ဥပ္ပလဝဏ္ဏာထေရီဝတ္ထုဂါထာ
ပထမကျော်၊ သာသနဓဇသိရီပဝရ ဓမ္မာစရိယ ဒေါ်ဝိဇ္ဇေသီ၏ သရုပ်ပြဓမ္မပဒကျမ်း
၂၆-ဗြာဟ္မဏဝဂ်။ ၁၈-ဥပ္ပလဝဏ္ဏာထေရီဝတ္ထု
၄၀၁။ ဝါရိ ပေါက္ခရပတ္တေဝ၊ အာရဂ္ဂေရိဝ သာသပေါ။
ယော န လိမ္ပတိ ကာမေသု၊ တမဟံ ဗြူမိ ဗြာဟ္မဏံ။
ဤတရားဒေသနာတော်ကို ဘုရားရှင်သည် သာဝတ္ထိပြည် ဇေတဝန်ကျောင်းတော်၌ သီတင်းသုံးနေတော်မူစဉ် ရဟန္တာတို့ ကာမဂုဏ်ကို မသာယာကြကုန်၊ ကာမဂုဏ်ကို မခံစားကြကုန်ဟု ဥပ္ပလဝဏ္ဏာထေရီမကို အကြောင်းပြု၍ ဟောတော်မူသည်။
ဒေသနာတော်အဆုံး၌ များစွာသော ပုဂ္ဂိုလ်တို့ သောတာပန် စသည်ဖြစ်ကြသည်။
အနက်
ပေါက္ခရပတ္တေ၊ ကြာဖက်၌။ ဝါရိ၊ ရေသည်။ န လိမ္ပတိ ဣဝ၊ မတည်သကဲ့သို့လည်းကောင်း။ အာရဂ္ဂေ၊ ပွတ်ဆောက်ဖျား၌။ သာသပေါ၊ မုန်ညင်းစေ့သည်။ န လိမ္ပတိ ဣဝ၊ မတည်သကဲ့သို့လည်းကောင်း။ ယော၊ အကြင်သူသည်။ ကာမေသု၊ ဝတ္ထုကာမ ကိလေသာကာမတို့၌။ န လိမ္ပတိ၊ မလိမ်းကျံ မကပ်ငြိ။ တံ၊ ထိုသူကို။ ဗြာဟ္မဏံ၊ ဗြာဟ္မဏဟု။ အဟံ၊ ငါဘုရားသည်။ ဗြူမိ၊ ဟောတော်မူ၏။
စကားပြေ
ကြာဖက်ပေါ်၌ ရေမတည်နိုင်သကဲ့သို့ လည်းကောင်း၊ ပွတ်ဆောက်ဖျားပေါ်၌ မုန်ညင်းစေ့ မတည်နိုင်သကဲ့သို့ လည်းကောင်း ကာမဂုဏ်တို့၌ မကပ်ငြိသူကို ဗြာဟ္မဏဟု ငါဘုရားဟော၏။
ပါဠိစကားလုံး ဖွဲ့စည်းပုံ
ဝါရိ = ပိပါသံ ဝါရေန္တိ ဧတေနာတိ ဝါရိ။ ဝရ+ဏိ။
ပေါက္ခရပတ္တေ = ပေါက္ခရာ ပတ္တံ ပေါက္ခရပတ္တံ။ ပေါက္ခရ+ပတ္တ။
အာရဂ္ဂေ = အာရာယ အဂ္ဂံ အာရဂ္ဂံ။ အာရာ+အဂ္ဂ။
သာသပေါ = သာသိယန္တိ အနေနာတိ သာသပေါ။ သသ်+အပ။
ဥပ္ပလဝဏ္ဏာထေရီဝတ္ထုပြီး၏။
အရှင်သုဇနာဘိဝံသ၏ ဓမ္မပဒဂါထာနိဿယ
၂၆-ဗြာဟ္မဏဝဂ်
၁၈-ဥပ္ပလဝဏ္ဏာထေရီဝတ္ထု ပါဠိဂါထာ
ယော န လိမ္ပတိ ကာမေသု, တမဟံ ဗြူမိ ဗြာဟ္မဏံ။
ပေါက္ခရပတ္တေ၊ ပဒုမ္မာကြာရွက်၌။ ဝါရိ၊ ရေပေါက်သည်။ န လိမ္ပတိ ဣဝ၊ မလိမ်း ကျံမကပ်ငြိသကဲ့သို့လည်းကောင်း။ အာရဂ္ဂေ၊ အပ်ဖျား၌။ သာသပေါ၊ မုန်ညင်းစေ့သည်။ န လိမ္ပတိ ဣဝ၊ ကောင်း။ (ဧဝမေဝ၊ သာလျှင်။) ယော၊ အကြင်ပုဂ္ဂိုလ်သည်။ ကာမေသု၊ ဝတ္ထုကိလေသာ, နှစ်ဖြာသော ကာမတို့၌။ န လိမ္ပတိ၊ မလိမ်းကျံမကပ်ငြိ။ (တစ်နည်း) ကာမေသု၊ ဝတ္ထုအာရုံ, ကာမဂုဏ်တို့၌။ န လိမ္ပတိ၊ ကိလေသာကာမတို့ဖြင့် မလိမ်းကျံ မကပ်ငြိ။ တံ၊ ကို။ အဟံ၊ သည်။ ဗြာဟ္မဏံ၊ ၍။ ဗြူမိ၊ ၏။ (ပါ-၄၀၁)
ဥပ္ပလဝဏ္ဏာထေရီဝတ္ထုဂါထာနိဿယ ပြီးပြီ။