ကဆုန်လဘွဲ့ ရှစ်ဆယ်ပေါ်တေးထပ်
ကြက်နန်းရဝေ ကြွက်ရွှေဘားနှင့်
ငွေငါးဗျာမန့် မြင့်တိမ်ဆီ
ထွေပြားကာခြံ့ ပ ဉ္ဇင်သီသည်
မင်ပန်းပန်းချီ ချယ်လှယ်တင့်။
ခုပြိုမသို့ မြူလွှာမှောင်တယ်
အသူရာမောင် မာန်ပျို့ချိန်မို့ထင့်။
နန်းစန္ဒိနှင့် ဖြန်းညှိဖြာသည်
နန်းဝိသာခါ တံငါပွင့်။
ကျမ်းရှိအလာ သမ္ဘာဝင့်လို့
အာကာတခွင့် သိန်တဂုဏ်။
ပယင်းချပ်လွှာ ညှာမြသား
စကားရွှေညှောက် လေသောက်ခါအကြုံ။
သောင်ငွေသဲတဲ့ ပုလဲရံဝယ်
မကွဲဆွေစုံ မောင်နှံငှက်တို့
တောင်ပံနွှဲရှက် ချစ်တင်းညီအောင်
သစ်လင်းသီဘွဲ့နှောင်။
မြှော်လေကြုံလို့ လွမ်းပုံ့ဆောင်တယ်
ကဆုန်ရွှေညောင် တော်သွန်းပေမို့လေး။
|
ဤလုပ်ဆောင်မှုသည် ဇန်နဝါရီ ၁၊ ၁၉၂၉ မတိုင်မီ ဖြန့်ချိခဲ့ပြီး ဖြစ်ပြီး ဖန်တီးသူ ကွယ်လွန်ခဲ့သည်မှာ အနည်းဆုံး နှစ် ၁၀၀ ရှိခဲ့ပြီး ဖြစ်သဖြင့် ယခုအခါ တစ်ကမ္ဘာလုံးတွင် အများပြည်သူပိုင် ဖြစ်သည်။ |