ဒြပ်ကြီးသည့် သမီးပျိုခင်
သာလွန်းလှတယ်၊ အစ်မမယ်တို့ရွာ၊
အကာမှာ ပင်ဝါရိုးငယ်နှင့်၊
အမိုးမှာထန်းရွက်တင်၊
ကြမ်းပြင်မှာ အင်ပေါက်ခင်းပါလို့၊
ကာဝင်းမှာတော့ နွယ်ဘူးလိမ်၊
ဆယ်အိမ်ခေါင်းတဲ့ မအေလေး၊
သမီးငယ်ပျိုခင်၊ ဥစ္စာများလို့၊
ဝတ်စားငယ်ဆင်သယ်၊
အလို မမြင်ဝံ့ပါကလားနော် အဝေး။ ။
အဘိုးတန်ရာ၊ ဆင်သည်မှာလဲ၊
ခပ်ပြာညွန့်ပေါင်း၊ တွင်နားတောင်းနှင့်၊
ရောင်မောင်းရိုးခံ၊ ရွှေချည်ဝတ်မှာ၊
လက်စွပ်တွေရံလိုက်လို့၊ ခေါက်ပြန်ကျောရင်၊
ကျောက်ပုတီး ညီးအောင်ဆင်လို့၊
အင်မတန့်အနေမှာ၊
သူ့အမေ ဆယ်အိမ်မင်းပေမို့၊
တင်းလှတယ်လေး။ ။
|
ဤလုပ်ဆောင်မှုသည် ဇန်နဝါရီ ၁၊ ၁၉၂၉ မတိုင်မီ ဖြန့်ချိခဲ့ပြီး ဖြစ်ပြီး ဖန်တီးသူ ကွယ်လွန်ခဲ့သည်မှာ အနည်းဆုံး နှစ် ၁၀၀ ရှိခဲ့ပြီး ဖြစ်သဖြင့် ယခုအခါ တစ်ကမ္ဘာလုံးတွင် အများပြည်သူပိုင် ဖြစ်သည်။ |