲ့ပြီး ဖြစ်သဖြင့် ယခုအခါ တစ်ကမ္ဘာလုံးတွင် အများပြည်သူပိုင် ဖြစ်သည်။ |
- ↑ * တောက်ဟုရေးလိုဟန်တူသည်။