နွေဘွဲ့ လေးဆစ်သဖြန်
မွှေးနံ့သာ ကြည်ရေမြငယ်နှင့်၊
လေးကညာ သည်နွေလ မှာလ၊
ပြည်လေခ ပြူတင်းပေါ်။
လေမွေ့ယာ ကြာခြည်ထက်မှာလ၊
ပွေပွေ့ကာ သာမှီရက်ကယ်နှင့်၊
ဘုန်းစက်မပျော်။
ချွေးစီစီ စုလေဆင်းတာမို့၊
လေးမဒီ နုဆွေမင်းရယ်က၊
ခုလေညှင်း ခတ်လို့နော်၊
အို ... စက်တော်ဖြင့် ခေါ်လိုတုန်း။
ဆင်မြန်းလို့ကြည်၊
ရင်လွှမ်းထည် ခြုံလွှာပါးရယ်နှင့်၊
အနားမှာ အသာရှင်လို့၊
ရင်ခွင်မှာ တင်တင်ဖေ့ကိုကွယ်၊
မင်းပွေ့လှည့်အုံး။
|
ဤလုပ်ဆောင်မှုသည် ဇန်နဝါရီ ၁၊ ၁၉၂၉ မတိုင်မီ ဖြန့်ချိခဲ့ပြီး ဖြစ်ပြီး ဖန်တီးသူ ကွယ်လွန်ခဲ့သည်မှာ အနည်းဆုံး နှစ် ၁၀၀ ရှိခဲ့ပြီး ဖြစ်သဖြင့် ယခုအခါ တစ်ကမ္ဘာလုံးတွင် အများပြည်သူပိုင် ဖြစ်သည်။ |