ယဉ်ပေ့တောသူ
လေပြေငယ်သုတ်ပါလို့၊
ရွှေဘုတ်ကယ်အိုးအီ၊ အုံ့မှိုင်းငယ်ရီ၊
နေမှီအောင်တခိုလှမ်းခဲ့ရ၊
ကောက်ငန်းက သူပြန်ပုံမှာ၊
ခတ္တာငုံ ပန်းနှစ်ဆင့်ငယ်နှင့်၊
ပန်းဝင့်လို့ရွာကိုဝင်၊
အမြင်ဆန်းပါဘိတယ်လေး။ ။
ညဉ့်ချမ်းရယ်နေရီ၊
ချိန်တော်မှီ ကေသီပန်းနှင့်၊
ရေခပ်လမ်းမှာ စခန်းသင့်လို့၊
ထက်ဆင့်နီရောင် ချည်စိမ်းပေါင်နှင့်၊
ယဉ်အောင်တောသူ၊
သနပ်ခါးကွက် ပါးမှာကူလို့၊
အမူကြီးကမ်းကုန်ကို၊
ဘယ်မြို့ပုံသာချင်သောရယ်လို့၊
ပြောကြမယ်လေး။ ။
|
ဤလုပ်ဆောင်မှုသည် ဇန်နဝါရီ ၁၊ ၁၉၂၉ မတိုင်မီ ဖြန့်ချိခဲ့ပြီး ဖြစ်ပြီး ဖန်တီးသူ ကွယ်လွန်ခဲ့သည်မှာ အနည်းဆုံး နှစ် ၁၀၀ ရှိခဲ့ပြီး ဖြစ်သဖြင့် ယခုအခါ တစ်ကမ္ဘာလုံးတွင် အများပြည်သူပိုင် ဖြစ်သည်။ |