ကြင်ငွေ့ငယ်ဆုံသူ
ထိမ်သဖန်းငယ်နှင့် လိမ်သန်းငဲ့ဖလံ၊
တယ်ပေါက်ကယ်သန်သည်၊
နယ်မြောက်ဌာန်ငါတို့တောဆီက၊
လေရောရာ မိုးတွေဆင်လျှင်၊
မရွှင်လွမ်းလိုက်လှနော်အဝေး။
ဆေးမင်ကြောင်ငယ် ပေါင်တစ်ဖက်ထိုး၊
ကွက်ပုဆိုးနှင့် ရက်ပိုးမပါ၊
ပေါင်းပုဝါလည်း ခေါင်းမှာပေညစ်၊
ဗလပွေရစ်လို့ ထွေသစ်ကယ်မဆို၊
ကျည်းပင်လျှိုမှာ၊ နှစ်ကိုယ်ယှဉ်တွေ့၊
မြင်သနေ့ရယ်က၊ ကြင်ငွေ့ငယ်ဆုံသူ၊
အကျွန့်လူလည်း၊ ရွှံ့ထူမြေတာ၊
ဟိုတစ်ရွာက ပေါ်မလာလို့၊
မျှော်ကာသာငိုမိတယ်၊
နေညိုစချိန်ဆီကို၊
တိမ်အနီ ပြာအကွက်ကယ်က၊
ညှာဘယ်ကိုသူမပေးလို့၊
ဆွေးလှတယ်လေး။
|
ဤလုပ်ဆောင်မှုသည် ဇန်နဝါရီ ၁၊ ၁၉၂၉ မတိုင်မီ ဖြန့်ချိခဲ့ပြီး ဖြစ်ပြီး ဖန်တီးသူ ကွယ်လွန်ခဲ့သည်မှာ အနည်းဆုံး နှစ် ၁၀၀ ရှိခဲ့ပြီး ဖြစ်သဖြင့် ယခုအခါ တစ်ကမ္ဘာလုံးတွင် အများပြည်သူပိုင် ဖြစ်သည်။ |