ကာဏမာတုဝတ္ထုဂါထာ
ပထမကျော်၊ သာသနဓဇသိရီပဝရ ဓမ္မာစရိယ ဒေါ်ဝိဇ္ဇေသီ၏ သရုပ်ပြဓမ္မပဒကျမ်း
၇-ကာဏမာတာဝတ္ထု
၈၂။ ယထာပိ ရဟဒေါ ဂမ္ဘီရော၊ ဝိပ္ပသန္နော အနာဝိလော။
ဧဝံ ဓမ္မာနိ သုတွာန၊ ဝိပ္ပသီဒန္တိ ပဏ္ဍိတာ။
ဤတရားဒေသနာတော်ကို ဘုရားရှင်သည် သာဝတ္ထိပြည် ဇေတဝန်ကျောင်းတော်၌ သီတင်းသုံးနေတော်မူစဉ် မြင်တိုင်းမြင်တိုင်းသော ရဟန်းတို့ကို ဆဲရေးနေသော သတို့သမီး၏ မိခင် သောတာပန် ကာဏမာတာကို အကြောင်းပြု၍ ဟောတော်မူသည်။
ဒေသနာတော်အဆုံး၌ များစွာသောပုဂ္ဂိုလ်တို့ သောတာပန်စသည် ဖြစ်ကြသည်။
အနက်
ဂမ္ဘီရော၊ နက်လှစွာသော။ ရဟဒေါ၊ သမုဒ္ဒရာသည်။ အနာဝိလော၊ နောက်ကျခြင်း မရှိသည်။ ဝိပ္ပသန္နော၊ အထူးကြည်လင်သည်။ ဟောတိ ယထာ၊ ဖြစ်သကဲ့သို့။ ဧဝံ၊ ထို့အတူ။ ပဏ္ဍိတာ၊ ပညာရှိတို့သည်။ ဓမ္မာနိ၊ ဘုရားရှင်ဟောကြားထားသော တရားတို့ကို။ သုတွာန၊ ကြားနာရ၍။ ဝိပ္ပသီဒန္တိ၊ အထူးကြည်လင်ကုန်၏။
စကားပြေ
နက်လှစွာသော သမုဒ္ဒရာသည် မနောက်ကျပဲ အထူးကြည်လင်သကဲ့သို့ ပညာရှိတို့သည် တရားတော်တို့ကို ကြားနာရ၍ ကြည်လင်ကုန်၏။
ရဟဒ —အရ အင်္ဂါလေးပါးရှိသော စစ်တပ်သက်ဆင်းသော်လည်း တုန်လှုပ်ချောက်ချားခြင်း မရှိသော ယူဇနာ ရှစ်သောင်းလေးထောင်နက်သော ညိုသော သမုဒ္ဒရာသည် ရဟဒမည်၏။
မှတ်ချက်— ယူဇနာ လေးသောင်းရှိသော အောက်အရပ်၌ ရေသည် ငါးတို့ကြောင့် လှုပ်ရှား၏။ ယူဇနာလေးသောင်းရှိသော အထက်ဆုံးအရပ်၌ ရေသည် လေကြောင့်လှုပ်ရှား၏။ ယူဇနာလေးထောင်ရှိသော အလယ်အရပ်၌ ရေသည် မလှုပ်မရှားတည်နေ၏။
ဧဝံ ဓမ္မာနိ၌ ဓမ္မ —အရ ဒေသနာဓမ္မရ၏။
ဝိပ္ပသီဒန္တိ ပဏ္ဍိတာ ဝယ်— ဝိပ္ပသန္နပုဂ္ဂိုလ်၊ ဧကန္တဝိပ္ပသန္နပုဂ္ဂိုလ်ဟု နှစ်မျိုးရှိရာတွင် သောတာပတ္တိမဂ်မှစ၍ အရဟတ္တမဂ်တိုင်အောင် ခုနစ်ယောက်သောပုဂ္ဂိုလ်သည် ဝိပ္ပသန္နပုဂ္ဂိုလ်မည်၏။ ရဟန္တာပုဂ္ဂိုလ်သည် ဧကန္တဝိပ္ပသန္နပုဂ္ဂိုလ် မည်၏။ သောတာပတ္တိမဂ်စသည်ကြောင့် ကိလေသာမရှိသည်ကို ကြည်လင်သည်ဟု ခေါ်သည်။
ပါဠိသဒ္ဒါခက်ဆစ်
ရဟဒေါ = ဟရတိ ဣတိ ရဟဒေါ။ ဟရ် + ဒ (ဟနှင့် ရ ရှေ့နောက်ပြန်)။
ဂမ္ဘီရော = ဂမု + ဂမနေ၊ ဤရော၊ ဘောန္တော စ။ ဂစ္ဆန္တာ ဘာယန္တိ အသိန္တိ ဂမ္ဘီရော။ ဂစ္ဆန္တ + ဘီ + ရ။
ဝိပ္ပသန္နော = ဝိပ္ပသီဒတိ ဣတိ ဝိပ္ပသန္နော။ ဝိ + ပ + သဒ် + တ။
အနာဝိလော = န အာဝိလော အနာဝိလော။ န + အာဝိလ။
အာဝိလ = အာဝိလတိ ဘိန္ဒတိ ဣတိ အာဝိလော။ အာ + ဝိလ + အ။ အဝတိ ရက္ခတိ ဣတိ အာဝိလော။ အဝ် + ဣလ။
ကာဏမာတာ ဝတ္ထု ပြီး၏။
အရှင်သုဇနာဘိဝံသ၏ ဓမ္မပဒဂါထာနိဿယ
၆-ပဏ္ဍိတဝဂ်
၇-ကာဏမာတုဝတ္ထုအဋ္ဌကထာဂါထာ
တတိယော စ စတုတ္ထော စ, ဣဒံ တေ ဗဗ္ဗုကာ ဗိလံ။
ယတ္ထ၊ အကြင်အရပ်၌။ ဧကော၊ တစ်ကောင်သော။ ဗဗ္ဗု၊ ကြောင်သည်။ (မူသိကံ ဝါ၊ ကြွက်ကိုသော်လည်းကောင်း။ မံသံ ဝါ၊ အသားကိုသော်လည်းကောင်း။) လဘတေ၊ ရ၏။ တတ္ထ၊ ထို အရပ်၌။ ဒုတိယော၊ ၂ကောင်မြောက်ကြောင်သည်လည်းကောင်း။ တတိယော စ၊ ၃ကောင်မြောက်ကြောင်သည်လည်းကောင်း။ စတုတ္ထော စ၊ ၄ကောင်မြောက်ကြောင်သည်လည်းကောင်း။ ဇာယတိ၊ ဖြစ်လာ၏။ တေ ဗဗ္ဗုကာ၊ ထိုကြောင်၄ ကောင်တို့သည်။ ဣဒံ ဗိလံ၊ ဤဖလ်ဖြင့်ပြုအပ်သော တွင်း (လိုဏ်) ကို။ (ဥရေန၊ ရင်ဖြင့်။ ပဟရိတွာ၊ ပုတ်ခတ်၍။ ဇီဝိတက္ခယံ၊ အသက်၏ ကုန်ခြင်းသို့။ ပတ္တာ၊ ရောက်ကုန်ပြီ။) (ဋ္ဌ-၁၃၇)
ကာဏမာတုဝတ္ထုပါဠိဂါထာ
ဧဝံ ဓမ္မာနိ သုတွာန, ဝိပ္ပသီဒန္တိ ပဏ္ဍိတာ။
ဂမ္ဘီရော၊ နက်သော။ ရဟဒေါ၊ သမုဒြာသည်။ ဝိပ္ပသန္နော၊ အထူးသဖြင့် ကြည်လင်သည်။ အနာဝိလော၊ မနောက်ကျုသည်။ ဟောတိ ယထာပိ၊ ဖြစ်သကဲ့သို့။ ဧဝံ၊ တူ။ ပဏ္ဍိတာ၊ ပညာရှိတို့ သည်။ ဓမ္မာနိ၊ တရားတို့ကို။ သုတွာန၊ ကြားနာရ၍။ ဝိပ္ပသီဒန္တိ၊ အထူးသဖြင့် ကြည်လင်ကုန်၏။ (ပါ-၈၂)
ကာဏမာတုဝတ္ထုဂါထာနိဿယပြီးပြီ။