နတ်တော်လဘွဲ့ လွမ်းချင်း
ရှုလေတိုင်းကိုတဲ့
ဝေမှိုင်းငယ်ဖြာဖြာ
လေညှင်းငယ်လာသည်
ဖော်မပါ တူမစုံလို့
လွှာခြုံဧပြန်တော့တယ်လေး။
ဆဲ့နှစ်ဖြာငယ်၊ ရာသီဓနု
ရွှေဟင်္သာလည်း၊ တာရာပြုလို့
ဇေယျချယ်ဗြဟ္မာ
ဟေမန်ခါမို့
မဟာပိန္နဲ၊ နတ်မင်းပွဲမှာ
ကျွေးမွေးပူဇော်၊ လနတ်တော်ကို
ရှုမြှော်တိမ်ဆီ၊ မိဂသီလဲ၊
ခါညီညဉ့်လယ်
ထွန်းရောင်ချယ်သောခါ
နယ်အမရဦးကင်မှာ
ဂမုန်းအင်သဇင်မင်းငယ်က
သင်းလှတယ်လေး။
|
ဤလုပ်ဆောင်မှုသည် ဇန်နဝါရီ ၁၊ ၁၉၂၉ မတိုင်မီ ဖြန့်ချိခဲ့ပြီး ဖြစ်ပြီး ဖန်တီးသူ ကွယ်လွန်ခဲ့သည်မှာ အနည်းဆုံး နှစ် ၁၀၀ ရှိခဲ့ပြီး ဖြစ်သဖြင့် ယခုအခါ တစ်ကမ္ဘာလုံးတွင် အများပြည်သူပိုင် ဖြစ်သည်။ |