ရွှေဖီဦးကို ခူးလှည့်ပါ
ချစ်တဲ့သူငယ်လေ ... ၊
သူငယ်ချင်းကောင်း ယောင်းမတို့လေ ... ။
နှမထွေး မယ်တို့အိမ်ကို သိလိုချင်မူ၊
နတ်ခရိုင်နှင့် ဈေးဆိုင်နှင့်။
အိမ့်ရှေ့ကမူ -
အုတ်ပလ္လင်နှင့် ညောင်ပင်နှင့်။
အိမ့်တောင်ကမူ -
ကြက်သွန်ခင်းနှင့် ရေတွင်းနှင့်။
အိမ့်မြောက်ကမူ -
စပါးလင်နှင့် ဒန်းပင်နှင့်။
အိမ့်နောက်ကမူ -
မိဿလင်နှင့် ချင်းပင်နှင့်။
မိဿလင်နှင့် ချင်းကိုလိုလျှင်
ဝါဆိုငယ်မှ ဝါဦး -
မြေနူးနူးကို တူးပလှည့်ရှင်။
မိဿလင်နှင့် ချင်းကိုမလို
နှမထွေးမယ့်ကို လိုလျှင် -
တပေါင်းငယ်မှတန်ခူး
ရွှေဖီဦးကို ခူးပါ့လှည့်ရှင်။
အလိုပျိုဖြူ သူနှင့်ဆုံသည်။
ဂုံချိုကုံးငယ်နှင့်
ဆောင်လုံးညိီလေး။
|
ဤလုပ်ဆောင်မှုသည် ဇန်နဝါရီ ၁၊ ၁၉၂၉ မတိုင်မီ ဖြန့်ချိခဲ့ပြီး ဖြစ်ပြီး ဖန်တီးသူ ကွယ်လွန်ခဲ့သည်မှာ အနည်းဆုံး နှစ် ၁၀၀ ရှိခဲ့ပြီး ဖြစ်သဖြင့် ယခုအခါ တစ်ကမ္ဘာလုံးတွင် အများပြည်သူပိုင် ဖြစ်သည်။ |