သိမ်မျိုးစုံမဟာဋီကာ/အုတ်တိုက်ကျောင်းစသည်ဆောက်ပြီး သိမ်သမုတ်သင့်မသင့်
ယခုကာလ အချို့သော ဆရာတော်တို့သည် -
သစေ ဧကယောဇနဒွိယောဇနပ္ပမာဏံ သဗ္ဗံ ပဗ္ဗတံ အန္တော ကတ္တုကာမာ ဟောန္တိ၊ ပဗ္ဗတဿ ပရတော ဘူမိယံ ဇာတရုက္ခ ဝမ္မိကာဒီနိ နိမိတ္တာနိ ကိတ္တေတဗ္ဗာနိ။
ဟူသော မဟာဝါဥပေါသထက္ခန္ဓကအဋ္ဌကထာ (၃၁၉)ကို ထောက်၍ ဆောက်ပြီး အုတ်တိုက်ကြီးများကိုလည်းကောင်း၊ ကျောင်းကြီးများကိုလည်းကောင်း သိမ်း၍ သိမ်နုတ် သိမ်သမုတ် ကိစ္စပြုကြလေကုန်ပြီ၊ အချို့လည်း သိမ်သမုတ်ပြီးနောက်မှ နိမိတ်ပြင်ဘက် ကျောင်းကိုချဲ့၍ တစ်သိမ်တည်း လုပ်ကြလေကုန်ပြီ။ ရှေးကသမုတ်ပြီး ဗဒ္ဓသိမ်မရှိသော နေရာချည်းဖြစ်ခဲ့မူ သင့်ရာ၏။
ထိုတောင်မှာလည်း တောင်နိမိတ်ကြားခန်း၌ -
သစေ ပဗ္ဗတဿ တတိယဘာဂံ ဝါ ဥပဍ္ဎံ ဝါ အန္တောသီမာယ ကတ္တုကာမာ ဟောန္တိ။ ပ။ ကိတ္တေတဗ္ဗံ-
ဟူသော ရှေးဝါကျများကို ထောက်ပြန်သော် ထိုတောင်တစ်စိတ်ကို ဗဒ္ဓသိမ်တစ်ခုတွင် သွင်း၍သမုတ်နိုင်က ကြွင်းတစ်စိတ်ကိုလည်း ဗဒ္ဓသိမ်တစ်ခုတွင်းသို့ သွင်း၍သမုတ်နိုင်သည်မှာ ဒိဋ္ဌလောက် သိမြင်နိုင်ရာ၏။ ယင်းသို့ ဗဒ္ဓသိမ်နှစ်လုံး မရှိရာ၌ သင့်ရာ၏။ ရှိရာ၌မူ မသင့်ရာ။ ယခုကာလ ညောင်စောင်းကွက်စသည် သား၍သိမ်သမုတ်ခြင်းလည်း အကျိုးမရှိရာ။ သာသနာအဓွန့်ကာလ ရှည်လျားပြီးဖြစ်၍ ဗဒ္ဓသိမ်ရှိ,မရှိ သိဖို့ရန်ခဲယဉ်းကြသည်သာတည်း။
တသ္မိံ ဝိဟာရေ ခဏ္ဍသီမာယ, မဟာသီမာယပိ ဝါ ဝိဇ္ဇမာနတ္တေ သတိ အဝဿံ ဧကသ္မိံ မဉ္စဋ္ဌာနေ တာသံ မဇ္ဈဂတာ တေ ဘိက္ခူ တာ သမူဟနေယျုံ, တတော ဂါမသီမာ ဧဝ အဝသိဿေယျ။ န ဟေတ္ထ သီမာယ, တပ္ပရိစ္ဆေဒဿ ဝါ ဇာနနံ အင်္ဂံ။ သီမာယ ပန အန္တောဌာနံ, ‘‘သမူဟနိဿာမာ’’တိ ကမ္မဝါစာယ ကရဏဉ္စေတ္ထ အင်္ဂံ။ ပ။ တံ ယုတ္တံ ဝိယ ဒိဿတိ။ (ဝိမတိဝိနောဒနီဋီကာ၊ ဒု၊ ၁၅၆။)
တောင်ဖီလာဆရာတော်ရေး ဝိနယာလင်္ကာရဋီကာ (ပ၊ ၃၂၅။) တို့လာတိုင်း ရှေးဆရာတော်ကြီးတို့ သိမ်နုတ် သိမ်သမုတ်တော်မူသည်ကိုသာ ဒိဋ္ဌာနုဂတိသို့လိုက်၍ ကျင့်တော်မူကြရာသတည်း။
အလွန်လည်းပေါ့၊ ရှေးက တကယ့်ကျမ်းဂန်တတ် ဆရာတော်ကြီးများ အသုံးမပြုသောနည်းကို အကောင်းကြီးထင်၍ မလိုက်ကြရာ။ သာသနာအဓွန့်ရှည်လှလေပြီ၊ လဇ္ဇီပေသလ သိက္ခာကာမပုဂ္ဂိုလ်ကျော်တို့။