တို့တောရွာဘွဲ့ လွမ်းချင်း
ပျော်ပုံကသစ်သနှင့်၊ ငယ်ချစ်ကယ်လိုက်ခဲ့တော့၊
အကြိုက်ကတဲ့တို့တောရွာမှာ၊
မိုးအကာ ပင်ယံထက်ဆီက၊
ထန်းရွက် နှင့် ဆင်သည့် အိမ်၊
ခြုံတင်းတိမ် နွားရေခင်းလို့၊
ညဉ့်တွင်းကို ပုလွေကျော်နှင့်၊
ဖျော်ပမယ်လေး။ ။
ကိုက်ဖူးငယ်ညွန့်စီ၊ ချဉ်ပေါင်နီကို၊
ရာသီဓလေ့၊ ပုဇွန်လုံး ခွံဖုံးထေ့လို့၊
တောလေ့ငယ်တဆင်၊ လယ်ကြွက်ကင်နှင့်၊
တို့ခွင်ဖရုံ၊ အချိုချက်ဟင်း ဘက်စုံလှ၊
မင်းပုံထယ် ထယ်၊ နေစာပျို့ အစ်ကိုကို တယ်ပမယ်၊
ဆောင်းနယ်ဝင်သည် ချိန်ကို၊
ယစ်စည်းစိမ် အဆီဖိန်းလို့၊
မှိန်းစေ့မယ်လေး။
|
ဤလုပ်ဆောင်မှုသည် ဇန်နဝါရီ ၁၊ ၁၉၂၉ မတိုင်မီ ဖြန့်ချိခဲ့ပြီး ဖြစ်ပြီး ဖန်တီးသူ ကွယ်လွန်ခဲ့သည်မှာ အနည်းဆုံး နှစ် ၁၀၀ ရှိခဲ့ပြီး ဖြစ်သဖြင့် ယခုအခါ တစ်ကမ္ဘာလုံးတွင် အများပြည်သူပိုင် ဖြစ်သည်။ |