အနတ္တလက္ခဏဝတ္ထုဂါထာ
ပထမကျော်၊ သာသနဓဇသိရီပဝရ ဓမ္မာစရိယ ဒေါ်ဝိဇ္ဇေသီ၏ သရုပ်ပြဓမ္မပဒကျမ်း
၂၀-မဂ္ဂဝဂ်။ ၄-အနတ္တလက္ခဏဝတ္ထု
၂၇၉။ သဗ္ဗေ ဓမ္မာ အနတ္တာတိ၊ ယဒါ ပညာယ ပဿတိ။
အထ နိဗ္ဗိန္ဒတိ ဒုက္ခေ၊ ဧသ မဂ္ဂေါ ဝိသုဒ္ဓိယာ။
ဤတရားဒေသနာတော်ကို ဘုရားရှင်သည် သာဝတ္ထိပြည် ဇေတဝန်ကျောင်းတော်၌ သီတင်းသုံးနေတော်မူစဉ် အနတ္တလက္ခဏာကို ရှေးဘဝများက ရှုဆင်ခြင်ဖူးကုန်သော ရဟန်းများကို အကြောင်းပြု၍ ဟောတော်မူသည်။
ဒေသနာတော်အဆုံး၌ အနတ္တလက္ခဏာ ရှုဆင်ခြင်ဖူးသော ရဟန်းတို့ ရဟန္တာဖြစ်ကြသည်။
အနက်
ယဒါ၊ အကြင်အခါ၌။ သဗ္ဗေ၊ အလုံးစုံကုန်သော။ ဓမ္မာ၊ သဘောတရားတို့သည်။ အနတ္တာတိ၊ အတ္တမဟုတ်ကုန်ဟု။ ပညာယ၊ ဝိပဿနာပညာဖြင့်။ ပဿတိ၊ ရှုမြင်နိုင်၏။ အထ၊ ထိုအခါ၌။ ဒုက္ခေ၊ ခန္ဓာလွယ်ရခြင်းဒုက္ခ၌။ နိဗ္ဗိန္ဒတိ၊ ငြီးငွေ့၏။ ဧသ-ဧသော၊ ဤငြီးငွေ့ခြင်းသည်။ ဝိသုဒ္ဓိယာ၊ ကိလေသာစင်ကြယ်ရာ နိဗ္ဗာန်၏။ မဂ္ဂေါ၊ အကြောင်းတည်း။
စကားပြေ
အလုံးစုံသော သဘောတရားတို့သည် အတ္တမဟုတ်ကုန်ဟု ဝိပဿနာပညာဖြင့် ရှုမြင်သောအခါ ခန္ဓာလွယ်ရခြင်းဒုက္ခ၌ ငြီးငွေ့လာ၏။ ဤငြီးငွေ့ခြင်းသည် ကိလေသာစင်ကြယ်ရာ နိဗ္ဗာန်ရောက်ကြောင်းတည်း။
သဗ္ဗေ ဓမ္မာ အနတ္တာ ၌ ဓမ္မာ အရ လောကီ လောကုတ္တရာ ခန္ဓာငါးပါးရ၏။
အနတ္တ ဟူသည် မအိုစေသတည်း မသေစေသတည်း ဟု မိမိအလိုသို့လိုက်စေခြင်းငှာ မစွမ်းနိုင်သဖြင့် အတ္တမှ ဆိတ်သုဉ်း၏၊ အစိုးမရ အရှင်သခင်မဟုတ်ဟူသော သဘောပင်ဖြစ်သည်။
ပါဠိသဒ္ဒါခက်ဆစ်
အနတ္တာ = အတန္တိ သတတံ ဂစ္ဆန္တိ ယေနာတိ အတ္တာ။ အတ် + တ။ သံသာရဒုက္ခံ အတတိ သတ္တံ ဂစ္ဆတိ ပါပုဏာတိ အဓိဂစ္ဆတိ အတ္တာ။ အတ် + တံ။ နအတ္တာအနတ္တာ။ န + အတ္တ။
အနတ္တလက္ခဏဝတ္ထု ပြီး၏။
အရှင်သုဇနာဘိဝံသ၏ ဓမ္မပဒဂါထာနိဿယ
၂၀-မဂ္ဂဝဂ်
၄-အနတ္တလက္ခဏဝတ္ထုပါဠိဂါထာ
အထ နိဗ္ဗိန္ဒတိ ဒုက္ခေ, ဧသ မဂ္ဂေါ ဝိသုဒ္ဓိယာ။
သဗ္ဗေ၊ ကုန်သော။ ဓမ္မာ၊ တေဘူမကခန္ဓာငါးပါးတရားတို့သည်။ အနတ္တာ၊ အတ္တမဟုတ်ကုန်။၁ ဣတိ၊ သို့။ ယဒါ၊ ၌။ ပညာယ၊ ဖြင့်။ ပဿတိ၊ ၏။ အထ၊ ၌။ ဒုက္ခေ၊ ၌။ နိဗ္ဗိန္ဒတိ၊ ၏။ ဧသ၊ သည်။ ဝိသုဒ္ဓိယာ၊ ငှာ။ မဂ္ဂေါ၊ တည်း။ (ပါ-၂၇၉)
၁။သဗ္ဗေ ဓမ္မာ အနတ္တာ။ ။ နတ္ထိ ဧတေသံ အတ္တာ ကာရကဝေဒကသဘာဝေါ, သယံ ဝါ န အတ္တာတိ အနတ္တာ(နေတ္တိ၊ဋ္ဌ၊၄၅)၊ ရှေ့နည်းအလို အတ္တသဒ္ဒါ သဘာဝအနက်ဟောတည်း၊ “အနတ္တာ-တိတ္ထိတို့ကြံဆအပ်သော ပြုလုပ်ခံစားတတ်သော သဘောမရှိကုန်”ဟုပေး။
“သဗ္ဗေ ဓမ္မာ”ဟု ဟောခြင်းအကြောင်း။ ။ နိဗ္ဗာန်နှင့် စတုဘူမကတရားအားလုံးသည် အနတ္တဖြစ်သောကြောင့် “သဗ္ဗေ ဓမ္မာ”ဟု ဟောတော်မူသည်၊ ဤ၌ကား တေဘူမကတရားတို့ကို သာ ယူရ၏၊ ဘာကြောင့်နည်း? တေဘူမကတရားတို့သည် အနှစ်သာရမရှိခြင်း, အတ္တမှ ကင်း ဆိတ်ခြင်း, အတ္တ၏ဆန့်ကျင်ဘက်ဖြစ်ခြင်းအားဖြင့် အနတ္တဟု ရှုအပ်သောကြောင့်တည်း။ (ထေရ၊ဋ္ဌ၊၂၊၂၅၅)
အနတ္တလက္ခဏဝတ္ထုဂါထာနိဿယပြီးပြီ။