ကိန္နရာချောင်းခြားကလေး ပတ်ပျိုး
ဖြေနိုင်ပေါင်၊ တွေမှိုင်ယောင်၊ တောသာတဲ့ သည်မြိုင်ချောင်။
ဘယ်ဝဋ်နှောင်၊ ဘန်လာမှန်း၊ ရှေးကံက ဆန်း။
အို ... ပမ်းဘွဲ့သာ၊ ဣန္ဒာမြင့်မင်း၊ တင်းပသေလာ။
ဘယ်ငြိုးတော်၊ ဘန်လေသိ၊ မယ်ကိုမုန်းတယ်၊ ချုန်းစေဖွဲ့ ရွာ။
မိုဃ်းရောလေပါ-လေပါ၊ သေလာမြေပြင် စောင်းမျှလေ၊ ရှစ်တိုင်းဝန်းအုံ၊ သုံသုံလေပြေ၊ လောင်းပါလို့လေး။
တောပေါင်းငယ်တည့်ကာ၊ စံရာမြင့်သီလာနန်း၊ ချောင်းရေယဉ်လျှမ်းပါလို့၊ လမ်း မသိပါပြီ။
လေးပါးသခင်၊ မြင်တော်လာဘူးငယ်၊ ဦးတင်လို့ ချီ။
ရွေဝန်းရံညီ၊ ကိန္ဒရီဘော်လဲ ကွဲခဲ့ပြီလေး။
သည်ပူဝန် ရေးငယ်နှင့်၊ မအေးတဲ့ပါပြီ၊ မူးချိန်မီ။
(ဒိန်း) တိမ်သိင်္ဂီငယ်နှင့်သာ၊ နေရီရီ လှမ်းမှီတော့ရှာ။
နုဖဝါးတော် နာသွေးခြည်သာ တန်းပါလို့၊ အို ... ပမ်းဘွဲ့သာ။
သည်ကန္တာ၊ လိပ်ပျာတုံလို့ ထိတ်တယ်လေး၊ ဆွေးပူပုံငယ်နှင့်သာ။
သဲကြွေရုံ၊ သွန်းခြုံတဲ့ခါ၊ နယ်ကိုးဒီသာ။ ။
မှတ်ချက်
[ပြင်ဆင်ရန်]သီတာရေမြေ စောင်းမျှလေ ဟုလည်း အချို့ ဆိုသည်။
|
ဤလုပ်ဆောင်မှုသည် ဇန်နဝါရီ ၁၊ ၁၉၂၉ မတိုင်မီ ဖြန့်ချိခဲ့ပြီး ဖြစ်ပြီး ဖန်တီးသူ ကွယ်လွန်ခဲ့သည်မှာ အနည်းဆုံး နှစ် ၁၀၀ ရှိခဲ့ပြီး ဖြစ်သဖြင့် ယခုအခါ တစ်ကမ္ဘာလုံးတွင် အများပြည်သူပိုင် ဖြစ်သည်။ |