ပိတောက်ရွှေဝါ လေးချိုး
လတန်ခူးပေမို့၊
အလှထူးပါဘိ၊
မြမြဖူးရယ်တဲ့ ခိုင်ရွှေဝါ။
တကယ်တန်းသာဖြင့်၊
ဘယ်ပန်းသော်စံမတူဘူ့၊
နန္ဒမူ ဖန်ကူထိပ်မှာလ၊
ပစ္စေကာချွေးတော်သိပ်ရတယ်၊
ဧရိပ်ဆာယာ။
တနှစ်တွင် သည်တလပေပ၊
တလတွင် တရက်ထဲ၊
ခက်ခဲတဲ့ရက်ဗုဒ္ဓါ၊ ပွင့်ရှာကြစုံမြိုင်တွင်း။
မြူမင်းလွန်ထန်၊
ကြူသင်းတာချိန်ယံမတော့၊
ရွှေဝတ်ဆံငုံတံညှောင့်ကယ်နှင့်၊
ခါသင်္ကြန်ဂိမှန် ရောက်ပြန်တော့၊
သိန်သရေထိန်ဝေလို့ တောက်တဲ့ပြင်၊
လမ်းတလျှောက်သင်းပါဘိ၊
ဆန်းသလောက်မလင်းနိုင်ဘူး၊
ပန်းပိတောက်မင်း။ ။
|
ဤလုပ်ဆောင်မှုသည် ဇန်နဝါရီ ၁၊ ၁၉၂၉ မတိုင်မီ ဖြန့်ချိခဲ့ပြီး ဖြစ်ပြီး ဖန်တီးသူ ကွယ်လွန်ခဲ့သည်မှာ အနည်းဆုံး နှစ် ၁၀၀ ရှိခဲ့ပြီး ဖြစ်သဖြင့် ယခုအခါ တစ်ကမ္ဘာလုံးတွင် အများပြည်သူပိုင် ဖြစ်သည်။ |