အနတ္တလက္ခဏသုတ်အမွှန်း
ဓမ္မစက္ကံ ပဝတ္တေတွာ အာသဠိယံ ဟိ ပုဏ္ဏမေ၊
နဂရေ ဗာရာဏသိယံ ဣသိပတနယေ ဝနေ။
ပါပေတွာ-ဒိဖလံ နေသံ အနုက္ကမေန ဒေသယိ၊
ယံ တံ ပက္ခဿ ပဉ္စမျံ ဝိမုတ္တတ္ထံ ဘဏာမ ဟေ။
ဗာရာဏသိယံ နဂရေ– ဗာရာဏသီ တွင်မည်ကျော်ဟီး, နေပြည်တော်ကြီး၌။ ဣသိပတနယေ– ပစ္စေကဗုဒ္ဓါတို့၏ ကျရာဖြစ်၍ ဣသိပတနအမည်ရှိသော။ ဝနေ– သား, ငှက်တို့အား ဘေးမဲ့ပေးရာ မိဂဒါဝုန်တော၌။ အာသဠိယံ ပုဏ္ဏမေ– သာယာချမ်းမြေ့ ဝါဆိုလပြည့်နေ့၌။ နေသံ– ထိုပဉ္စဝဂ္ဂီရဟန်းတို့အား။ ဓမ္မစက္ကံ– တရားဒေသနာ မြတ်စကြာကို။ ပဝတ္တေတွာ- ကောင်းစွာမသွေ တည်စေတော်မူပြီး၍။
အနုက္ကမေန- နေ့ရက်အစဉ်, ထေရ်အစဉ်အားဖြင့်။ အာဒိဖလံ– သောတာပတ္တိဖိုလ်သို့။ ပါပေတွာ- ရောက်စေတော်မူပြီး၍။ ပက္ခဿ- လကွယ်ပက္ခ, ဝါဆိုလ၏။ ပဉ္စမျံ- ငါးရက်မြောက်သောနေ့၌။ နေသံ- ထိုပဉ္စဝဂ္ဂီရဟန်းတို့၏။ ဝိမုတ္တတ္ထံ- အရဟတ္တဖိုလ်အကျိုးငှာ။ ယံ အနတ္တ လက္ခဏသုတ္တံ- အကြင်အနတ္တလက္ခဏသုတ်ကို။ အဒေသယိ- ဟောတော်မူပြီ။ တံ အနတ္တလက္ခဏသုတ္တံ- ထိုအနတ္တလက္ခဏသုတ်ကို။ ဟေ– အို သူတော်ကောင်းတို့။ မယံ- ငါတို့သည်။ ဘဏာမ– ရွတ်ကြပါကုန်စို့။
ဗာရာဏသိယံ- ဗောဓိသတ်လောင်း မျောက်ဦးခေါင်းကို ကောင်းစွာ စေတီ တည်သည် တကြောင်း၊ မျောက်ဦးခေါင်းဟန် သဏ္ဌာန်တူစွာ ကျောက်ဖျာ ရှိလျှင်း အကြောင်းရင်း တို့ကြောင့် မယွင်းခေါ်ဘိ ဗာရာဏသီ အမည်ရှိသော၊
နဂရေ- မြို့မြတ်စဉ်လာ မင်္ဂလာဟု အင်္ဂါစုံညီ ဂုဏ်ရည် လျှံပြီး မြို့ကြီး၌၊
ဣသိပတန ဝှယေ ဝနေ- ဣသိပတန အမည်ရသည့် သာစွရဂုံ စုံမြိုင် ထွတ်ထီး တောအုပ်ကြီးအတွင်း၌၊
အာသဠှိယံ ဟိ ပုဏ္ဏမေ- ဝန်းစက်ပြည့်ဖြိုး မိုး၏မင်္ဂလာ သော်တာစန်းလ လျှမ်းပ ချမ်းမြေ့ လဝါဆို ပြည့်သောနေ့၌၊
နေသံ- ပဉ္စဝဂ္ဂီ အမည်တွင်လတ် ထိုမထေရ်မြတ်တို့အား၊
ဓမ္မစက္ကံ- လူအရပ်ရပ် နတ်အဖြာဖြာ ဗြဟ္မာအသွယ်သွယ် အနယ်နယ် တွင် ဘယ်ရှင် နတ်လူ အဘယ်သူမျှ မပြုနိုင်အား မဟောအားသည့် မကြားစဖူး တရားဦးဟု ထူးမြတ်လှစွာ ဓမ္မစကြာ တရားတော်မြတ် ရတနာကို၊
ပဝတ္တေတွာ- မောဟအမှောင် လောက ဘောင်၌ ဉာဏ် ရောင် ဝင်းပ အလင်းရဖို့၊
ဉာဏတေဇာ- ဒေသနာလက် စက်တော်သံဟီး ဟော ကြားတော် မူပြီးသော်၊
အနုက္ကမေန- ဝါဆိုလပြည့်နေ့က စလျှက် တစ်ရက်တစ်ပါး အစဉ်အားဖြင့်၊
အာဒိ ဖလံ- သောတာပတ္တိ မည်ရှိခေါ်ဆို အစဆုံးဖိုလ်သို့၊
ပါပေတွာ- အရိယာတန်း စခန်း ပေါက်အောင် ရောက်စေတော် မူပြီး နောက်၊
ပဉ္စမျံ ပက္ခဿ- ဝါဆိုမာသ ဆုတ်ပက္ခ၏ ပဉ္စမအရောက် ငါးရက်မြောက်သော နေ့အခါ၌၊
နေသံ- သောတာပတ္တိ ဖိုလ်အောင်ထိလျက် ဧဟိဘိက္ခူ မိန့်ခံယူ၍ သွင်မူ ပြောင်းကြ အကြောင်းလှသည့် ပဉ္စဝဂ္ဂီ ထိုမထေရ်မြတ်တို့၏၊
ဝိမုတ္တတ္တံ- ကိလေသာစုံ အကုန်ရှင်းကျွတ် ကင်းလွတ်ဖို့ အကျိုးငှာ၊
အနတ္တ လက္ခဏံ- ရူပံ ဘိက္ခေ၀ အနတ္တာ ဦးတည်ကာလျှင် ဒေသနာ မှတ်ပြ လက္ခဏာခေါ်ဆို အကြင် အနတ္တလက္ခဏ ဒေသနာတော်ကို၊
ဒေသယိ- သံသာချိုငြိမ့် နှလုံးစိမ့်အောင် ဟောမိန့်တော် မူခဲ့လေပြီ၊
တံ အနတ္တ လက္ခဏံ- ထို အနတ္တလက္ခဏ သုတ္တန် တရားတော်ကို၊
မယံ- ငါတို့သည်၊
ဘဏာမ- ရွတ်ပွား သရဇ္ဈာယ် ကြပါကုန်စို့၊
အနတ္တလက္ခဏသုတ် ပါဠိတော်
[ပြင်ဆင်ရန်]- အနတ္တလက္ခဏသုတ် နိဒါန်း -
ဧဝံ မေ သုတံ...
ဧကံ သမယံ ဘဂဝါ ဗာရာဏသိယံ ဝိဟရတိ ဣသိပတနေ မိဂဒါယေ။ တတြ ခေါ ဘဂဝါ ပဥ္စဝဂ္ဂိယေ ဘိက္ခူ အာမန္တေသိ ဘိက္ခဝေါတိ။ ဘဒ္ဒန္တေတိ တေ ဘိက္ခူ ဘဂဝတော ပစ္စေဿာသုံ။ ဘဂဝါ ဧတဒဝေါစ-
- ရူပက္ခန္ဓာ အနတ္တဖြစ်ပုံ -
ရူပံ ဘိက္ခဝေ အနတ္တာ...
ရူပဥ္စ ဟိဒံ ဘိက္ခဝေ အတ္တာ အဘဝိဿ၊ နယိဒံ ရူပံ အာဗာဓာယ သံဝတ္တေယျ။ လဗ္ဘေထ စ ရူပေ ဧဝံ မေ ရူပံ ဟောတု၊ ဧဝံ မေ ရူပံ မာ အဟောသီ တိ။ ယသ္မာ စ ခေါ ဘိက္ခဝေ ရူပံ အနတ္တာ၊ တသ္မာ ရူပံ အာဗာဓာယ သံဝတ္တတိ။ န စ လဗ္ဘတိ ရူုပေ ဧဝံ မေ ရူပံ ဟောတု၊ ဧဝံ မေ ရူပံ မာ အဟောသီ တိ။
- ဝေဒနာက္ခန္ဓာ အနတ္တဖြစ်ပုံ -
ဝေဒနာ အနတ္တာ...
ဝေဒနာ စ ဟိဒံ ဘိက္ခဝေ အတ္တာ အဘဝိဿ၊ နယိဒံ ဝေဒနာ အာဗာဓာယ သံဝတ္တေယျ။ လဗ္ဘေထ စ ဝေဒနာယ ဧဝံ မေ ဝေဒနာ ဟောတု၊ ဧဝံ မေ ဝေဒနာ မာ အဟောသီ တိ။ ယသ္မာ စ ခေါ ဘိက္ခဝေ ဝေဒနာ အနတ္တာ၊ တသ္မာ ဝေဒနာ အာဗာဓာယ သံဝတ္တတိ။ န စ လဗ္ဘတိ ဝေဒနာယ ဧဝံ မေ ဝေဒနာ ဟောတု၊ ဧဝံ မေ ဝေဒနာ မာ အဟောသီ တိ။
- သညာက္ခန္ဓာ အနတ္တဖြစ်ပုံ -
သညာ အနတ္တာ...
သညာ စ ဟိဒံ ဘိက္ခဝေ အတ္တာ အဘဝိဿ၊ နယိဒံ သညာ အာဗာဓာယ သံဝတ္တေယျ။ လဗ္ဘေထ စ သညာယ ဧဝံ မေ သညာ ဟောတု၊ ဧဝံ မေ သညာ မာ အဟောသီ တိ။ ယသ္မာ စ ခေါ ဘိက္ခဝေ သညာ အနတ္တာ၊ တသ္မာ သညာ အာဗာဓာယ သံဝတ္တတိ။ န စ လဗ္ဘတိ သညာယ ဧဝံ မေ သညာ ဟောတု၊ ဧဝံ မေ သညာ မာ အဟောသီ တိ။
- သင်္ခါရက္ခန္ဓာ အနတ္တဖြစ်ပုံ -
သင်္ခါရာ အနတ္တာ...
သင်္ခါရာ စ ဟိဒံ ဘိက္ခဝေ အတ္တာ အဘဝိဿံသု၊ နယိဒံ သင်္ခါရာ အာဗာဓာယ သံဝတ္တေယျုံ။ လဗ္ဘေထ စ သင်္ခါရေသု ဧဝံ မေ သင်္ခါရာ ဟောန္တု၊ ဧဝံ မေ သင်္ခါရာ မာ အဟေသု န္တိ။ ယသ္မာ စ ခေါ ဘိက္ခဝေ သင်္ခါရာ အနတ္တာ၊ တသ္မာ သင်္ခါရာ အာဗာဓာယ သံဝတ္တန္တိ။ န စ လဗ္ဘတိ သင်္ခါရေသု ဧဝံ မေ သင်္ခါရာ ဟောန္တု၊ ဧဝံ မေ သင်္ခါရာ မာ အဟေသုန္တိ။
- ဝိညာဏက္ခန္ဓာ အနတ္တဖြစ်ပုံ -
ဝိညာဏံ အနတ္တာ...
ဝိညာဏဥ္စ ဟိဒံ ဘိက္ခဝေ အတ္တာ အဘဝိဿ၊ နယိဒံ ဝိညာဏံ အာဗာဓာယ သံဝတ္တေယျ။ လဗ္ဘေထ စ ဝိညာဏေ ဧဝံ မေ ဝိညာဏံ ဟောတု၊ ဧဝံ မေ ဝိညာဏံ မာ အဟောသီတိ။ ယသ္မာ စ ခေါ ဘိက္ခဝေ ဝိညာဏံ အနတ္တာ၊ တသ္မာ ဝိညာဏံ အာဗာဓာယ သံဝတ္တတိ။ န စ လဗ္ဘတိ ဝိညာဏေ ဧဝံ မေ ဝိညာဏံ ဟောတု၊ ဧဝံ မေ ဝိညာဏံ မာ အဟောသီ တိ။
- ရူပက္ခန္ဓာ၌ လက္ခဏာရေးသုံးပါး -
တံ ကိံ မညထ ဘိက္ခဝေ၊ ရူပံ နိစ္စံ ဝါ အနိစ္စံ ဝါတိ။ အနိစ္စံ ဘန္တေ။ ယံ ပနာနိစ္စံ၊ ဒုက္ခံ ဝါ တံ သုခံ ဝါတိ။ ဒုက္ခံ ဘန္တေ။ ယံ ပနာနိစ္စံ ဒုက္ခံ ဝိပရိဏာမဓမ္မံ၊ ကလ္လံ နု တံ သမနုပဿိတုံ ဧတံ မမ၊ ဧသောဟမသ္မိ၊ ဧသော မေ အတ္တာ တိ။ နော ဟေတံ ဘန္တေ။
- နာမက္ခန္ဓာလေးပါး၌ လက္ခဏာရေးသုံးပါး -
ဝေဒနာ နိစ္စာ ဝါ အနိစ္စာ ဝါတိ။ အနိစ္စာ ဘန္တေ။ ယံ ပနာနိစ္စံ၊ ဒုက္ခံ ဝါ တံ သုခံ ဝါတိ။ ဒုက္ခံ ဘန္တေ။ ယံ ပနာနိစ္စံ ဒုက္ခံ ဝိပရိဏာမဓမ္မံ၊ ကလ္လံ နု တံ သမနုပဿိတုံ ဧတံ မမ၊ ဧသောဟမသ္မိ၊ ဧသော မေ အတ္တာ တိ။ နော ဟေတံ ဘန္တေ။
သညာ နိစ္စာ ဝါ အနိစ္စာ ဝါတိ။ အနိစ္စာ ဘန္တေ။ ယံ ပနာနိစ္စံ၊ ဒုက္ခံ ဝါ တံ သုခံ ဝါတိ။ ဒုက္ခံ ဘန္တေ။ ယံ ပနာနိစ္စံ ဒုက္ခံ ဝိပရိဏာမဓမ္မံ၊ ကလ္လံ နု တံ သမနုပဿိတုံ ဧတံ မမ၊ ဧသောဟမသ္မိ၊ ဧသော မေ အတ္တာ တိ။ နော ဟေတံ ဘန္တေ။
သင်္ခါရာ နိစ္စာ ဝါ အနိစ္စာ ဝါတိ။ အနိစ္စာ ဘန္တေ။ ယံ ပနာနိစ္စံ၊ ဒုက္ခံ ဝါ တံ သုခံ ဝါတိ။ ဒုက္ခံ ဘန္တေ။ ယံ ပနာနိစ္စံ ဒုက္ခံ ဝိပရိဏာမဓမ္မံ၊ ကလ္လံ နု တံ သမနုပဿိတုံ ဧတံ မမ၊ ဧသောဟမသ္မိ၊ ဧသော မေ အတ္တာ တိ။ နော ဟေတံ ဘန္တေ။
ဝိညာဏံ နိစ္စံ ဝါ အနိစ္စံ ဝါတိ။ အနိစ္စံ ဘန္တေ။ ယံ ပနာနိစ္စံ၊ ဒုက္ခံ ဝါ တံ သုခံ ဝါတိ။ ဒုက္ခံ ဘန္တေ။ ယံ ပနာနိစ္စံ ဒုက္ခံ ဝိပရိဏာမဓမ္မံ၊ ကလ္လံ နု တံ သမနုပဿိတုံ ဧတံ မမ၊ ဧသောဟမသ္မိ၊ ဧသော မေ အတ္တာ တိ။ နော ဟေတံ ဘန္တေ။
- ရုပ်တရားကို တဏှာ မာန ဒိဋ္ဌိဂါဟတို့ဖြင့် မရှုကြည့်အပ်ပုံ -
တသ္မာ တိဟ ဘိက္ခဝေ ယံကိဥ္စိ ရူပံ အတီတာ နာဂတပစ္စုပ္ပန္နံ အဇ္ဈတ္တံ ဝါ ဗဟိဒ္ဓါ ဝါ သြဠာရိကံ ဝါ သုခုမံ ဝါ ဟီနံ ဝါ ပဏီတံ ဝါ ယံ ဒူရေ သန္တိကေ ဝါ၊ သဗ္ဗံ ရူပံ နေတံ မမ၊ နေသောဟမသ္မိ၊ န မေသော အတ္တာ တိ ဧဝမေတံ ယထာဘူတံ သမ္မပ္ပညာယ ဒဋ္ဌဗ္ဗံ။
- ဝေဒနာတရားကို တဏှာ မာန ဒိဋ္ဌိဂါဟတို့ဖြင့် မရှုကြည့်အပ်ပုံ -
ယာကာစိ ဝေဒနာ အတီတာနာဂတပစ္စုပ္ပန္နာ အဇ္ဈတ္တံ ဝါ ဗဟိဒ္ဓါ ဝါ သြဠာရိကာ ဝါ သုခုမာ ဝါ ဟီနာ ဝါ ပဏီတာ ဝါ ယာ ဒူရေ သန္တိကေ ဝါ၊ သဗ္ဗာ ဝေဒနာ နေတံ မမ၊ နေသောဟမသ္မိ၊ န မေသော အတ္တာ တိ ဧဝမေတံ ယထာဘူတံ သမ္မပ္ပညာယ ဒဋ္ဌဗ္ဗံ။
- သညာတရားကို တဏှာ မာန ဒိဋ္ဌိဂါဟတို့ဖြင့် မရှုကြည့်အပ်ပုံ -
ယာကာစိ သညာ အတီတာနာဂတပစ္စုပ္ပန္နာ အဇ္ဈတ္တံ ၀ါ ဗဟိဒ္ဓါ ဝါ သြဠာရိကာ ဝါ သုခုမာ ဝါ ဟီနာ ဝါ ပဏီတာ ဝါ ယာ ဒူရေ သန္တိကေ ဝါ၊ သဗ္ဗာ သညာ နေတံ မမ၊ နေသောဟမသ္မိ၊ န မေသော အတ္တာ တိ ဧဝမေတံ ယထာဘူတံ သမ္မပ္ပညာယ ဒဋ္ဌဗ္ဗံ။
- သင်္ခါရတရားကို တဏှာ မာန ဒိဋ္ဌိဂါဟတို့ဖြင့် မရှုကြည့်အပ်ပုံ -
ယေကေစိ သင်္ခါရာ အတီတာနာဂတပစ္စုပ္ပန္နာ အဇ္ဈတ္တံ ဝါ ဗဟိဒ္ဓါ ၀ါ သြဠာရိကာ ဝါ သုခုမာ ဝါ ဟီနာ ဝါ ပဏီတာ ဝါ ယေ ဒူရေ သန္တိကေ ဝါ၊ သဗ္ဗေ သင်္ခါရာ နေတံ မမ၊ နေသောဟမသ္မိ၊ န မေသော အတ္တာ တိ ဧဝမေတံ ယထာဘူတံ သမ္မပ္ပညာယ ဒဋ္ဌဗ္ဗံ။
- ဝိညာဏ်တရားကို တဏှာ မာန ဒိဋ္ဌိဂါဟတို့ဖြင့် မရှုကြည့်အပ်ပုံ -
ယံကိဥ္စိ ဝိညာဏံ အတီတာနာဂတပစ္စုပ္ပန္နံ အဇ္ဈတ္တံ ဝါ ဗဟိဒ္ဓါ ဝါ သြဠာရိကံ ဝါ သုခုမံ ဝါ ဟီနံ ဝါ ပဏီတံ ဝါ ယံ ဒူရေ သန္တိကေ ဝါ၊ သဗ္ဗံ ဝိညာဏံ နေတံ မမ၊ နေသောဟမသ္မိ၊ န မေသော အတ္တာ တိ ဧဝမေတံ ယထာဘူတံ သမ္မပ္ပညာယ ဒဋ္ဌဗ္ဗံ။
- နိဗ္ဗိန္ဒဉာဏ်မှစ၍ မဂ်ကိစ္စတစ်ဆယ့်ခြောက်ချက်ဖြစ်ပုံ -
ဧဝံ ပဿံ ဘိက္ခဝေ သုတဝါ အရိယသာဝကော ရူပသ္မိမ္ပိ နိဗ္ဗိန္ဒတိ၊ ဝေဒနာယပိ နိဗ္ဗိန္ဒတိ၊ သညာယပိ နိဗ္ဗိန္ဒတိ၊ သင်္ခါရေသုပိ နိဗ္ဗိန္ဒတိ၊ ဝိညာဏသ္မိမ္ပိ နိဗ္ဗိန္ဒတိ။ နိဗ္ဗိန္ဒံ ဝိရဇ္ဇတိ။ ဝိရာဂါ ဝိမုစ္စတိ။ ဝိမုတ္တသ္မိံ ဝိမုတ္တမီတိ ဉာဏံ ဟောတိ။ ခီဏာ ဇာတိ။ ဝုသိတံ ဗြဟ္မစရိယံ။ ကတံ ကရဏီယံ။ နာပရံ ဣတ္ထတ္တာယာတိ ပဇာနာတိ။
- ပဥ္စဝဂ္ဂီရဟန်းများ ရဟန္တာဖြစ်ပုံ -
ဣဒမဝေါစ ဘဂဝါ၊ အတ္တမနာ ပဥ္စဝဂ္ဂိယာ ဘိက္ခူ ဘဂဝတော ဘာသိတံ အဘိနန္ဒုန္တိ။ ဣမသ္မိံ စ ပန ဝေယျာကရဏသ္မိံ ဘညမာနေ ပဥ္စဝဂ္ဂိယာနံ ဘိက္ခူနံ အနုပါဒါယ အာသဝေဟိ စိတ္တာနိ ဝိမုစ္စိံသူတိ။
အနတ္တလက္ခဏသုတ္တံ နိဋ္ဌိတံ။
သာဓု သာဓု သာဓု..
(ကြေးစည်ထု)
|
ဤလုပ်ဆောင်မှုသည် ဇန်နဝါရီ ၁၊ ၁၉၂၉ မတိုင်မီ ဖြန့်ချိခဲ့ပြီး ဖြစ်ပြီး ဖန်တီးသူ ကွယ်လွန်ခဲ့သည်မှာ အနည်းဆုံး နှစ် ၁၀၀ ရှိခဲ့ပြီး ဖြစ်သဖြင့် ယခုအခါ တစ်ကမ္ဘာလုံးတွင် အများပြည်သူပိုင် ဖြစ်သည်။ |