ဥဒါနဝတ္ထုဂါထာ
ပထမကျော်၊ သာသနဓဇသိရီပဝရ ဓမ္မာစရိယ ဒေါ်ဝိဇ္ဇေသီ၏ သရုပ်ပြဓမ္မပဒကျမ်း
၁၁ - ဇရာဝဂ်
၈ - ဥဒါနဝတ္ထု
၁၅၃။ အနေကဇာတိသံသာရံ၊ သန္ဓာဝိဿံ အနိဗ္ဗိသံ။
ဂဟကာရံ ဂဝေသန္တော၊ ဒုက္ခာ ဇာတိ ပုနပ္ပုနံ။
၁၅၄။ ဂဟကာရက ဒိဋ္ဌော အသိ၊ ပုန ဂေဟံ န ကာဟသိ။
သဗ္ဗာ တေ ဖာသုကာ ဘဂ္ဂါ၊ ဂဟကူဋံ ဝိသင်္ခတံ။
ဝိသင်္ခါရဂတံ စိတ္တံ၊ တဏှာနံ ခယမဇ္ဈဂါ။
ဤတရားဒေသနာတော်ကို ဘုရားရှင်သည် ဗောဓိပင်ရင်း၌ နေမဝင်မီ မာရ်နတ်ရန်ကို အောင်မြင်၍ ပထမယာမ်၌ ပုဗ္ဗေနိဝါသဉာဏ် မဇ္ဈိမယာမ်၌ ဒိဗ္ဗစက္ခုဉာဏ် ပစ္ဆိမယာမ်၌ သဗ္ဗညုတဉာဏ်ကို ထိုးထွင်း၍သိမြင်တော်မူချိန် ကျူးရင့်တော်မူ၍ နောင်အခါ အရှင်အာနန္ဒာ၏ မေးလျှောက်ချက်အရ ဟောကြားတော်မူသည်။
အနက်
ပုနပ္ပုနံ၊ အဖန်ဖန်။ ဇာတိ၊ ပဋိသန္ဓေနေရခြင်းသည်။ ဒုက္ခာ၊ ဆင်းရဲလှ၏။ ဂဟကာရံ၊ ခန္ဓာအိမ်ဆောက်လုပ်သူကို။ ဂဝေသန္တော၊ ရှာသော။ အနိဗ္ဗိသံ၊ တဏှာလက်သမားကို မြင်နိုင်သောဉာဏ်ကို မရသေးသော။ အဟံ၊ ငါသည်။ အနေကဇာတိသံသာရံ၊ ဘဝများစွာသံသရာပတ်လုံး။ သန္ဓာဝိဿံ၊ ကျင်လည်ခဲ့ရပေပြီ။ ဂဟကာရက၊ ခန္ဓာအိမ်ကို အကြိမ်ကြိမ်ဆောက်လုပ်သော တဏှာယောက်ျား ဟဲ့လက်သမား။ မယာ၊ ငါသည်။ တုံ၊ သင်ကို။ ဒိဋ္ဌော၊ ပညာမျက်စိဖြင့်မြင်သည်။ အသိ၊ ဖြစ်ပြီ။ ဂေဟံ၊ ခန္ဓာအိမ်ကို။ ပုန၊ တဖန်။ န ကာဟသိ၊ သင်ဆောက်ရမည်မဟုတ်။ တေ၊ သင်သည်။ သဗ္ဗာ၊ အလုံးစုံသော။ ဖာသုကာ၊ ကိလေသာတည်းဟူသော အခြင်ရနယ်တို့ကို။ ဘဂ္ဂါ၊ ချိုးဖျက်အပ်ပြီ။ ဂဟကူဋံ၊ အဝိဇ္ဇာတည်းဟူသောအထွတ်ကို။ ဝိသင်္ခတံ၊ ဖျက်ဆီးအပ်ပြီ။ မမ၊ ငါ၏။ စိတ္တံ၊ စိတ်သည်။ ဝိသင်္ခါရဂတံ၊ ပြုပြင်ခြင်းကင်းရာနိဗ္ဗာန်သို့ ရောက်ပြီ။ တဏှာနံ၊ တဏှာတို့၏။ ခယံ၊ ကုန်ရာအရဟတ္တဖိုလ်ကို။ အဇ္ဈဂါ၊ ရပြီ။
စကားပြေ
ဤခန္ဓာကိုယ်ဆောက်လုပ်သော တဏှာယောက်ျား လက်သမားကိုရှာစဉ် ယင်းကိုမြင်နိုင်သော ဉာဏ်မရသေးခင် အဖန်ဖန် ပဋိသန္ဓေနေရခြင်းတည်းဟူသော ဘဝများစွာသံသရာ၌ ကျင်လည်ရခြင်းသည် ဆင်းရဲလှ၏။ တဏှာကို ငါသိသဖြင့် နောက်တဖန် ခန္ဓာအိမ်ကို မပြုရတော့အံ့။ အလုံးစုံသော ကိလေသာအခြင် အဝိဇ္ဇာဟူသောအိမ်အထွတ်ကို ဖျက်ဆီးပြီးလျှင် ငါ၏စိတ်သည် ပြုပြင်ခြင်းကင်းရာ နိဗ္ဗာန်သို့ ရောက်သည်ဖြစ်၍ တဏှာကုန်ရာအရဟတ္တဖိုလ်ကို ရပြီ။
အနေကဇာတိသံသာရံ— ၌ ဇာတိ တသိန်းသော ဘဝရ၏။
ဂဟကာရ— ခန္ဓာဆောက်လုပ်သူ တဏှာလက်သမား ရှ၏။
ဂေဟ— ခန္ဓာအိမ် ရှ၏။
ဖာသုကာ— တဏှာမှကြွင်းသော ကိလေသာ ရ၏။
ဂဟကူဋ— အဝိဇ္ဇာရှ၏။
ဝိသင်္ခါရ— နိဗ္ဗာန်ရ၏။
ဒိဋ္ဌော— သဗ္ဗညုတဉာဏ်ဖြင့် ထိုးသွင်း၍သိပြီ။
ခယ— အရဟတ္တမဂ်ရ၏။
ပါဠိသဒ္ဒါခက်ဆစ်
အနေကဇာတိသံသာရံ— အနေကာ ဇာတိ အနေကဇာတိ။ အနေက + ဇာတိ။ ဇာတိ သံသာရော အနေကဇာတိသံသာရော။
အနိဗ္ဗိသန္တော— န + နိဗ္ဗိသံ = နိ + ဝိသ် + အန္တော။
ဖာသုကာ— ပါ… ရုက္ခဏေ၊ သု၊ သကတ္ထေ ကော၊ ပဿ ဖော။
ဂဟကူဋံ— ဂဟဿ ကူဋံ ဂဟကူဋံ။ ဂဟ + ကူဋ။
ဝိသင်္ခါရဂတံ— ဝိသင်္ခါရံ (နိဗ္ဗာနံ) ဂတံ ဝိသင်္ခါရဂတံ။ ဝိသင်္ခါရ + ဂတံ။
ဥဒါနဝတ္ထု ပြီး၏။
အရှင်သုဇနာဘိဝံသ၏ ဓမ္မပဒဂါထာနိဿယ
၁၁-ဇရာဝဂ်
၈-ဥဒါနဝတ္ထုပါဠိဂါထာ
ဂဟကာရံ ဂဝေသန္တော, ဒုက္ခာ ဇာတိ ပုနပ္ပုနံ။
(ယသ္မာ၊ အကြင်ကြောင့်။) ဇာတိ၊ ပဋိသန္ဓေနေရခြင်းသည်။ (ဇရာဗျာဓိမရဏမိဿိတာယ၊ အိုနာသေရေး, ဒုက္ခဘေးတို့နှင့်, ရောထွေး၍ နေသည်၏အဖြစ်ကြောင့်။) ပုနပ္ပုနံ၊ အဖန်ဖန်အထပ်။ (ဥပဂန္တုံ၊ ကပ်ရောက်ခြင်းငှာ။) ဒုက္ခာ၊ ဆင်းရဲလှချေ၏။ (တသ္မာ စ၊ ထို့ကြောင့်လည်းကောင်း။ တသ္မိံ၊ ထိုတဏှာယောက်ျား, လက်သမားကို။ အဒိဋ္ဌေ၊ ဉာဏ်ဖြင့်ထင်ထင်, မတွေ့မြင်အပ်သေးသည်ရှိသော်။ သာ ဇာတိ၊ ထိုဇာတိ သည်။ န နိဝတ္တတိ၊ ဆုတ်နစ်မည်မဟုတ်။ တသ္မာ စ၊ ထိုကြောင့်လည်းကောင်း။) ဂဟကာရံ၊ ခန္ဓာအိမ်ကို, အကြိမ်ကြိမ်အဖန်ဖန်, စီမံတတ်သော, တဏှာယောက်ျား, လက် သမားကို။ ဂဝေသန္တော၊ မရမနေ, ရှာဖွေသော။ (အဟံ၊ သည်။) အနိဗ္ဗိသံ၊ တဏှာမြင်ရန်, သဗ္ဗညာဏ်ကို, ဧကန်ပိုင်ပိုင်, မရနိုင်သေးသည်။ (ဟုတွာ၊ ဖြစ်၍။ ဝါ၊ ဖြစ်ခြင်းကြောင့်။ ဧတ္တကံ ကာလံ၊ ဤမျှလောက်သော လေးအသင်္ချေနှင့် ကမ္ဘာတစ်သိန်းကာလပတ်လုံး။) အနေကဇာတိသံသာရံ၊ အသိန်းမက, ဘဝများစွာ, သံသရာစက်ဝိုင်းကို။ သန္ဓာဝိဿံ၊ ဆုံဝယ်တပ်နွား, ရဟတ်ခြားသို့, ပြေးသွားကျင်လည်ခဲ့ရလေပြီ။၁ (ပါ-၁၅၃)
၁။သန္ဓာဝိဿံ။ ။ သံ+ဓာဝု+ဣံ၊ ဂါထာယ မတီတတ္ထေ ဣမိဿံ(နီတိ-၁၁၀၃)သုတ်ဖြင့် ဣံဝိဘတ်ကို ဣဿံပြု၊ ရူ-၂၈၁၌ အတိတ်ကို အနာဂတ်အနေဖြင့် ဆိုလိုသောကြောင့် အနာဂတေ ဘဝိဿန္တိသုတ်(ဝိဗော၌ “ဘဝိဿန္တိ”ဟူသော ယောဂဝိဘာဂ)ဖြင့် အတိတ်အနက်၌ ဿံဝိဘတ် သက်သည်၊ မောဂ်.နိ၊၂၊၃၀၂၊ နိဒီ-၃၇၉၌လည်း ဤနည်းတူပင် ဆို၏။
သဗ္ဗာ တေ ဖာသုကာ ဘဂ္ဂါ, ဂဟကူဋံ ဝိသင်္ခတံ၊
ဝိသင်္ခါရဂတံ စိတ္တံ, တဏှာနံ ခယမဇ္ဈဂါ။
ဂဟကာရက၊ ခန္ဓာအိမ်ကို, အကြိမ်ကြိမ်အဖန်ဖန်, စီမံတတ်သော, တဏှာ ယောက်ျား, ဟဲ့...လက်သမား! (ဒါနိ၊ သဗ္ဗညုတဉာဏ်ကို ရပြီးရာ, ယခုအခါ၌။ တွံ၊ သင်သည်။ ဝါ၊ သင့်ကို။) ဒိဋ္ဌော၊ ဉာဏ်ဖြင့်ထင်ထင်, တွေ့မြင်အပ်ပြီးသည်။ အသိ၊ ဖြစ်၏။ ပုန၊ တစ်ဖန်။ ဂေဟံ၊ ခန္ဓာအိမ်ကို။ န ကာဟသိ၊ ပြုလုပ်ရတော့မည်မဟုတ်။ တေ၊ သင်၏။ သဗ္ဗာ၊ ကြွင်းမဲ့ဥဿုံ, အလုံးစုံကုန်သော။ ဖာသုကာ၊ ကိလေသာအခြင် ရနယ်တို့ကို။ [ပါတဗ္ဗာ ရက္ခိတဗ္ဗာတိ ဖာသု, ပကာရဿ ဖကာရံ ကတွာ၊ ဖုသိတဗ္ဗာတိ ဝါ ဖာသု၊ သာယေဝ ဖာသုကာ။ သီဋီသစ်၊၁၊၈၆။] ဘဂ္ဂါ၊ မှုန့်မှုန့်ညက်ညက်, ချိုးဖျက်အပ်ကုန်ပြီ။ ဂဟကူဋံ၊ ခန္ဓာအိမ်၏ အဝိဇ္ဇာအထွတ်ကို။ ဝိသင်္ခတံ၊ ဖျက်ဆီးအပ်ပြီ။ စိတ္တံ၊ ငါ၏စိတ် သည်။ ဝိသင်္ခါရဂတံ၊ သင်္ခါရကင်းမြုံ, နိဗ္ဗာန်ဘုံသို့, အာရုံပြုသောအားဖြင့် ရောက်ပြီ။ (အဟဉ္စ၊ ငါသည်လည်း။) တဏှာနံ၊ သင်တဏှာတို့၏။ ခယံ၊ ကုန်ကြောင်းဖြစ်သော အရဟတ္တမဂ်, အရဟတ္တဖိုလ်ကို။ အဇ္ဈဂါ၊ ရပြီ။ (တစ်နည်း) ဝိသင်္ခါရဂတံ၊ သော။ စိတ္တံ၊ သည်။ တဏှာနံ၊ တို့၏။ ခယံ၊ ကို။ အဇ္ဈဂါ၊ ပြီ။၁ (ပါ-၁၅၄)
၁။ ခယမဇ္ဈဂါ။ ။ ခယသင်္ခါတံ အရဟတ္တမဂ္ဂံ, အရဟတ္တဖလံ ဝါ(သာရတ္ထ၊၁၊၆၅)၊ “ခီယန္တိ တဏှာယော ဧတေနာတိ ခယော”ဟုပြု၊ “အဟံ”ဟု ကတ္တားထည့်သော ရှေ့နည်းအလို အဇ္ဈဂါ၌ အဓိပုဗ္ဗ ဂမုဓာတ်နောင် အဇ္ဇတနီဣံဝိဘတ်, သို့မဟုတ် အံဝိဘတ်ကို အဇ္ဇတနိယမာတ္တ- မိံ ဝါ အံ ဝါ(နီတိ-၁၁၀၄)သုတ်ဖြင့် အာပြု၊ ကွစိဓာတုသုတ်ကြီးဖြင့် ဂမ်ကို ဂါပြု။ နောက်နည်း ကား စိတ္တံကို အဇ္ဈဂါ၏ ကတ္တားဟုယူသော ဂဏ္ဌိပုဒ်၏ အလိုတည်း၊ ဂမုကို ဂါပြု, ဤဝိဘတ်ချေ (သာရတ္ထ၊၁၊၆၅၊ ရူ-၂၈၀)၊ သီ၊ဋီ၊သစ်၊၁၊၈၆၌ ပရောက္ခာဝိဘတ်ဟု ဆို၏၊ ထိုအဆိုကို ဆရာတို့ နှစ်သက်တော်မမူ။
ဥဒါနဝတ္ထုဂါထာနိဿယပြီးပြီ။