ဥပကာဇီဝကဝတ္ထုဂါထာ
ပထမကျော်၊ သာသနဓဇသိရီပဝရ ဓမ္မာစရိယ ဒေါ်ဝိဇ္ဇေသီ၏ သရုပ်ပြဓမ္မပဒကျမ်း
၂၄-တဏှာဝဂ်။ ၉-ဥပကာဇီဝကဝတ္ထု
၃၅၃။ သဗ္ဗာဘိဘူ သဗ္ဗဝိဒူဟမသ္မိ၊ သဗ္ဗေသု ဓမ္မေသု အနူပလိတ္တော။
သဗ္ဗဉ္ဇဟော တဏှက္ခယေ ဝိမုတ္တော၊ သယံ အဘိညာယ ကမုဒ္ဒိသေယျံ။
ဤတရားဒေသနာတော်ကို ဘုရားရှင်သည် မိဂဒါဝုန်တောနှင့် ဗာရာဏသီပြည်အကြား ခရီးလမ်း၌ ဥပကမည်သော တက္ကတွန်းကို အကြောင်းပြု၍ ဟောတော်မူသည်။
ဒေသနာတော်အဆုံး၌ ဥပကသည် ဘုရားရှင်၏စကားကို နှစ်သက်ခြင်းလည်း မရှိ၊ ဆန့်ကျင်ခြင်းလည်း မပြုပဲ ခေါင်းကိုညိတ်ပြီး လျှာကိုထုတ်ပြီး ထွက်သွား၏။
အနက်
အဟံ၊ ငါသည်။ သဗ္ဗာဘိဘူ၊ အလုံးစုံသော တေဘူမကတရားကို နှိမ်နင်းသည်။ သဗ္ဗဝိဒူ၊ အလုံးစုံသော စတုဘူမက တရားသဘောကို သိသည်။ အသ္မိ၊ ဖြစ်၏။ သဗ္ဗေသု ဓမ္မေသု၊ အလုံးစုံသော တေဘူမက တရားတို့၌။ အနူပလိတ္တော၊ ကပ်ငြိတွယ်တာခြင်း မရှိသည်။ အသ္မိ၊ ဖြစ်၏။ သဗ္ဗဉ္ဇဟော၊ အလုံးစုံသော တေဘူမကတရားတို့ကို စွန့်လျက်။ ဌိတော၊ တည်၏။ တဏှက္ခယေ၊ တဏှာကုန်ခန်းရာ အရဟတ္တဖိုလ်၌။ ဝိမုတ္တော၊ ကိလေသာမှ လွတ်၏။ သယံ၊ ကိုယ်တိုင်။ အဘိညာယ၊ ထူးသော ဉာဏ်ဖြင့် သိ၍။ ကံ၊ အဘယ်သူကို။ ဥဒ္ဒိသေယျံ၊ ဆရာဟူ၍ ညွှန်ပြအံ့နည်း။
စကားပြေ
ငါသည် အလုံးစုံသော တေဘူမကတရားတို့ကို နှိမ်နင်း၍ အလုံးစုံသော စတုဘူမကတရားတို့ကို သိ၏။ အလုံးစုံသော တေဘူမက တရားတို့၌ ကပ်ငြိတွယ်တာခြင်း မရှိ၊ ထိုတရားတို့ကို စွန့်လျက်တည်၏။ တဏှာကုန်ခန်းရာ အရဟတ္တဖိုလ်၌ ကိလေသာမှ လွတ်သည်ဖြစ်၍ ကိုယ်တိုင် ထူးသော ဉာဏ်ဖြင့် သိ၍ အဘယ်သူကို ဆရာဟု ညွှန်ပြအံ့နည်း။
သဗ္ဗာဘိဘူ—၌ သဗ္ဗ-အရ တေဘူမကတရား။
သဗ္ဗဝိဒူ—၌ သဗ္ဗ-အရ စတုဘူမကတရား ရ၏။
သဗ္ဗေသု ဓမ္မေသု—၌ သဗ္ဗ-အရ တေဘူမကတရား ရ၏။
သဗ္ဗဉ္ဇဟော—၌ သဗ္ဗ-အရ တေဘူမကတရား ရ၏။
တဏှက္ခယေ—အရ အရဟတ္တဖိုလ် ရ၏။
ပါဠိစကားလုံး ဖွဲ့စည်းပုံ
သဗ္ဗာဘိဘူ = သဗ္ဗေ အဘိဘဝတီတိ သဗ္ဗာဘိဘူ။ သဗ္ဗ+အဘိ+ဘူ+ကွိ။
သဗ္ဗဝိဒူ = သဗ္ဗေ ဝိဒတိ ဇာနာတီတိ သဗ္ဗဝိဒူ။ သဗ္ဗ+ဝိဒ်+ရူ။
သဗ္ဗဉ္ဇဟော = သဗ္ဗံ ဇဟတီတိ သဗ္ဗဉ္ဇဟော။ သဗ္ဗ+ဟာ+ဏ။
ဥပကာဇီဝကဝတ္ထုပြီး၏။
အရှင်သုဇနာဘိဝံသ၏ ဓမ္မပဒဂါထာနိဿယ
၂၄-တဏှာဝဂ်
၉-ဥပကာဇီဝကဝတ္ထုပါဠိဂါထာ
သဗ္ဗဉ္ဇဟော တဏှက္ခယေ ဝိမုတ္တော, သယံ အဘိညာယ က မုဒ္ဒိသေယျံ။
(ဥပက၊ ဥပက!) အဟံ၊ ငါသည်။ သဗ္ဗာဘိဘူ၊ အလုံးစုံသော တေဘူမက တရားတို့ကို လွှမ်းမိုးတော်မူနိုင်သည်။ သဗ္ဗဝိဒူ၊ သဗ္ဗညုတဉာဏ်ဖြင့် အလုံးစုံသော စတုဘူမကတရားတို့ကို သိတော်မူပြီးသည်။ [သဗ္ဗညုတညာဏေန အဝေဒိံ၊ မ၊ဋီ၊၂၊၁၄၁။] သဗ္ဗေသု၊ အလုံးစုံကုန်သော။ ဓမ္မေသု၊ တေဘူမကတရားတို့၌။ အနုပလိတ္တော၊ တဏှာ ဒိဋ္ဌိတို့သည် လိမ်းကျံတော်မမူအပ်သည်။ သဗ္ဗဉ္ဇဟော၊ အလုံးစုံသော တေဘူမကတရား တို့ကို စွန့်လွှတ်တော်မူပြီးသည်။၁ တဏှက္ခယေ၊ တဏှာ၏ကုန်ရာ အရဟတ္တဖိုလ်၌။ (အရဟတ္တဖိုလ်တုန်းကထဲက)။ ဝိမုတ္တော၊ လွတ်မြောက်ပြီးသည်။ (တစ်နည်း) တဏှက္ခယေ၊ တဏှာ၏ကုန်ရာ နိဗ္ဗာန်၌။ ဝိမုတ္တော၊ အာရုံပြုသောအားဖြင့် လွတ်လွတ်ကျွတ် ကျွတ် သက်ဝင်တော်မူပြီးသည်။ [ရှေ့ ဓမ္မ၊ဋ္ဌ၊ နောက် ဝိ၊ဋ္ဌ၊၃၊၂၄၅။ မ၊ဋ္ဌ၊၂၊၉၄။] အသ္မိ၊ ဖြစ်၏။ သယံ၊ ကိုယ်တိုင်။ အဘိညာယ၊ အလုံးစုံသော စတုဘူမကတရားတို့ကို သိ၍။ ဝါ၊ သိခြင်းကြောင့်။ ကံ၊ အဘယ်ပုဂ္ဂိုလ်ကို။ ဥဒ္ဒိသေယျံ၊ ဤသူကား ငါ့ဆရာဟု ညွှန်ပြရ ပါတော့အံ့နည်း။ (ပါ-၃၅၃)
၁။သဗ္ဗဉ္ဇဟော။ ။ သဗ္ဗေ+ဇဟိံတိ သဗ္ဗဉ္ဇဟော၊ ဆန်းကြောင့် ဗ္ဗ၌ နိဂ္ဂဟိတ်လာ၊ ကု သိုလ်နှင့် အဗျာကတတရားသည် အပ္ပဟာတဗ္ဗတရားဖြစ်သော်လည်း ထိုကုသိုလ်အဗျာကတနှင့် စပ်သော ကိလေသာတို့ကို ပယ်လိုက်လျှင် ကုသိုလ်အဗျာကတလည်း ဖြစ်ခွင့်မရတော့သော ကြောင့် ကုသိုလ်အဗျာကတကိုလည်း ပယ်ရာရောက်၏။ (သာရတ္ထ၊၃၊၁၆၄၊ မ၊ဋီ၊၂၊၁၄၁)
ဥပကာဇီဝကဝတ္ထုဂါထာနိဿယပြီးပြီ။