အမရွာပြန်
မလွမ်းသင့်သော်ကော့၊ ခွန်းဆင့်ငယ်ညည်းကာ၊
ညဉ့်ဆည်းစျာမှာ၊ ရွှေဘုတ်ဝါ ပင်ညိုငြိမ့်ငယ်က၊
နေနိမ့်လို့သူအီ၊ သီကရီ လှမ်းပါရတယ်လေး။ ။
ယောက်တည်းငယ့်တကိုယ်၊ လျင်စလိုငယ်၊
ခင်လျှိုရေကျ သည်တောစက၊
အမရွာပြန်၊ ဖားအိုးအံနှင့်၊
ထက်သန်စီစီ၊ ခရုချီလို့၊
နေရီမှုန်မှင်၊ အောင်တုတ်ကယ်ရောပါလို့၊
မြောက်တော သူဝင်ခဲ့တယ်၊
ရွာအပြင်တခိုမှာ၊
ရွှေမိုးညို တကိုယ်ရွှဲငယ်က၊
သဲခဲ့ပြီလေး။ ။
|
ဤလုပ်ဆောင်မှုသည် ဇန်နဝါရီ ၁၊ ၁၉၂၉ မတိုင်မီ ဖြန့်ချိခဲ့ပြီး ဖြစ်ပြီး ဖန်တီးသူ ကွယ်လွန်ခဲ့သည်မှာ အနည်းဆုံး နှစ် ၁၀၀ ရှိခဲ့ပြီး ဖြစ်သဖြင့် ယခုအခါ တစ်ကမ္ဘာလုံးတွင် အများပြည်သူပိုင် ဖြစ်သည်။ |