ဒါရုသာကဋိကပုတ္တဝတ္ထုဂါထာ
၂၁-ပကိဏ္ဏကဝဂ်
၅-ဒါရုသာကဋိကပုတ္တဝတ္ထုပါဠိဂါထာ
ယေသံ ဒိဝါ စ ရတ္တော စ, နိစ္စံ ဗုဒ္ဓဂတာ သတိ။
ယေသံ၊ ရဟန်းရှင်လူ, အကြင်သူတို့၏။ ဝါ၊ မှာ။ ဒိဝါ စ၊ ဝေဟင်တက်ထွန်း, နေစက်ဝန်း၏, ရွှန်းရွှန်းလင်းထိန်, နေ့အချိန်၌လည်းကောင်း။ ရတ္တော စ၊ ရောင်ဝါ တက်ထွန်း, လပြည့်ဝန်း၏, ရွှန်းရွှန်းလင်းထိန်, ညဉ့်အချိန်၌လည်းကောင်း။ နိစ္စံ၊ နေ့ ရောညဉ့်ပါ, အမြဲသာလျှင်။ ဗုဒ္ဓဂတာ သတိ၊ ဘုရားဂုဏ်တော်, အာရုံပေါ်၌, ပုံဖော် ဖြန့်ဝေ, ဖြစ်ပွားနေငြား, သတိတရားသည်။ (အတ္ထိ၊ သဒ္ဓါပညာ, ခြံရံကာဖြင့်, မှန်စွာ ပုံသေ, ရှိ၍နေ၏။) ဂေါတမသာဝကာ၊ ဂေါတမနွယ်ဖွား, မြတ်ဘုရား၏, ဟောကြားဓမ္မ, ဩဝါဒကို, အားရပုံသေ, လိုက်နာနေကုန်သော။ (တေ၊ ဘုရားအာရုံ, ကောင်းစွာထုံ၍, တလုံလဲလဲ, မှီဝဲစွဲသုံး, စိတ်နှလုံးဖြင့်, ရွှင်ပြုံးကြည်လင်, ထိုသူတော်စင်တို့သည်။) သဒါနေ့ရောညဉ့်ပါ, အခါခပ်သိမ်းသာလျှင်။ သုပ္ပဗုဒ္ဓံ၊ ကျက်သရေမင်္ဂလာ, စဉ်မကွာဘဲ, ယဉ်စွာပွားတိုး,ကောင်းစွာနိုးကြားသည်မည်လောက်အောင်။ ပဗုဇ္ဈန္တိ၊ ကိုယ်စိတ်လန်း ဖြာ, စန်းပမာသို့, ချမ်းသာအေးမြ,ဘေးမခဘဲ,နိစ္စဖြိုးဝေ,နိုးကြားလေကုန်သတည်း။ (ပါ-၂၉၆) [သုပ္ပဗုဒ္ဓံ ပဗုဇ္ဈန္တီတိ ပကတိနိဒ္ဒတော ဝါ ကိလေသနိဒ္ဒတော ဝါ သုဇာဂရံ ဇာဂရန္တိ။ ဓမ္မဋီ။]
ယေသံ ဒိဝါ စ ရတ္တော စ, နိစ္စံ ဓမ္မဂတာ သတိ။
“ဓမ္မဂတာ သတိ၊ တရားဂုဏ်တော်...သည်”ဟုလည်းကောင်း, “ဘုရား အာရုံ”နေရာ၌ “တရားအာရုံ”ဟုလည်းကောင်း ပြောင်းဆိုပါ။ (ပါ-၂၉၇)
ယေသံ ဒိဝါ စ ရတ္တော စ, နိစ္စံ သံဃဂတာ သတိ။
“သံဃဂတာ သတိ၊ သံဃာ့ဂုဏ်တော်...သည်” ဟုလည်းကောင်း, “ဘုရား အာရုံ” နေရာ၌ “သံဃာ့အာရုံ”ဟုလည်းကောင်း ပြောင်းဆိုပါ။ (ပါ-၂၉၈)
ယေသံ ဒိဝါ စ ရတ္တော စ, နိစ္စံ ကာယဂတာ သတိ။
“ကာယဂတာ သတိ၊ အပုပ်မှန်စွာ, ရုပ်ခန္ဓာ၌, ဒွတ္တိံသာကာရ, စရှိခြင်းရာ, အဖြာဖြာဖြင့်, ရှုကာဖြစ်ပွား, သတိတရားသည်”ဟုလည်းကောင်း, “တေ၊ ကာယဂတာ, ဘာဝနာအာရုံ, ကောင်းစွာထုံ၍”ဟုလည်းကောင်း ပြောင်းဆိုပါ။ (ပါ-၂၉၉)
ယေသံ ဒိဝါ စ ရတ္တော စ, အဟိံသာယ ရတော မနော။
“အဟိံသာယ၊ သတ္တဝါခပင်း, မညှဉ်းခြင်းဟု, စိတ်ရင်းဖြူစွာ, ကရုဏာပြု, ဘာဝနာအမှု၌။ ရတော၊ သမာဓိအဝါးဝ, အသားကျ၍, အားရရွှင်ပျော်, မွေ့လျော် တတ်သော။ မနော၊ ကရုဏာကမ္မဋ္ဌာန်း, ရပ်လုံးဖြန်း၍, ရွှင်လန်းပေတောင်း, စိတ်ဓာတ် ကောင်းသည်”ဟုလည်းကောင်း, “တေ၊ ကရုဏာကမ္မဋ္ဌာန်း, ရပ်လုံးဖြန်း၍, စိတ်စွမ်း တည်ဘိ, သမာဓိလောင်း, ထိုသူတော်ကောင်းတို့သည်”ဟုလည်းကောင်း ပြောင်းဆို ပါ။ (ပါ-၃၀၀)
ယေသံ ဒိဝါ စ ရတ္တော စ, ဘာဝနာယ ရတော မနော။
“ဘာဝနာယ၊ သတ္တဝါအများ, ကျိုးစီးပွားကို, လိုလားဖွေရှာ, မေတ္တာဘာဝနာ ၌။ ရတော၊ သော။ မနော၊ မေတ္တာကမ္မဋ္ဌာန်း... စိတ်ဓာတ်ကောင်းသည်။ ...တေ၊ မေတ္တာကမ္မဋ္ဌာန်း, ရပ်လုံးဖြန်း၍”ဟု ပြောင်းဆိုပါ။ (ပါ-၃၀၁)
ဒါရုသာကဋိကပုတ္တဝတ္ထုဂါထာနိဿယပြီးပြီ။