အင်းဝမြို့ တန်ဆောင်မုန်းလဘွဲ့ လူးတား
သာစွလေ၊
ရစ်ခွေပတ်လှည့် မိုးလပြည့်နှင့်၊
တူယှဉ်ပြိုင်လာ၊ ကြတ္တိကာတည့်၊
ဗြိစ္ဆာရာသီ ၊ နာရီညဥ့်တိုး၊
နတ်လည်းနိုး၍၊ သံမိုး ကုန်စဲ၊
နှင်းသေးဖွဲသည်၊ ခဝဲပွင့်တုန်း၊
တန်ဆောင်မုန်းကား၊ မချုန်းမိုးသား၊
တိုင်ထွတ်ဖျားတွင် ငါးပါးကျိုးရှိ၊
မီးပွင့်ညှိ၍ ပြည်ကြီးဖွယ်ရာ
သဒ္ဓါအားကြိုး၊ မသိုးသင်္ကန်း၊
လှူရွှင်လန်းသည်၊ ရဟန်းသံဃာ၊
အရိယာတို့၊ သစ္စာလေးစုံ၊
ရွှေစည်းခုံဝယ်၊ ကြည်ယုံလှလျှင်
ပွဲပုံယင်လျက်၊ အောက်ထက်ကျော်ရှိန်
ပြည်ကုချိန်သည်၊ ကထိန်လှူသင်္ကန်းတည့်လေး၊
ပွင့်လင်းစည်သည်၊ ရွှေပြည်ရွှေဝ နန်းတည့်လေး။
|
ဤလုပ်ဆောင်မှုသည် ဇန်နဝါရီ ၁၊ ၁၉၂၉ မတိုင်မီ ဖြန့်ချိခဲ့ပြီး ဖြစ်ပြီး ဖန်တီးသူ ကွယ်လွန်ခဲ့သည်မှာ အနည်းဆုံး နှစ် ၁၀၀ ရှိခဲ့ပြီး ဖြစ်သဖြင့် ယခုအခါ တစ်ကမ္ဘာလုံးတွင် အများပြည်သူပိုင် ဖြစ်သည်။ |