ဘုန်းမွေ့တော့မယ် သံဝေဂလေးဆစ်
ပျော်မမွေ့နိုင်ဘု၊
ဓလေ့ကိုတဲ့ ငြီးတော့တယ်။
ကိုင်ပုတီး၊
သစ်သီး ညှာအကြွေနှင့်၊
မေဓာဝေ* သူတို့ထုံးလို၊
ဘုန်း မွေ့တော့မယ်။
ရုပ်ခန္ဓာ အပုပ်ကောင်ကိုလ၊
စက်ဆုပ်လို့ မငြိတွယ်၊
ဖြတ်မယ်ပ ခင်လေး။
ဘာဝနာ၊
သစ်နက်ကယ် လျှော်တေဟာနှင့်၊
မန်းသေလာ တောင်အကွေ့မှာလ၊
ယနေ့ပင် တဝါဆိုတော့မယ်၊
ယဉ်နဂို ညိုညိုနုရယ်၊
မင်းသာဓု ပေး။ ။
မှတ်ချက်
- ကာရန်ကိုငဲ့ပြီး "မေဓာဝီ" ကို "မေဓာဝေ" ဟု စပ်ဆိုသုံးနှုန်းထားသည်။
|
ဤလုပ်ဆောင်မှုသည် ဇန်နဝါရီ ၁၊ ၁၉၂၉ မတိုင်မီ ဖြန့်ချိခဲ့ပြီး ဖြစ်ပြီး ဖန်တီးသူ ကွယ်လွန်ခဲ့သည်မှာ အနည်းဆုံး နှစ် ၁၀၀ ရှိခဲ့ပြီး ဖြစ်သဖြင့် ယခုအခါ တစ်ကမ္ဘာလုံးတွင် အများပြည်သူပိုင် ဖြစ်သည်။ |