နဋပုတ္တကတ္ထေရဝတ္ထုဂါထာ
ပထမကျော်၊ သာသနဓဇသိရီပဝရ ဓမ္မာစရိယ ဒေါ်ဝိဇ္ဇေသီ၏ သရုပ်ပြဓမ္မပဒကျမ်း
၂၆-ဗြာဟ္မဏဝဂ်။ ၃၅-နဋပုတ္တကတ္ထေရဝတ္ထု
၄၁၈။ ဟိတွာ မာနုသကံ ယောဂံ၊ ဒိဗ္ဗံ ယောဂံ ဥပစ္စဂါ။
သဗ္ဗယောဂဝိသံယုတ္တံ၊ တမဟံ ဗြူမိ ဗြာဟ္မဏံ။
ဤတရားဒေသနာတော်ကို ဘုရားရှင်သည် ရာဇဂြိုဟ်ပြည်အနီး ဝေဠုဝန်ကျောင်းတော်၌ သီတင်းသုံးနေတော်မူစဉ် ဘုရားရှင်၏တရားကို နာ၍ ရဟန်းပြုပြီးလျှင် ရဟန္တာဖြစ်သွားသော သဘင်သည်၏သား နဋပုတ္တကထေရ်ကို အကြောင်းပြု၍ ဟောတော်မူသည်။
ဒေသနာတော်အဆုံး၌ များစွာသော ပုဂ္ဂိုလ်တို့ သောတာပန် စသည် ဖြစ်ကြသည်။
အနက်
ယော၊ အကြင်ပုဂ္ဂိုလ်သည်။ မာနုသကံ၊ လူ၌ဖြစ်သော။ ယောဂံ၊ အစီးအပွားကို။ ဟိတွာ၊ ပယ်စွန့်၍။ ဒိဗ္ဗံ၊ နတ်၌ဖြစ်သော။ ယောဂံ၊ အစီးအပွားကို။ ဥပစ္စဂါ၊ လွန်မြောက်၏။ သဗ္ဗယောဂဝိသံယုတ္တံ၊ အလုံးစုံသော စီးပွားနှင့် မယှဉ်သော။ တံ၊ ထိုပုဂ္ဂိုလ်ကို။ ဗြာဟ္မဏံ၊ ဗြာဟ္မဏဟု။ အဟံ၊ ငါဘုရားသည်။ ဗြူမိ၊ ဟော၏။
စကားပြေ
လူ၏ စီးပွားရေးစည်းစိမ်၊ နတ်၏ စီးပွားရေးစည်းစိမ်တို့ကို လွန်မြောက်ကာ စည်းစိမ်တို့နှင့် မယှဉ်သောသူကို ဗြာဟ္မဏဟု ငါဘုရားဟော၏။
ဟိတွာ မာနုသကံ ယောဂံ−၌ ယောဂ−အရ လူ၌ဖြစ်သော အသက်၊ ကာမဂုဏ်ငါးပါး။
ဒိဗ္ဗံယောဂံ−၌ ယောဂ−အရ နတ်၌ဖြစ်သော အသက်၊ ကာမဂုဏ်ငါးပါး။
ပါဠိစကားလုံး ဖွဲ့စည်းပုံ
မာနုသကံ=မာနုသေ ဘဝါ မာနုသကာ။ မာနုသ+ကဏ်။
ဒိဗ္ဗံ=ဒိဝိ ဘဝါ ဒိဗ္ဗာ။ ဒိဝ+ဏ။
နဋပုတ္တကတ္ထေရဝတ္ထု ပြီး၏။
အရှင်သုဇနာဘိဝံသ၏ ဓမ္မပဒဂါထာနိဿယ
၂၆-ဗြာဟ္မဏဝဂ်
၃၅-နဋပုတ္တကတ္ထေရဝတ္ထုပါဠိဂါထာ
သဗ္ဗယောဂဝိသံယုတ္တံ, တမဟံ ဗြူမိ ဗြာဟ္မဏံ။
(ယော၊ သည်။) မာနုသံ၊ လူ၌ဖြစ်သော။ ဝါ၊ လူတို့၏ ဥစ္စာဖြစ်သော။ ယောဂံ၊ အားထုတ်ကြောင်း အသက်နှင့် ကာမဂုဏ်ငါးပါးကို။၂ ဟိတွာ၊ ပယ်စွန့်၍။ ဒိဗ္ဗံ၊ နတ်၌ ဖြစ်သော။ ဝါ၊ နတ်တို့၏ ဥစ္စာဖြစ်သော။ ယောဂံ၊ အားထုတ်ကြောင်း အသက်နှင့် ကာမဂုဏ်ငါးပါးကို။ ဥပစ္စဂါ၊ လွန်မြောက်ပြီ။ သဗ္ဗယောဂဝိသံယုတ္တံ၊ ဆိုအပ်ခဲ့သော, ယောဂအားလုံးတို့နှင့်, မယှဉ်သော။ တံ အဟံ ဗြာဟ္မဏံ ဗြူမိ။ (ပါ-၄၁၇)
၂။ ယောဂံ။ ။ ဓမ္မ.ဋ္ဌနှင့် သုတ္တနိ၊ဋ္ဌ၊၂၊၁၉၁၌ ယောဂအရ အသက်နှင့် ကာမဂုဏ် ငါးပါးကို ယူ၍ မ၊ဋ္ဌ၊၃၊၂၂၉၌ ကာမဂုဏ်ငါးပါးကိုသာ ယူ၏၊ မ၊ဋီ၊၃၊၂၀၂၌ ကာမဘဝနှင့် ကာမဂုဏ်ငါးပါးကို ယူရန် “ယေန ကာမဘဝေန မာနုသကေဟိ ပဉ္စဟိ ကာမဂုဏေဟိ ယုဉ္ဇတိ၊ တံ မာနုသကံ ယောဂံ”ဟု ဖွင့်၏၊ ထို့ပြင် ယောဂအရ ကာမဘဝနှင့် ကာမဂုဏ်ငါးပါးရသော်လည်း အဋ္ဌကထာ၌ ကာမဂုဏ်ငါးကိုသာ ယူခြင်းမှာ တစ်စိတ်တစ်ဒေသကို ယူ၍ ဆိုထားသည်ဟုလည်း ဖွင့်၏၊ ထိုဋီကာဖွင့်ကြည့်၍ “ယုဉ္ဇတိ ဧတေနာတိ ယောဂေါ”ဟု ပြုပါ။ [သဗ္ဗယောဂဝိသံယုတ္တံ၌ ယောဂအရလည်း ဤယောဂများကိုပင်ယူ၊-မ၊ဋ္ဌ၊၃၊၃၀၀၊ မ၊ဋီ၊၃၊၂၀၂။]
နဋပုတ္တကတ္ထေရဝတ္ထုဂါထာနိဿယပြီးပြီ။