သဒ္ဒသံခိပ်/ကာရကပိုင်း
(၆၈၀) အဖြောင့် မုချ၊ ဝင်္ကဥပစာ၊ ဟောရိုးဖြာ၊ သဒ္ဒါ နှစ်ထွေပြား။
(၆၈၁) ဇာတ်, ဂုဏ်, ကြိယ၊ ဒြဗ်, နာမ၊ မုချငါးထွေပြား။
(၆၈၂) ကာရဏူ, နှင့်၊ ဖလူ, သဒိသ၊ ဌာန, ဌာနီ၊ ဂုဏီ, ဂုဏာ၊ သမူဟာ, ဝယဝ၊ သမီပ, နှင့်၊ ဘေဒ, ဘေဒူ၊ တဒ္ဓမ္မူ၊ များထူ-ဥပစာ။
(၆၈၃) သကတ်, ဒြဗ်၊ လိင်, သုံးရပ်၊ ဟောလတ်-ပုဒ်သဒ္ဒါ။
(၆၈၄) သင်္ချာ, ကာရက၊ အကာရက၊ ဟောထ-ဝိဘတ်သာ။
(၆၈၅) ရုပ်ပြီး တစ်ပုဒ်၊ ငါးနက်ထုတ်၊ မုချ, ဥပစာ။
(၆၈၆) ဇာတ်, ဂုဏ်, ကြိယံ၊ ဒြဗ်, နာမ်၊ သမ္ဗန်, ခြောက်သကတ်။
(၆၈၇) ဇာတ်, ဂုဏ်, ကြိယ၊ ဒြဗ်, နာမ၊ ပြားထ-ငါးဒြဗ်။
(၆၈၈) ဝီသဒါ, ဝီသဒ၊ မဇ္ဈ, သုံးဖြာ၊ ခြင်းအရာ၊ သုံးဖြာလိင်ဟုမှတ်။
(၆၈၉) ကတ္တု, ကမ္မံ၊ ကရဏံ, နှင့်၊ သမ္ပဒါနာ၊ အပါဒါန၊ အာဓာရ၊ ကာရကဟုမှတ်။
(၆၉၀) လိင်္ဂတ်သမုတ်၊ အာလုပ်ကစ၊ ကြွင်းသမျှ၊ အကာရက မှတ်။
(၆၉၁) ဝိသေသန၊ သကတ္ထ၊ ဒဗ္ဗဝိသေသျ, မှတ်။
(၆၉၂) ဝိသေသန၊ ဝိသေသျ၊ ပြားထ-နှစ်လိင်္ဂတ်။
(၆၉၃) ဥပသာရ၊ နိပါတ, နှင့်၊ လိင်္ဂတြိ၊ ပါဋိပဒိကာ၊ သင်္ချာ, ပရိမာန်၊ လေးတန်ဝုတ္တ၊ အာလုပ်, စသား၊ အနက်များ၊ သက်ငြားပထမာ။
ပထမာပြီး၏။
------ * -----
(၆၉၄) ပြုအပ်, ရောက်အပ်၊ ပြီးစေအပ်, သံ၊ ကံအမည်ရှိ၊ ပကတိ, ဝိကတိ၊ နိဗ္ဗတ္တိ, နှင့်၊ ပတ္တိကမ္မ၊ အဝုတ္တ၊ သက်ထ-ဒုတီယာ။
(၆၉၅) ပဓာနာ, ပဓာန၊ ကထိန, ကထိနံ၊ ကာရိုတ်ကံ, နှင့်၊ ဓာတ်ကံ, နှစ်ဖြာ၊ ပဓာနာ, နုယောဂ၊ အဝုတ္တ၊ သက်ထဒုတီယာ။
(၆၉၆) ဒြဗ်, ဂုဏ်, ကြိယာ၊ ကာလဒ္ဓါ, နှင့်၊ မခြာနိယံ၊ ယှဉ်မြဲမှန်၊ အစ္စန္တသံယောဂ။
(၆၉၇) တိုင် တိုင်, ပတ်လုံး၊ တိုင်အောင်, ဆုံး၊ ခေါ်ထုံးမြန်မာရ။
(၆၉၈) စွာဟု-ပေးတုံ၊ မုဒုံ ပစတိ၊ အစရှိ၊ ကြိယာဝိသေသန။
(၆၉၉) ခဏ, သမယ၊ ကာလ, ဒိသာ၊ စသည်မှာ၊ အာဓာရ, ၌ကျ။
(၇၀၀) ပုရတ္ထိမေန၊ စသည်အရှိ၊ အဘိတော, ပရိတော၊ ဥဘတော, ဂါမံ၊ အန္တရာ, ရံ၊ သမ္ဗန်, ၏ဟုကျ။
(၇၀၁) ဝိနာ, ညတြ၊ အန္တရေန၊ ဓီ, လျှင်စ၊ ယှဉ်က-ဒုတီယာ။
(၇၀၂) အာ, အနွ, ဓိ၊ အဘိ, ဥပ၊ အာဓာရမှာ၊ ဒုတီယာတည်း၊ ပဋိဘာတိ၊ ယှဉ်တုံဘိ၊ မြဲ၏-ဒုတီယာ။
(၇၀၃) ကြိယာ ဝိသေသ၊ ဟောကြသမှု၊ ဥပသာရ၊ အဘိ-စ၊ ကမ္မပ္ပဝစနီယသညာ။
(၇၀၄) အဘိ, ပရိ၊ ပတိ, အနု၊ ဥပစု၊ ခေါ်မှု-ထိုသညာ။
(၇၀၅) ဣတ္ထမ္ဘူတ၊ လက္ခဏ, ဝိစ္ဆာ၊ ဘာဂ, သဟ၊ ဟီန, ထွေထွေ၊ ထွန်းတုံပေ။ သက်လေ-ဒုတီယာ။
ဒုတီယာ ရာသီပြီး၏။
------ * -----
(၇၀၆) ပြီးစေတတ်သံ၊ ကတ္တားမှန်၏၊ သယံ, ဟေတု၊ ကမ္မ, ဟု၊ သုံးခု-ပြားသည်ဟူ။
(၇၀၇) ပယော ဇကာ၊ ပယောဇ္ဇာ, နှင့်၊ ကာရိုတ်ကတ္တား၊ ဓာတ်ကတ္တား၊ နှစ်ပါး-အစုံတူ။
(၇၀၈) ပကတိ, ဝိကတိ၊ ရှိလေသမျှ၊ အဝုတ္တ၊ သက်ကြတတီယာ။
(၇၀၉) ပြုကြောင်း ဟူလစ်၊ ကရိုဏ်းနှစ်၊ အဇ္ဈ, ဗာဟီ၊ ထိုနှစ်လီ၊ သက်ပြီ-တတီယာ။
(၇၁၀) ကြောင့်, ပေးတုံက၊ ဟိတ်ခေါ်ရ၏၊ ဇနက, မှန်၊ သမ္ပါပက,၊ ဉာပက, ဟု၊ ဟိတ်သုံးခု၊ သက်မှု-တတီယာ။
(၇၁၁) ပေါင်းယှဉ်တုံက၊ သဟတ္ထတည့်၊ ဒဗ္ဗ, ဂုဏာ၊ ကြိယာ, ဟု၊ သုံးခုအပြား၊ ယှဉ်ငြား-သဟ၊ သဒ္ဓိံ, စ၊ သက်ကြတတီယာ။
(၇၁၂) အထူးဖြစ်ဟန်၊ သိကြောင်းမှန်၊ ဣတ္ထမ္ဘူတလက္ခဏ။
(၇၁၃) ချို့တဲ့ကြန်အင်၊ သိကြောင်းဆင်၊ အင်္ဂဝိကာရ။
(၇၁၄) ကိစ္စ, လျင်စွာ၊ ပြီးမှုမှာ၊ ကြိယာပဝဂ္ဂ။
(၇၁၅) အားဖြင့်ပေးမှု၊ အထူးပြု၊ ခေါ်မှု-ဘိန္နာဓိကရဏ ဝိသေသနတည်း။
(၇၁၆) ဒဗ္ဗ, ကြိယာ၊ နှစ်ဖြာတို့အား၊ ထူးပြုငြား၊ နှစ်ပါးခွဲဝေရာ။
(၇၁၇) ဣတ္ထမ္ဘူတ၊ စသည်ငါးဆင့်၊ အနက်-ဖြင့်၊ သက်သင့်,တတီယာ။
(၇၁၈) ပဉ္စမီချက်၊ မှ, ပေးနက်၊ သက်လေ-တတီယာ။
(၇၁၉) ခဏ, သမယ၊ ကာလ, ဒိသာ၊ အဒ္ဓါ, ကစ၊ အာဓာရ၊ သက်ကြ-တတီယာ။
တတီယာ ရာသီပြီး၏။
------- * ------
(၇၂၀) ဝတ္ထု, ကြိယာ၊ နှစ်ဖြာအခံ၊ သမ္ပဒါန်၊ သက်ရန်စတုတ္ထီသာ။
(၇၂၁) အာဓာရက၊ အဗ္ဘနုညာ၊ အနိရာကတ္တု၊ သုံးပါးစု၊ ဟေတုသမ္ပဒါ။
(၇၂၂) ဒါ, နှင့်-ရုစ၊ ဓာရ, တလီ၊ သိလာဃာဒိ၊ အယှဉ်သိ၊ များဘိအဖြာဖြာ။
(၇၂၃) တဒတ်, တုမတ်၊ ငှါ-ပေးလတ်၊ နှစ်ရပ်-ပယောဇနာ။
(၇၂၄) စတုတ္ထီ-ဿ၊ တ္ထံ, အာယ၊ ပြုကြ-ငှါပေးရာ။
(၇၂၅) ဂတျတ္ထကံ၊ နျတ္ထကံ၊ ဤနှစ်တန်၊ ကံ၌-စတုတ္ထာ။
(၇၂၆) ကံ, အစ္စန်, ငြား၊ ကတ္တား, ဟိတ်, မှန်၊ အပါဒါန်, နှင့်၊ သမ္ဗန်, အာဓာရ၊ အချို့မျှ၊ သက်ကြ စတုတ္ထာ။
(၇၂၇) ယင်း အနက်စု၊ အာယ, ပြု၊ ထင်မှု-ကျမ်း၌လာ။
စတုတ္ထီ ရာသီပြီး၏။
------ * -----
(၇၂၈) မှ, အောက်, ထက်, သာ၊ ဖဲကြဉ်ရာ၊ အပါဒါန်ဟုသိ။
(၇၂၉) ယင်း၏စပ်ရာ၊ ကြိယာ၊ ဝိသယာဟူဘိ။
(၇၃၀) နိဒ္ဒိဋ္ဌ ဝိသယ၊ ဥပ္ပါဋ ဝိသယာ၊ နုမေယျာ၊ ပါဒါန်သုံးမျိုးရှိ။
(၇၃၁) ဝဇ္ဇနတ္ထ၊ အပ, ပရိ၊ ယှဉ်တုံဘိ၊ သိလေ-ပဉ္စမီ။
(၇၃၂) ရိတေ, ရဟိတာ၊ ဝိနာ, အညတြ၊ ပုထ, အာရာ၊ အာရကာ, တို့၊ ယှဉ်လာသမျှ၊ ထိုပဒ၊ သက်ကြ ပဉ္စမီ။
(၇၃၃) အဘိဝိဓိ၊ မရိယာဒ၊ ယာဝနှင့်အာ၊ တိုင်အောင်သာ တည့်၊ ကြိယာမဇ္ဈ၊ ကာရကမဇ္ဈေ၊ အထွေထွေ၊ သက်လေ-ပဉ္စမီ။
(၇၃၄) အောက်, ထက်, ပေးရာ၊ ဦနာ, ဓိက,၊ ဝိဘတ္တမှန်၊ အပါဒါန်၊ သက်ရန်-ပဉ္စမီ။
(၇၃၅) ဒူရန္တိက၊ စသည်ယှဉ်ရာ၊ အဖြာဖြာ၊ သက်ရာ-ပဉ္စမီ။
(၇၃၆) ကြောင့်, ဟုပေးရ၊ ကာရဏ၊ သက်ကြ-ပဉ္စမီ။
(၇၃၇) တတီယာနက်၊ ဟောပုဒ်ထွက်၊ သက်လေ-ပဉ္စမီ။
ပဉ္စမီရာသီပြီး၏။
----- * ----
(၇၃၈) သမ္ဗန္ဓီချင်း၊ ငဲ့တုံလျှင်း၊ စပ်ခြင်းသမ္ဗန်ဟူ။
(၇၃၉) ဝိသေသျ၊ နောက်ပဒ၏၊ ဘေဒအပြား၊ ခွဲတုံငြား၊ များလှသမ္ဗန်မူ။
(၇၄၀) သံ, နှင့်-သာမီ,၊ သမီပ, ဟူ၊ သမူဟာ, ဝယဝ,၊ ဝိကာရ, နှင့်၊ ဌာန, ဌာနီ,၊ ကာရီ, ကာရိယ,၊ ဇနက, ဇည,၊ ဖလ, ဟေတု,၊ ဂုဏ, အဝတ္ထာ,၊ စသည်မှာ၊ အရာမကဟူ။
(၇၄၁) သမ္ဗန်-နှစ်ထွေ၊ ထွန်းပြစေဘို့၊ ဝိသေသန၊ ရှေ့ပဒ၊ သက်ကြ-ဆဋ္ဌီတည်း။
(၇၄၂) ဏ, ယု, တိ, တ,၊ ဘော၌ကျ၊ ကွစိ-ဆဋ္ဌီကတ္တားတည်း။
(၇၄၃) အဓိကရဏ၊ သက်သည်-တ,၊ နိစ္စ-ဆဋ္ဌီကတ္တားတည်း။
(၇၄၄) တျာဒိ, မတိ,၊ ပူဇာဒိ-တ,၊ ကံ၌ကျ၊ ကွစိ-ဆဋ္ဌီ ကတ္တားတည်း။
(၇၄၅) ဏ, ယု, တိ, တ,၊ ဘော၌ကျ၊ ကွစိ-ဆဋ္ဌီကံ။
(၇၄၆) ဏီ, ဏွု, တု,၊ ယှဉ်တုံမှု၊ ဗဟု-ဆဋ္ဌီကံ။
(၇၄၇) ကရဏာ, ဓိကရဏ,၊ ဘော, ယှဉ်က၊ ကွစိ-ဆဋ္ဌီကံ။
(၇၄၈) စိန္တ, သရ,၊ ယှဉ်တုံက၊ ကွစိ-ဆဋ္ဌီကံ။
(၇၄၉) ပူရဓာတု,၊ ယှဉ်တုံမှု၊ ဗဟု-ဆဋ္ဌီကရိုဏ်းတည်း။
(၇၅၀) ယဇ, ဇုဟ,၊ သုဟိတ, နှင့်၊ တိတ္တ, ပုဒ်စု၊ ယှဉ်တုံမှု၊ ဗဟု-ဆဋ္ဌီကရိုဏ်းတည်း။
(၇၅၁) ဘီ, နှင့်-တသ,၊ ယှဉ်လက၊ ကွစိ-ဆဋ္ဌီပါဒါန်တည်း။
(၇၅၂) အောက်ထက်ပေးရ၊ ဝိဘတ္တ၊ ကွစိ-ဆဋ္ဌီပါဒါန်တည်း။
ဆဋ္ဌီ-ရာသီပြီး၏၊
------ * -----
(ဗျာပိကာဓာရ၊ ဩပသိလေသိကာဓာရ၊ ဝေသယိကာဓာရ၊ သာမီပိကာဓာရ။ ။ ဆောင်ပုဒ်။)
(၇၅၃) နှံ့ရာ, ငြိရာ,၊ ကျင်လည်ရာ,၊ နီးရာ, လေးဌာန။
(၇၅၄) ကြိယာ၏၊ မှီရာအမှန်၊ ကံ, နှင့်-ကတ္တား,၊ တည်ရာငြား၊ လေးပါးအာဓာရ။
(၇၅၅) အဓိကရဏ,၊ ဩကာသ,၊ ဓာရ-ခေါ်သုံးလီ။
(၇၅၆) လေးပါးထိုမှ၊ အာဓာရ၊ သက်ကြ-သတ္တမီ။
(၇၅၇) လက္ခဏဝန္တ,၊ လက္ခဏ, နှင့်၊ လက္ချ, လက္ချဝန်,၊ ဤလေးတန်၊ ဝေဖန်သိရမည်။
(၇၅၈) ကြောင့်, ဟုပေးရ၊ နိမိတ္တ၊ သက်ရသတ္တမီ။
(၇၅၉) ဂဟာဒိ-ကံ,၊ သမ္ပဒါန်, နှင့်၊ ပါဒါန်, ကရဏ,၊ အချို့မျှ၊ သက်ကြ-သတ္တမီ။
သတ္တမီရာသီပြီး၏။
-------- * -------
(၇၆၀) စဉ်, လျက်, ခေါ်ဘိ၊ ကြိယာနှစ်ချက်၊ လုယက်ခြင်းရာ၊ ပြိုင်သည်မှာ၊ အနာဒရမည်။
(၇၆၁) အနာဒရိယ,၊ နာဒရနှင့်၊ ဝန္တ-နှစ်ရပ်၊ ဝေဖန်အပ်၊ ဆဋ္ဌီသတ္တမီ။
(၇၆၂) တွင်, ဟုပေးပြန်၊ နိဒ္ဓါရဏ်, တည့်၊ ဇာတ်, နာမ်, ဂုဏ,၊ ကြိယ,၊ ဘေဒ-ပြားလေးလီ။
(၇၆၃) သာမိ, ဣဿရ,၊ ကုသလ၊ ကောဝိဒ,၊ စသည်ယှဉ်လတ်၊ ကံလည်းမှတ်၊ ဆဋ္ဌီ-သတ္တမီ။
ဆဋ္ဌီ, သတ္တမီရာသီပြီး၏။
------- * ------
(၇၆၄) ဟေတု, နိဒါန၊ စသည်ယှဉ်ဖက်၊ ဟိတ်အနက်၊ သက်လေ-ဝိဘတ်ကုန်။
(၇၆၅) တော, ပစ္စည်းချက်၊ ဝိဘတ်နက်၊ သက်လေ-အလုံးစုံ။
(၇၆၆) ထသော, သော, ဟု၊ ခေါ်မှုမြန်မာ၊ ပုဒ်သညာ၊ တုလျာဓိကရဏ၊ ဝိသေသန-တည်း။
(၇၆၇) ပဓာန-နှင့်၊ အရတူစွာ၊ ထိုပုဒ်မှာ၊ ပဓာန-နည်းပြီး။
(၇၆၈) ဝိပလ္လာသ၊ နည်း၌ကျမှု၊ သတ္တဝိဘတ်၊ အတ္ထအချက်၊ အကုန်သက်၊ အနက်မရွေးပြီ။
ကာရက ပြီး၏။
------- * ------
(၁) ခုနစ်ရာ့ခြောက်ဆယ်၊ လင်္ကာခြယ်၊ ဤဝယ်ပြီးကဗျာ။
(၂) အဌ်, သုဉ်, ဒွိ, ဧက်၊ သက္ကရာဇ်၊ ဖွားလစ်-ကျမ်းဆရာ။
(၃) မုံရွာလယ်တီ၊ တောရမှီ၊ မထေရ်ဉာဏ်ဓဇာ။
(၄) သော, ဆ, ဒွိ, ဧက်၊ သက္ကရာဇ်၊ ပြီးလစ်-ဆောင်း လယ်မှာ။
(၅) သဒ္ဒ သံခိပ်၊ ဘွဲ့တံဆိပ်၊ ခတ်နှိပ်မည်သညာ။
(၆) ကျမ်းဂန်ခပင်း၊ အနက်လင်း၊ နှုတ်တွင်းဆောင်သူမှာ။
(၇) ပညာဓိက၊ ဆုကြီးရ၊ အမျာ့ကိုးကွယ်ရာ။
(၈) ကျမ်းပြုပါရ၊ ဤပုညကြောင့်၊ ဒုက္ခခပ်သိမ်း၊ ငြိမ်းစေခလို၊ ဆုပန်ဆို၊ ဗိုလ်လူသတ္တဝါ။
(၉) အနာမျိုးကင်း၊ မိုးမင်းသည်းထန်၊ နိုင်ငံခပ်သိမ်း၊ တရားထိန်း၊ ငြိမ်းစေအဖြာဖြာ။
(၁၀) ရှစ်သောင်းလေးထောင်၊ တရားရောင်လည်း၊ မိုက် မှောင်ပယ်ထွန်း၊ ထိန်ထိန်ရွှန်း၊ ထွန်းစေ သာသနာ။
သဒ္ဒသံခိပ်ကျမ်းပြီး၏။
------- * ------