လကုဏ္ဍကဘဒ္ဒိယတ္ထေရဝတ္ထုဂါထာ
ပထမကျော်၊ သာသနဓဇသိရီပဝရ ဓမ္မာစရိယ ဒေါ်ဝိဇ္ဇေသီ၏ သရုပ်ပြဓမ္မပဒကျမ်း
၆-လကုဏ္ဍကဘဒ္ဒိယတ္ထေရဝတ္ထု
၈၁။ သေလော ယထာ ဧကဃနော၊ ဝါတေန န သမီရတိ။
ဧဝံ နိန္ဒာပသံသာသု၊ န သမိဉ္ဇန္တိ ပဏ္ဍိတာ။
ဤတရားဒေသနာတော်ကို ဘုရားရှင်သည် သာဝတ္ထိပြည် ဇေတဝန်ကျောင်းတော်၌ သီတင်းသုံးနေတော်မူစဉ် အလွန်ပုသော ရဟန္တာ လကုဏ္ဍကဘဒ္ဒိယထေရ်ကို အကြောင်းပြု၍ ဟောတော်မူသည်။
ဒေသနာတော်အဆုံး၌ များစွာသော ပုဂ္ဂိုလ်တို့ သောတာပန်စသည် ဖြစ်ကြသည်။
အနက်
ဧကဃနော၊ တခဲနက်ဖြစ်သော။ သေလော၊ ကျောက်တောင်သည်။ ဝါတေန၊ အရပ်လေးမျက်နှာမှလာသော လေကြောင့်။ န သမီရတိ ယထာ၊ မတုန်မလှုပ်သကဲ့သို့။ ဧဝံ၊ ထို့အတူ။ ပဏ္ဍိတာ၊ ပညာရှိတို့သည်။ နိန္ဒာပသံသာသု၊ ကဲ့ရဲ့ခြင်း ချီးမွမ်းခြင်းတို့ကြောင့်။ န သမိဉ္ဇန္တိ၊ မတုန်မလှုပ်ကုန်။
စကားပြေ
အပေါက်မရှိသော တခဲနက်ကျောက်တောင်ကြီးသည် အရပ်လေးမျက်နှာမှ လေကြောင့် မတုန်လှုပ်သကဲ့သို့ ထို့အတူ ပညာရှိတို့သည် လောကဓံတရားကြောင့် မတုန်လှုပ်ကုန်။
နိန္ဒာပသံသာသု— ဤ၌ လောကဓံတရား (၂)ပါးကိုသာ တိုက်ရိုက်ပြသော်လည်း သဘောအဓိပ္ပါယ်အားဖြင့် လောကဓံတရား (၈) ပါးကို ယူရမည်။
ပါဠိသဒ္ဒါခက်ဆစ်
သေလော = သိလာနံ ရာသိ သိလာ။ သိလာ အဘိ အတ္ထိ ဣတိ သေလော။ သိလာ + ဏ။
ဧကဃနော = ဧကော ဃနော ဧကဃနော။ ဧက + ဃန။
ဝါတေန = ဝါယတိ ပုပ္ပါဒီနံ ဂန္ဓော ယေန သော ဣတိ ဝါတော။ ဝါ + တ။
နိန္ဒာပသံသာသု = နိန္ဒာ စ ပသံသာ စ နိန္ဒာပသံသာ။ နိန္ဒာ + ပသံသာ။
လကုဏ္ဍကဘဒ္ဒိယတ္ထေရဝတ္ထု ပြီး၏။
အရှင်သုဇနာဘိဝံသ၏ ဓမ္မပဒဂါထာနိဿယ
၆-ပဏ္ဍိတဝဂ်
၆-လကုဏ္ဍကဘဒ္ဒိယတ္ထေရဝတ္ထုပါဠိဂါထာ
ဧဝံ နိန္ဒာပသံသာသု, န သမိဉ္ဇန္တိ ပဏ္ဍိတာ။
ဧကဃနော၊ တစ်ခဲနက်သော။ သေလော၊ ကျောက်တောင် သည်။ ဝါတေန၊ လေကြောင့်။ န သမီရတိ ယထာ၊ မတုန်လှုပ် သကဲ့သို့။ (ဧဝံ၊ တူ။) ပဏ္ဍိတာ၊ ပညာရှိတို့သည်။ နိန္ဒာပသံသာသု၊ ချီးမွမ်းခြင်း, ကဲ့ရဲ့ခြင်းတို့ကြောင့်။ ဝါ၊ လောကဓံ၈-ပါးတို့ကြောင့်။ (တစ်နည်း) နိန္ဒာပသံသာသု၊ တို့သည်။ (အဇ္ဈောတ္ထရန္တေသု၊ လွှမ်း မိုးကုန်လသော်။) န သမိဉ္ဇန္တိ၊ မတုန်လှုပ်ကုန်။ (ပါ-၈၁)
လကုဏ္ဍကဘဒ္ဒိယတ္ထေရဝတ္ထုဂါထာနိဿယပြီးပြီ။