ဘဝဂ်မျှ ခက်ရသူ
ခက်ပွေသူ ခက်ရေးမို့
စက်မှေးလို့မပျော် ။
ခက်မှုကြောင့် ခက်သော်မော်ရယ်
ခက်ငွေဇော်ခိုင်ပန်း ။
ခက်သမျှ ခက်အပွေကို
ခက်နဘေတေးထပ်နှင့်ကမ်း ။
ဘဝဂ်မျှခက်ရသူမှာ
ခက်အပူထွေလျှမ်း ။
မြကြိုးလိမ်ခက်သန်းလို့
လက်ပန်းကျခက်ပုံ ။
ခက်သူမှာသက်ရှူ လွဲတာမို့
ခက်ပူပွဲထွေးလို့ရစ်ဆုံ ။
ခက်သမျှ အကြောင်းပုံကို
တစောင်းချုံ ခင်မကြောင့်
ရွှေရင်ဝခက်ဗျာပါ
စွဲငြိတောက်လာ ။
ခင့်အတွက်ရတက်ဖြာတယ်
အသက်ဟာသေလုပေါ့လေး ။
|
ဤလုပ်ဆောင်မှုသည် ဇန်နဝါရီ ၁၊ ၁၉၂၉ မတိုင်မီ ဖြန့်ချိခဲ့ပြီး ဖြစ်ပြီး ဖန်တီးသူ ကွယ်လွန်ခဲ့သည်မှာ အနည်းဆုံး နှစ် ၁၀၀ ရှိခဲ့ပြီး ဖြစ်သဖြင့် ယခုအခါ တစ်ကမ္ဘာလုံးတွင် အများပြည်သူပိုင် ဖြစ်သည်။ |