ဂုဏ်တော်ကိုးပါး ဘုရားရှိခိုးဂါထာ
ဣတိပိပါသော ဒိဗ္ဗမန္တော၊ ဣဿရော သဗ္ဗဘုမ္မိယော။ ဣတိပိ ပါရမီတိံသ၊ ဣတိပိ မာရဝိဇ္ဇယော။ ဣတိပိ ပါရမီတိံသ၊ ဣတိပိ သဗ္ဗညုတဂမော။ ဣတိပိသော အနုတ္တရော၊ ဣတိပိ နာမ တေ နမော။ ။ ဘဂဝါ ဘဂဝါနာထော၊ ဘဂ္ဂကိလေသ ၀ါဘနော။ ဘဂဝန္တော မဟာရသော၊ ဘဂဝါ မာရာဝိဇ္ဇရော။ ဘဂဝါ ဘဂဝါယတ္တော၊ ဘဂ္ဂကိလေသ မာဂမော။ ဘဂ္ဂဿပါပကော ဓမ္မေ၊ ဘဂဝါ နာမ တေ နမော။ ။ အရဟောနာမ သမ္ဗုဒ္ဓေါ၊ အရဟောဂုဏ ၀ိသေသော။ အရဟောပါကဋော လောကေ၊ အရဟော မာရဝိဇ္ဇယော။ အရဟောတိ နာမေန၊ အရဟောပါပံ နကာရံ။ အရဟတ္တံ ဗလံပတ္တော၊ အရဟော နာမ တေ နမော။ ။ သမ္မာသမ္ဗုဒ္ဓေါ သဗ္ဗညု၊ သမ္မာလောကုတ္တရော နဝ။ သမ္မာခိဏာသဝါ သံဃာ၊ သမ္မာစ မာရဝိဇ္ဇယော။ သမ္မာသမ္ဗုဒ္ဓ ဉာဏေန၊ သမ္မာသမ္ဗုဒ္ဓ ဒေသိတော။ သမ္မာသမ္ဗုဒ္ဓေါ လောကသသ္မိံ၊ သမ္မာသမ္ဗုဒ္ဓတေ နမော။ ။ ၀ိဇ္ဇာစရဏ သမ္ပန္နော၊ ၀ိဇ္ဇာစရဏ သာဂရော။ ၀ိဇ္ဇာတနေကော သဗ္ဗညု၊ ၀ိိဇ္ဇာစ မာရဝိဇ္ဇယော။ ၀ိဇ္ဇာစရဏ သမ္ပန္နော၊ တိဿာဝိဇ္ဇာ ပကာသိတာ။ အနာဂတေ ပစ္စုပန္နေ၊ ၀ိဇ္ဇာစရဏ တေ နမော။ ။ သုဂတော နိဗ္ဗာနံယန္တိ၊ သုဂတော လောကနာယကော။ သုဂတောနာထော လောကေ၊ သုဂတော မာရဝိဇ္ဇယော။ သုဂတော သုဂတဌာနံ၊ သုဂတော သုန္ဒရံပိစ။ သုဂတော နိဗ္ဗာနံယန္တိ၊ သုဂတော နာမ တေ နမော။ ။ လောကဝိဒူ ဟိ နာမေန၊ လောကသိဒ္ဓိ ပကာသိတော။ လောကဂုဏော မဟာဝီရော၊ လောကဂ္ဂေါ မာရဝိဇ္ဇယော။ လောကဝိဒူ တိ နာမေန၊ အတီတာဉာဏသောဝိဒူ။ သံသာရ သတ္တမောကါသံ၊ လောကဝိဒူစ တေ နမော။ ။ အနုတ္တရော ဉာဏသီလော၊ အနုတ္တရော အာနုဘာဝေါ။ အနုတ္တရောတိ လောကသ္မိံ၊ အနုတ္တရောစ တေ နမော။ အနုတ္တရော ဉာဏသီလော၊ ယောလောကဿ အနုတ္တရော။ အနုတ္တရေန လောကသ္မိံ၊ အနုတ္တရောစ တေ နမော။ ။ ပုရိသ ဓမ္မသာရထိ၊ ပူရေန္တော ဒါနပါရမီ။ ပုရေတိ သဗ္ဗလောကဿ၊ ပူရေတိ မာရဝိဇ္ဇယော။ သာရထိ သာရထိဒေဝ၊ သာရထိနာမ လောကသ္မိံ။ သာရထိပူရိသံ သေဌံ၊ သာရထိ နာမ တေ နမော။ ။ သတ္တာဒေဝ မနုဿာနံ၊ သတ္တာဒေဝ တြီဘူဝနံ။ သတ္တာဒေဝ မုနိနာမ၊ သတ္တာစ မာရဝိဇ္ဇယော။ သတ္တာဒေဝ မနုဿာနံ၊ သတ္တာဟောတိစ သောမုနိ။ သင်္ခါရ ရထစက္ကာနံ၊ သတ္တာဟော နာမ တေ နမော။ ။ ဗုဒ္ဓေါသဗ္ဗဇိတေ ဓမ္မေ၊ ဗုဒ္ဓဉာဏ သမ္ဗုဒ္ဓွေါ။ ဗုဒ္ဓေါနာမ တိ လောကသ္မိံ၊ ဗုဒ္ဓေါစ မာရဝိဇ္ဇယော။ ဗုဒ္ဓေါ ဗုဒ္ဓေါတိ သစ္စာနိ၊ စတုသစ္စာပကာသိတာ။ သစ္စဗုဒ္ဓဿ ဉာဏေန၊ ဗုဒ္ဓဿ နာမ တေ နမော။ ။ ဘဂ္ဂသာဝေါ သဗ္ဗဒုက္ခော၊ ဘဂ္ဂရာဂေါ သဗ္ဗဘဝေါ။ ဘဂ္ဂပါပ အကုသလော၊ ဘဂ္ဂစ မာရဝိဇ္ဇယော။ ဘဂ္ဂရာဂေါ ဘဂ္ဂဒေါသော၊ ဘဂ္ဂမောဟော အနာသဝေါ၊ ဘဂ္ဂသံသာရ မုတ္တမော၊ ဘဂ္ဂဝါ နာမ တေ နမော။ ။ နဝရတန သံကာသံ၊ နဝဂုဏံ နရာသဘံ။ နရာမာရ နမောကာသံ၊ နရာနာထံ နမာမဟံ။ အဂ္ဂံ အဂ္ဂမဟာပုညံ၊ ရာဇံရာဇ ဇနာဒိဗ္ဗ၊ ဒေဝဒေဝဥ္စ သမ္ဗုဒ္ဓံ၊ သီရသာဟံ ဝရံ နမေ။ ။
|
ဤလုပ်ဆောင်မှုသည် ဇန်နဝါရီ ၁၊ ၁၉၂၉ မတိုင်မီ ဖြန့်ချိခဲ့ပြီး ဖြစ်ပြီး ဖန်တီးသူ ကွယ်လွန်ခဲ့သည်မှာ အနည်းဆုံး နှစ် ၁၀၀ ရှိခဲ့ပြီး ဖြစ်သဖြင့် ယခုအခါ တစ်ကမ္ဘာလုံးတွင် အများပြည်သူပိုင် ဖြစ်သည်။ |