နိုင်ငံတော် တော်လှန်ရေးကောင်စီ ကျေညာချက် အမှတ် ၂၂
နိုင်ငံတော် တော်လှန်ရေးကောင်စီ၊ ရန်ကုန်မြို့
(“နိုင်ငံတော်သမတ” ဆိုသည့် စကားရပ်အစား၊ “တော်လှန်ရေးကောင်စီဥက္ကဋ္ဌ” ဆိုသည့် စကားရပ်ကို ထည့်သွင်းထားဘိသကဲ့သို့ မှတ်ယူရန် ကျေညာချက်)
နိုင်ငံတော်တော်လှန်ရေးကောင်စီ ကျေညာချက်အမှတ် ၂၂
၁၃၂၃ ခုနှစ်၊ တပေါင်းလဆန်း ၇ ရက်။
(၁၉၆၂ ခုနှစ်၊ မတ်လ ၁၂ ရက်။)
နိုင်ငံတော် တော်လှန်ရေးကောင်စီ ဥက္ကဋ္ဌက၊ အောက်ပါအတိုင်းကျေညာလိုက်သည်။
ဤကျေညာချက်အာဏာတည်နေသမျှကာလပတ်လုံး၊ လက်ရှိတရားဥပဒေများတွင် ပါရှိသည့် “နိုင်ငံတော်သမတ” ဆိုသည့် စကားရပ်အစား၊ “တော်လှန်ရေးကောင်စီဥက္ကဋ္ဌ” ဆိုသည့် စကားရပ်ကို ထည့် သွင်းထားဘိသကဲ့သို့ မှတ်ယူရမည်။
ဤကျေညာချက်သည်၊ ၁၉၆၂ ခုနှစ်၊ မတ်လ ၂ ရက်နေ့တွင် စတင်အာဏာတည်ရမည်။
(ပုံ) ဗိုလ်နေဝင်း၊
ဗိုလ်ချုပ်ကြီး၊
ဥက္ကဋ္ဌ၊
နိုင်ငံတော် တော်လှန်ရေးကောင်စီ။
အမိန့်အရ၊
ဗိုလ်မှူးကြီး စောမြင့်၊
တော်လှန်ရေးကောင်စီ။