သိမ်မျိုးစုံမဟာဋီကာ/ခဏ္ဍနိမိတ်၌ ကင်္ခါဋီကာဝါဒမသင့်ကြောင်း ဋီကာ
ခဏ္ဍနိမိတ္တ သိမ်အရာ၌ သုံးပါးသော နိမိတ်တို့ကို အစပြု၍ ရာ ထောင်မက များစွာသော နိမိတ်တို့ကို ခွင့်ပြုတိုင်း အစဉ်အတိုင်း ကြားပြီးလျှင် ရှေးဦးစွာ ကြားအပ်ပြီးသော ပဌမနိမိတ်ကို တဖန် ထပ်၍မကြားပဲ အကြားပြတ်စေ၍ သမုတ်အပ်သော သိမ်သာ ခဏ္ဍနိမိတ္တာ သိမ်မည်သည်မဟုတ်၊ သုံးခုလေးခုအစရှိသော နိမိတ်လောက်သော နိမိတ်တို့၏အကြား၌ နိမိတ်ကြားခြင်း မလောက်သော အခွံလျှင်အနှစ်ရှိသော ထန်း အုန်း စသော သစ်ပင် သစ်ငုတ် မြေပုံ သဲပုံတို့တွင် တစ်ပုံပုံကို လောက်သော နိမိတ်တို့၏ အကြား၌ နိမိတ်တစ်ခု ပြု၍,ကြား၍ သမုတ်အပ်သော သိမ်သည်လည်း ခဏ္ဍနိမိတ္တာသိမ်သာ မည်၏။
ဤကား ကင်္ခါအဋ္ဌကထာ၏ ယထာဘူတ အဓိပ္ပာယ်တည်း။
ကင်္ခါဋီကာသစ်မှာမူကား နိမိတ်သုံးလုံးထား၍ ကြားလျှင် အကြား၌ နိမိတ်မလောက်သော သစ်ပင်စသည်ကိုထား၍ ကြားသော်လည်း ခဏ္ဌနိမိတ္တာသိမ်မဖြစ်၊ သိမ်အောင်၏။ အကြောင်းကား နိမိတ်လောက်သော နိမိတ်သုံးခု ရှိသောကြောင့်တည်း။ အဋ္ဌကထာတို့၌ကား သာမန်သာဆို၏။ ငါကဲ့သို့ ဝိသေသ မဆို။ ရိုကြောင့် ဉာဏ်ဖြင့် စူးစမ်းဆင်ခြင်၍ ယူအပ်၏ -ဟု မိန့်ဆို၏။ ၎င်းဋီကာသစ်ဆရာသည် အန္တာပိ -စသော ဝါကျ၌ အန္တာပုဒ်၏သမ္ဗန်ကို ဒိန္နံ မိတ္တူပဂနိမိတ္တာနံ-ဟု ခံလိုရိပ်ရှိ၏။ တိဏ္ဏံ နိမိတ္တူပဂနိမိတ္တာနံ-ဟု သမ္ဗန်ခံမှ သင့်သတည်းဟု ကျီဝန်ဆရာတော် မိန့်၏။ စံကျောင်းဆရာတော်ကြီး စလင်းဆရာတော်ကြီးတို့ကား ကင်္ခါဋီကာသစ်စကား အဋ္ဌကထာနှင့် မညီ၍ ဆင်ခြင်ရန်ရှိသည်ဟု မိန့်တော်မူကြ၏။