ပိလိန္ဒဝစ္ဆတ္ထေရဝတ္ထုဂါထာ
ပထမကျော်၊ သာသနဓဇသိရီပဝရ ဓမ္မာစရိယ ဒေါ်ဝိဇ္ဇေသီ၏ သရုပ်ပြဓမ္မပဒကျမ်း
၂၆-ဗြာဟ္မဏဝဂ်။ ၂၅-ပိလိန္ဒဝစ္ဆတ္ထေရဝတ္ထု
၄၀၈။ အကက္ကသံ ဝိညာပနိံ၊ ဂိရံ သစ္စမုဒီရယေ။
ယာယ နာဘိသဇေ ကဉ္စိ၊ တမဟံ ဗြူမိ ဗြာဟ္မဏံ။
ဤတရားဒေသနာတော်ကို ဘုရားရှင်သည် ရာဇဂြိုဟ်ပြည်အနီး ဝေဠုဝန်ကျောင်းတော်၌ သီတင်းသုံးနေတော်မူစဉ် ဘဝပေါင်းများစွာ တပါးသူအား သူယုတ်ဟု ခေါ်သော ဝါသနာရှိသဖြင့် ရဟန္တာအဖြစ်သို့ ရောက်သော်လည်း သူယုတ်ဟု ခေါ်သော ဝါသနာကို မစွန့်သော ပိလိန္ဒဝစ္ဆထေရ်ကို အကြောင်းပြု၍ ဟောတော်မူသည်။
ဒေသနာတော်အဆုံး၌ များစွာသော ပုဂ္ဂိုလ်တို့ သောတာပန်စသည် ဖြစ်ကြသည်။
အနက်
အကက္ကသံ၊ နူးညံ့ပြေပြစ်သော။ ဝိညာပနိံ၊ သဘောအဓိပ္ပါယ် ပေါ်လွင်သော။ သစ္စံ၊ မှန်ကန်သော။ ဂိရံ၊ စကားကို။ ဥဒီရယေ၊ ပြောဆိုရာ၏။ ယာယ၊ အကြင်စကားဖြင့်။ ကဉ္စိ၊ တစုံတယောက်ကိုမျှ။ နာဘိသဇေ၊ မထိခိုက် မငြိစွန်းစေရာ။ တံ၊ ထိုမထိခိုက်သော စကားရှိသူကို။ ဗြာဟ္မဏံ၊ ဗြာဟ္မဏဟု။ အဟံ၊ ငါဘုရားသည်။ ဗြူမိ၊ ဟော၏။
စကားပြေ
နူးညံ့ပြေပြစ်၍ သဘောအဓိပ္ပါယ်ပေါ်စေပြီးလျှင် မှန်ကန်သောစကားကို ပြောဆိုလျက် တစုံတယောက်ကိုမျှ မထိခိုက်သော စကားရှိသူကို ဗြာဟ္မဏဟု ငါဘုရား ဟော၏။
ရဟန္တာများပြောသောစကား
(၁) မကြမ်းတမ်းသောစကား၊
(၂) သိလွယ်သောစကား၊
(၃) မှန်ကန်သောစကား၊
(၄) ဒေါသသံမပါသောစကား။
ပါဠိစကားလုံး ဖွဲ့စည်းပုံ
အကက္ကသံ = န ကက္ကသော အကက္ကသော။ န+ကက္ကသ။
ကက္ကသ= ကိဗ္ဗိသံ ကရောတီတိ ကက္ကသော။ ကရ်+ကသ။
ဝိညာပနိံ = ဝိညာပေတီတိ ဝိညာပနီ။ ဝိ+ဉာ+ဏာပေ+ဏီ။
ဂိရံ = ဂိရန္တိ သဒ္ဒန္တိ န္တိ ဂိရာ။ ဂိရ+အ+အာ။ ဂါယိတဗ္ဗာတိ ဂိရာ။ ဂေ+ဣရ+အာ။
ပိလိန္ဒဝစ္ဆတ္ထေရဝတ္ထု ပြီး၏။
အရှင်သုဇနာဘိဝံသ၏ ဓမ္မပဒဂါထာနိဿယ
၂၆-ဗြာဟ္မဏဝဂ်
၂၅-ပိလိန္ဒဝစ္ဆတ္ထေရဝတ္ထု ပါဠိဂါထာ
ယာယ နာဘိသဇေ ကိဉ္စိ, တမဟံ ဗြူမိ ဗြာဟ္မဏံ။
ယာယ၊ အကြင်စကားဖြင့်။ ကိဉ္စိ၊ တစ်စုံတစ်ယောက်ကို။ န အဘိသဇေ၊ စိတ် ဆိုးစေသောအားဖြင့်, မငြိကပ်စေရာ။၁ အကက္ကသံ၊ မကြမ်းတမ်းသော။ ဝိညာပနိံ၊ အနက်အဓိပ္ပာယ်ကို သိစေနိုင်သော။ သစ္စံ၊ မှန်ကန်သော။ (တံ) ဂိရံ၊ ထိုစကားကို။ ဥဒီရယေ၊ ပြောဆိုရာ၏။ တံ အဟံ ဗြာဟ္မဏံ ဗြူမိ။ (ပါ-၄၀၈)
၁။အဘိသဇေ။ ။ “န လဂ္ဂါပေယျ”ဟု ဖွင့်သဖြင့် “သဇ သင်္ဂေ(နီတိဓာတု-၂၄၄)”အလို အဘိပုဗ္ဗ သဇဓာတ်, သင်္ဂ(ငြိကပ်ခြင်း)အနက်, ကာရိတ်ကျေ, ဧယျဝိဘတ်တည်း၊ ဓာတွတ္ထကား သက္ကတ၌ “သÂဇ”ဟု ရိဆွဲရေဖဖြင့် ဆိုသောကြောင့် သံယုဂ်သဇ္ဇဓာတ်ဖြင့် ရှိစေလို၏၊ မ၊၂၊၄၁၀၌ “နာဘိသဇ္ဇေ”ဟုပင် ရှိ၏၊ ဆန်းကြောင့် ဇ္ဇ၌ဇ်တစ်လုံးကျေသည်ဟုသော်လည်းကြံ၊ မ. ဋ္ဌ၊၃၊၂၉၉အလို အဘိသဇေ, ဥဒီရယေတို့၌ တိဝိဘတ်ယူ၍ “ယာယ-ဖြင့်၊ ကိဉ္စိ-ကို၊ န အဘိသဇေ (အဘိသဇ္ဇေ)-မငြိကပ်၊...တံ ဂိရံ-ကို၊ ဥဒီရယေ-ပြောဆို၏”ဟု ပေး။
ပိလိန္ဒဝစ္ဆတ္ထေရဝတ္ထုဂါထာနိဿယ ပြီးပြီ။