နုရွှေကွမ်း (ဖိုးစော်ကဲ)
လွမ်းမပြေ မန်းမြေတမိတော့၊
ကမ်းခြေမှာ စမ်းရေစရယ်နဲ့ [ကျတယ်နှင့်]၊
(အိုကွယ် ... ) ဖျန်းလေက တသုန်သုန်။
တဲတဖက် [မှာလ]၊
ဆွဲဖျက်ကာ အရင်လိုရော့ထင့်၊
ကရင်အို ယာပြင်ကြီး[မှာ]၊
မီးထည့်လို့လှုံ။
မပူပေါင် နောက်ဆီက ချမ်းရောထင့်၊
အဖြူစောင် ခေါက်ထည်ကြမ်းကိုလ [ခေါက်ထည်ကြမ်းကိုတဲ့]၊
လွှမ်းတယ်လို့ လွှားကာခြုံ၊
ပါးမှာငုံပါတဲ့ နုရွှေကွမ်း။
ဘေးအိတ်ကယ်လျှို၊
ဆေးလိပ်တို နားမှာထိုးပါလို့၊
တောင်ရိုးမှာ ဘာသာသူတို့၊
ကွင်းအငူ နှင်းမြူက စဲ[ကွဲ]ချိန်မို့၊
အမိုး [အဘိုး] ခေါ် ဖိုးစော်ကဲတို့ရဲ့၊
(အိုကွယ် ...) တဲပျက်စခန်း။ ။
မှတ်ချက်
- မူကွဲတွေကို [..] မှာ ထည့်ပြထားပါသည်။
|
This work was published before January 1, ဖော်ပြချက် အမှား - နားမလည်သော ပုဒ်ဖြတ် စာလုံး "၂"။, and is in the public domain worldwide because the author died at least 100 years ago. |