နယုန်လဘွဲ့ တေးထပ်
လနယုန် မေထုန်အကျ
ကြယ်ဇေဋ္ဌယှဉ်လာ၊
ခြောက်လုံးနှင့် သုံးဒါဒ်ဖြာသည်။
ဆစမ္မာ ညဉ့်တွင်း
ဇောတြိ နေ့နာရီမှာ
ဉာဏ်ဇာနည် မျိုးမှန်ကလင်း။
မြတ်လေးပွင့် ငွေစပယ်ငယ်
ရှစ်ရပ်နယ် ပျံသင်း။
ရိပ်ဆာယာ ဧက်ကြွင်းမို့
မြတ်ရှင်ရင်း သံဃာ။
သုဓမ္မာ သာလာယမှာတဲ့
မေးဖြေကြ သူ့ထက်ငါသာ။
သည်တော့မှ မြညှာငယ်
ရွှေဖူးစာ ခိုင်ခိုင်မြဲရအောင်
စာပွဲတော် သည်သဘင်
ရှိဦးပန်ဆင်။
နတ်မာဃ သေနင်ငယ်
ပြင်ဆင်တော် မူမြဲထင့်လေး။
|
ဤလုပ်ဆောင်မှုသည် ဇန်နဝါရီ ၁၊ ၁၉၂၉ မတိုင်မီ ဖြန့်ချိခဲ့ပြီး ဖြစ်ပြီး ဖန်တီးသူ ကွယ်လွန်ခဲ့သည်မှာ အနည်းဆုံး နှစ် ၁၀၀ ရှိခဲ့ပြီး ဖြစ်သဖြင့် ယခုအခါ တစ်ကမ္ဘာလုံးတွင် အများပြည်သူပိုင် ဖြစ်သည်။ |