မောင်ကြီးတို့ ပျော်စံရာ
မလွမ်းရော့သော်ကော၊ ကျွန်းမော့မော့မြောက်ခွင်၊
မူးရေယဉ်လက်ျာစီးပါလို့၊
မောင်ကြီးတို့ပျော်တဲ့ရွာ၊
မြောက်ညှာနှင့် တောင်စွယ်လက်ကယ်က၊
အင်းနှစ်ဘက်ကာတယ်လေး။
တစ်ခေါက်ကယ်လမ်းဆုံ၊
ရွာသဘောကို ပြောမယုံသော်၊
ကြုံလျှင်ဝင်ခဲ့ပါလားနော် အဝေး၊
နှစ်မပြာဖြူ ရောက်တော်မူလျှင်၊
မပူချမ်းငြိမ်း အခြင်ရယ်မြေနီး၊
ထန်းရွက်ကယ် စီးပါတဲ့၊
မောင်ကြီးအိမ်မှာ စည်းစိမ်ငယ်ခံ၊
ဟင်းချဉ်ပေါင်ဘက် ပြုတ်ဘူးရွက်နှင့်၊
ပိချက်ရေ ရံပြီးလျှင်၊
ဆန်ထမင်းရဲကျော်ကို
ဝန်ကတော်ပုံလောက်ပြေးအောင်၊
ကျွေးပမယ်လေး။
|
ဤလုပ်ဆောင်မှုသည် ဇန်နဝါရီ ၁၊ ၁၉၂၉ မတိုင်မီ ဖြန့်ချိခဲ့ပြီး ဖြစ်ပြီး ဖန်တီးသူ ကွယ်လွန်ခဲ့သည်မှာ အနည်းဆုံး နှစ် ၁၀၀ ရှိခဲ့ပြီး ဖြစ်သဖြင့် ယခုအခါ တစ်ကမ္ဘာလုံးတွင် အများပြည်သူပိုင် ဖြစ်သည်။ |