ဝါခေါင်လဘွဲ့ ရှစ်ဆယ်ပေါ်တေးထပ်
မငြိမ့်တငြိမ် ရွာတိမ်ယောင့်သည်
ပြာမှိန်တမှောင့်မှောင်အလျှံ
ဗျာဂိန်တထောင့် တောင်ကပါးယံငယ်
ဝါခေါင့်ဝသန် ဘန်တော်ပျိုး။
ပွေရုံဝင်လို့ လွင့်မပြယ်တယ်
မဆင်ခြင့်ချင် ဆင်ကွဲဆင်တဲ့မိုဃ်း။
လေဆိုင်ပြန်တဲ့ မြိုင်ခန်းဝါမူ
ကြိုင်နံ့ချပ်လွှာ သန္တာမျိုး။
ခိုင်ပန့်ခတ္တာ သမ္ဘာဖြိုးလို့
အာဏာတန်ခိုး ဟိတ်မပြေ (ပြယ်)။
အဿတာရာ ငွေရထား
သရဝဏ်ရွှေမြှား ထွန်းတင့်ပြိုင်တဆွယ်။
ကြည်ဘွယ်စုတဲ့ ရတုနယ်ဝယ်
သမုနေနွယ် ဒီပရာဇ်တို့
သီဝံနန်းသစ် ဆောင်ကူးမည်မှန်
ဘောင်မှူးရည်ဓိဋ္ဌာန်။
မြေပြင်လေးမျှ ရင့်ကြွေးညံအောင်
ရွှေစာရေးတံ လှူပွဲတော်နှင့်လေး။
|
ဤလုပ်ဆောင်မှုသည် ဇန်နဝါရီ ၁၊ ၁၉၂၉ မတိုင်မီ ဖြန့်ချိခဲ့ပြီး ဖြစ်ပြီး ဖန်တီးသူ ကွယ်လွန်ခဲ့သည်မှာ အနည်းဆုံး နှစ် ၁၀၀ ရှိခဲ့ပြီး ဖြစ်သဖြင့် ယခုအခါ တစ်ကမ္ဘာလုံးတွင် အများပြည်သူပိုင် ဖြစ်သည်။ |