မဲဇာတောင်ခြေ ခွန်းထောက်
မဲဇာချောင် တောင်ခြေက လွမ်းပါရ
ပွဲခါညောင် ရေစင်သွန်းချိန်မို့
သဲသာသောင်မြေကျွန်းရယ်က ခွေပတ်လည် ။
ရော်လို့သာ ရမ်းပါရ
တမ်းတကာ တဖိုဖိုနှင့်
ပြည်ရွှေဘို အောင်ဌာနဆီသို့
မြတ်ဘိုးတော် စေတီယတို့ကို
ဦးချစိတ်ရည် ။
လေပြည်လာ တုန်ကာအေးတာမို့
နေခြည်ဖြာ ချုံလွှာနှင့်ထွေးပါရ
ဆွေးသပ ဖြေမတည်
ရေကြည်ကြည်ကျ သွင်သွင်မစဲ ။
ဆီးနှင်းငယ်ထန်
မိုးလောက်ပင် ပုံသဏ္ဌာန်မို့
မှုန်ပြာလျှံ တောင်ယံထဲမှာ
မှိုင်းရီလို့မဲ ။ ။
|
ဤလုပ်ဆောင်မှုသည် ဇန်နဝါရီ ၁၊ ၁၉၂၉ မတိုင်မီ ဖြန့်ချိခဲ့ပြီး ဖြစ်ပြီး ဖန်တီးသူ ကွယ်လွန်ခဲ့သည်မှာ အနည်းဆုံး နှစ် ၁၀၀ ရှိခဲ့ပြီး ဖြစ်သဖြင့် ယခုအခါ တစ်ကမ္ဘာလုံးတွင် အများပြည်သူပိုင် ဖြစ်သည်။ |